مالپه‌رێ خابير مالپه‌ره‌كێ سه‌ربه‌خو یێ هه‌مه‌ره‌نگه
پێناسەیەک بۆ تیپا خابیر یا ھونەری :
وەک پێدڤی و ڤالەھییەک دەڤەرا زاخۆ تێدا , بۆ تیپەکا ھونەری بشێت دکەڤالەکێ نویدا کوم بکت ھونەرەکێ پێگیر ژ رەسەنیا فلکلورێ کوردی و ھونەرێ ئیسلامیێ دەولەمەند تیپا خابیر یاھونەری ژ دەنگ و ئاوازێن پێلێن خابیرێ زاخۆ و زەلالیا وێ ل رۆژا ( ٥ ئەیارا سالا ١٩٩٤ زایینی ) ھاتە دامەزراندن , ژ لایێ کومەکا ھونەرمەند و دەنخوەشان و ب ھەڤکاری دگەل چەندین ماموستا و ھوزانڤان و ئاوازدانەران دەستەیا رێڤەبەریا تیبێ دانان ,
د دەستپێکا ژیێ خوەدا تیپا خابیر ژ ڤەرێژا کانیا زەلالا ھونەر و ھونەرمەندێن زاخو چەندین چالاکیێن بەرچاڤ و قەشەنگ ئەنجامدان و پرانیا وان ب ئامیرە و لێدەرێن سادە و سەرتایی بین تا سالا (١٩٩٦) و ژبەر بارەدوخێ سیاسی و شەرێ نافخویی و کاودانێن پارتێن ئوپزسیون ل دەڤەرێ تێدا دبوری ژ قەدەغەکرنا ھەمی سەنتەر و رێکخراو و دەستە و بارەگایێن نە سەر ب دەستھەلاتێڤە , ل وی دەمی تیپا خابیر بۆ دوو سالان ژ ( ١٩٩٦ تا ١٩٩٨ ) راوەستیان کەفتە کار و چالاکیێن وێ لێ ل بھارا سالا ١٩٩٨ سەر ژنوی کار و بزاڤێن خوە یێن ھونەری دەست پی کرینەڤە ,
تیپا خابیر بەشداری د گەلەک ئاھەنگ و شەھیان و ڤیستەڤال و بەرنامەیێن ھونەریدا کری یە , مینا ئاھەنگێن ئایینی و نەتوەیی و رێکخراوی و ئاھەنگێت گەشت و سەیرانان .
و ب دەھان چاڤپێکەفتنێن تیلەڤزیونی و رادیویی بەشداری تێدا کرینە و زێدەباری ساخکرنا ھەمی بیرەوری و سالرۆژ و ھەلکەفتان .
ل بەشێن یێن خوە جودا جودا تیپا خابیر ب دەھان زارڤەکرن ل دور ئاریشە و ئازارێن خەلکێ و رێکێن چارەسەریێ ل رادیوا خابیر پێشکێشکرینە , و پێشانگەھێن فوتوگرافی و تابلووێن کاریکاتێری ل ھەلکەفت و بیرەوەریان نمایشکرینە , و چاڤدێریا گەلەک بەرنامە و بەرێکانێن ھونەری ل دەزگەھێن راگەھاندنێ کرینە و چەندین بەرنامەیێن ھونەری ئەندامێن وێ ل دەوگەھێن راگەھاندنێ پێشکێشکرینە .
تیپا خابیر چەندین بەرھەم تومارکرینە و ئێکەم بەرھەم ب ناڤێ [ناما پیرۆز] ل سالا (٢٠٠٠) ب دەنگێ و ئاواز و پەیڤێن کومەکا ھونەرمەندان تومارکر , و بەرھەمێ دووێ ب ناڤێ [خەملین] ل سالا (٢٠٠٢) و بەرھەمێ سیێ ب ناڤێ [سەردارێ پێغەمبەران] ل سالا (٢٠٠٣) , و دھەمان سالدا بەرھەمەکی تایبەت ژلایێ ھونەرمەند [ێدقی شکراڤی] ھاتە تومارکرن , و بەرھەمێ پێنجێ دیسان تایبەت ب دەنگێ ھونەرمەند [جمعە سلیم] ھاتە وەشان
و نوکە ب دەھان ستران ژوان بەرھەمان ھاتینە کلیپکرن و ل کەنالێن لوکال و ئەسمانی رۆژا دئێنە وەشان .
تیپا خابیر یا ھونەری ……. رەنگ و دەنگێ پرا بەری
ژ رەسەنیا فلکلوری …… ھونەری جان پێشکێشکری