مالپه‌رێ خابير مالپه‌ره‌كێ سه‌ربه‌خو یێ هه‌مه‌ره‌نگه
رادیوا خابیر ژ ڤه‌رێژا زه‌لالیا خابیرى و جوانیا باژێرێ زاخو ل ڕۆژا 19 / 2 / 2005 ل هاتییه دامه‌زڕاندن , ب هاریكارى خودێ و ب پشته‌ڤانیا كومه‌كا ڕۆژانامه‌ڤانا , و ب هه‌ڤكارى د گه‌ل چه‌ندین مامۆستا و كه‌سێن تایبه‌تمه‌ند و بسپور د كارێ راگه‌هاندنێدا .
بتنێ مه‌هه‌كێ ژبه‌رى (19/2) رادیو ب شێوێ ( test ) په‌خشێ دبى دویڤرا ئێكسه‌ر ده‌ست ب وه‌شانا به‌رنامێن خوه‌كر .
رادیوا خابیر نافخوییه و په‌خش دبت ل سه‌ر هێلا ( 90:01 fm ) , و ده‌نگێ وێ ل باژێرێ زاخۆ و ل ده‌ورو به‌ران به‌لاڤ دبت – هه‌مى ناحییه و گوندێن سه‌ر ب قه‌زا زاخۆ ڤه – , و هه‌ر وه‌سا په‌خشێ وێ د گه‌هیته چه‌ند گوندێن ده‌شتا سلێڤانه‌یا , و گوندێن ده‌ڤه‌را لێفێ و ده‌ڤه‌را دوسكییا هه‌تا ناحیا مانگێژكێ , دیسان ل باژێرێ سلوپیا و جزیرێ ژى و چه‌ندین گوندێن لسه‌ر توخیبێن كوردستانا باكور ژى په‌خشێ رادیوا خابیر لێ به‌لاڤ دبت .
ب هه‌لكه‌فتا بورینا چار سالان ل رۆژا 19 / 2 / 2009 كارگێریا رادیوا خابیر شیا ده‌نگێ خوه بۆ هه‌مى قولاچكێن جیهانێ په‌خش بكت لسه‌ر سایتێ www.xabir.net . لێ نوكه ئه‌ڤ سایته راوه‌ستیایه و د نویژه‌نكرنێدایه .
و ل ده‌ستپێكێ ماوێ په‌خشێ رادیویێ حه‌فت دمژمێران ڤه‌دكێشا – ماوێ سپێدێ ل ده‌مژمێر 8,00 تا 12,00 نیڤرو , و پشتى نیڤرو ژ ده‌مژمێر 2,00 تا 5,00 مه‌غره‌ب ب دووماهی د هات – لێ د پێشئێخستنا به‌رده‌وامدا نوكه 15,30 ده‌مژمێران رادیوا خابیر په‌خش دبت , ده‌ستپێدكت ژ ده‌مژمێر 7,30 سپێدێ تا ده‌مژمێر 11,00 شه‌ڤ ب دووماهى د ئێت .
به‌رنامیێن ده‌سپێكێ یێن رادیوا خابیر پێشكێشكرین ب ڤى ره‌نگى بین :
به‌رنامه‌یه‌كێ وه‌عزى یێ ڕۆژانه ب ناڤێ ( دیوانا مزگه‌فتێ ) .
به‌رنامه‌یه‌كێ ڤه‌كرى و هه‌مه‌ره‌نگێ ڕۆژانه ب ناڤێ ( مێرگا گوهدارا ) .
و ل هه‌مى ڕۆژان ل ما وێ سپێدێ به‌رنامه‌یه‌ك و ل ما وێ ئیڤارى به‌رنامه‌یه‌كى حه‌فتیانه د هاته پێشكێشكرن د بییاڤیێن جودا جودا دا , وه‌ك : ( به‌رنامێ روناهى یێ فه‌توایێ , وبه‌رنامێ ژیاننامه پێغه‌مبه‌رى [سلاڤ لێ بن] , و به‌رنامێ چرا یێ تایبه‌ت ب خێزانێ ڤه , و به‌رنامێ فێرگه‌ها قورئانێ , و به‌رنامێ گیانێ ساخله‌م , و به‌رنامێ باغچه یێ زاروكا , و به‌رنامێ ره‌وشه‌نبیریا ئه‌ده‌بى , …. هتد ) .
پشتى بۆرینا شه‌ش مه‌هان ژ دامه‌زراندنا رادیویێ ده‌مێ په‌خشى هاته به‌رفره‌هكرن, ماوێ بێهنڤه‌دانا نیڤرو ب به‌رنامه و برگه‌یێن عه‌ره‌بى هاته وه‌شان .
و ل نێزیك بورینا ساله‌كێ ده‌مێ په‌خشێ رادیویێ هیشتا هاته زێده‌كرن ژ دمژمێر 7,30 سپێدێ تا ده‌مژمێر 10,00 شه‌ڤ و نوكه تا ده‌مژێر 11:00 شه‌ڤ به‌رده‌وامه .
رادیوا خابیر به‌رده‌وام بزاڤ كرینه جهێ حه‌زا خه‌لكێ بت و خوه دیتییه وه‌ك په‌روه‌رده‌كار بۆ گوهدارێن خوه , ژ به‌ر هندێ ئه‌وا د ناڤه‌روكا به‌رنامێن وێدا دئێته پێشكێشكرن پتریا ته‌خێن ژیانێ ب خوڤه دگریت .
و دماوێ عه‌ره‌بیدا رۆژانه به‌رنامه‌یه‌كى هه‌مه‌ره‌نگ ب ناڤێ ( قگر الندى ) دئێته پێشكێشكرن دگه‌ل به‌رنامه‌یه‌كى رۆژانه یێ – ریكورد – یێن زانایێن جیهانا ئیسلامى .
و نوكه ل رادیوا خابیر پتر ( 25 ) به‌رنامه‌یێن جوره و جور د ئێنه وه‌شان یێن ڕۆژانه و حه‌فتیانه , و پتر ژ ( 20 ) كارمه‌ندا لێ كار دكن و زێده‌بارى ژماریه‌كا زۆر ژ ماموستایێن رێزدار ژ خویشك و برا به‌رنامێن حه‌فتیانه پێشكێش دكن .
ژ رۆژا دامه‌زراندنێ و تا نوكه كومه‌كا رۆژنامه‌ڤانێن ژێهاتى رێڤه‌به‌ریا رادیوا خابیر كرینه ژ ده‌ستپێكێ ماموستا ( عبدی محمود ) و دویڤرا رۆژنامه‌ڤان ( سعد محمد ) و ( حسن یاسین ) و نوكه ( ماهر سگڤان ) رێڤه‌به‌رێ رادیویێ یه .
كارگێرییا رادیوا خابیر پێك دئێت ژ چه‌ند به‌شه‌كان و ب ڤى ره‌نگى ل خوارێ :
به‌شێ ده‌نگ وباسان : پێك د ئێت ژ به‌رپرسێ به‌شى كاك ( مێهڤان حسین ) و چه‌ند سه‌رنڤیسه‌ره‌كێن ده‌نگ و باسان .
به‌شێ رێڤه‌به‌ریا به‌رنامه‌یان : به‌رپرسێ به‌شى كاك ( حسن یاسین ) و چه‌ند كارمه‌ندێن دى یێن رادیویێ .
به‌شێ ئه‌رشیفى و مونتێران : به‌رپرسێ به‌شى كاك ( حكیم حسین ) و هه‌مى مونتێرێن رادیویێ .
به‌شێ رێــكلاما : كاك ( عبدالله أحمد ) پێ به‌رپرسه .
به‌شێ عه‌ره‌بى : كاك ( حسن یاسین ) پێ به‌ر پرسه .
به‌شێ زاروكان : كاك ( سیراج گوللى ) پى به‌ر پرسه .
و هه‌ر وه‌سا كاك ( ئیسلام كه‌شانى ) به‌رپرسێ په‌یوه‌ندیایه .
لجنه‌یا دانانا به‌رنامه‌یان ل رادیویێ ره‌نج و زه‌حمه‌ته‌كا به‌رده‌وام ژ ڕۆژێن ده‌سپێكێ و تا ئه‌ڤروكه مه‌زاختینه بۆ هندێ دا بشێن به‌رنامه‌یێن ژ هه‌ژى بۆ هه‌مى ته‌خێن چڤاكى پێشكێش بكن , و ئاره‌ز و ئارێشێن جڤاكى ب جوانترین رێكین زانستى ئه‌گه‌ر و چاره‌سه‌رى بۆ ده‌سنیشان بكن د گه‌ل كه‌سێن بسپور و شاره‌زا .
كارگێریا رادیویێ بیاڤه‌كێ مه‌زن بۆ خویشكان ته‌رخانكرییه , ژ به‌ر وێ چه‌ندێ خویشكان ژى روله‌كى به‌رچاڤ یێ هه‌ى هه‌ر ژ ده‌ستپێكێ و تا ئه‌ڤرو .
به‌شێ ده‌نگ و باسان ل رادیوا خابیر به‌رده‌وام هه‌ول بزاڤ كرینه د دارێشتنا ده‌نگ و باساندا پتر ژ هه‌مى ده‌زگه‌هێن راگه‌هاندنێ نێزترى راستییێ بت , و ب گوره‌ى بنه‌ما و سیسته‌مێن جیهانى یێن رۆژنامه‌نڤانیێ و رێزگرتن ل هه‌مى ته‌خ و جوینێن جڤاكى پێشكێش دكت .
كارمه‌ندێن رادیوا خابیر به‌شدارى د چه‌ندین خولێن راگه‌هاندنێدا كرینه ئه‌وێن ژ لایێ رێكخراوێن بیانى ڤه دئێنه ڤه‌كرن , و هه‌روه‌سا جه‌ندین خولێن تایبه‌ت كارگێریا رادیووێ بۆ پێشكه‌رێن به‌رناما ڤه‌رینه .
سه‌ره‌راى هندێ رادیوا خابیر دوو جارارن توشى سوتنێ بویه ل (6/12/2005) و (2/12/2011) و جاره‌كێ هاتییه تالانكرن , ژبه‌ر كو كێبه‌ركییا وێ د بیاڤێ سروشتیێ رۆژنامه‌ڤانیدا ب زه‌حه‌ت بى په‌نا دبرن بۆ هندێ كارتێكرنا وێ لسه‌ر خه‌لكێ ده‌ڤه‌رێ ب دووماهى بێت , لێ ب ئیراده و هیممه‌تا به‌رزا بلندا كارمه‌ند و كارگێریا وێ تا نوكه وه‌كى خابیر زاخۆ به‌رده‌وامه و ل هه‌مى ده‌ما بتنێ موژیلى گه‌شه‌كرنێ یه .