مالپه‌رێ خابير مالپه‌ره‌كێ سه‌ربه‌خو یێ هه‌مه‌ره‌نگه
پێناسەیەک بۆ تەلەڤزینا خابیر / زاخۆ
• پشتی رادیوا خابیر ل ١٩/٢/٢٠٠٥ ھاتییە دامەزراندن , وشیای ڤالەھییەکا بەرفرەە دبیاڤێ راگەھاندنێدا پربکت , و ددەمەکێ کێم دا جەماوەرەکێ مەزن ل دور خوە کوم کری پتریا گوھدار و حەژێکەرێن رادیویێ داخاز دکرن ئەو پەیاما لرادیویێ دھێتە پێشکێشکرن ببیتە دەنگ ورەنگ , دا پتر گەشەیا خوە ھەبت .
• ب پشتەڤانیا خودای و ب ھیمەتبەرزی و ب ھەول و بزاڤێن راگەھاندکارێن یەکگرتوو ل زاخۆ و ب ھاریکاریا مەلبەندێ (١٣)ێ یەکرتووی ئیسلامیی کوردستان تەلەڤزیونا خابیر ل (١/٧/٢٠١٠ز) ھاتەدامەزراندن ,
• تەلەڤزیونا خابیر لسەر فریکوانسا (HZG٢٥) لوکال ب سیستەمێ ئەنەلوک پەخشێ ل باژێرێ زاخۆ و دەوروبەرا بەلاڤ دکت , و برێکا سایتێ دەزگەھێ خابیر (xabit.net) پەخشێ خوە بۆ دەرڤەی زاخۆ ژی بەلاڤ دکت .
• کارگێریا تەلەڤزیونا خابیر ب ڤێ شێوەی پێک دھێت : [ رێڤەبەر , کارگێری و ژمێریاری , بەشێ بەرنامەیان , بەشێ زاروکا , بەشێ دوبلاژێ , بەشێ ھونەری , بەشێ رێکلاما , دەنگ وباسێن CG ] .
• ل سالا (٢٠٠٩ز) و ل مەھا کانینا دووێ ژ بەر ھەولدانا ڤەکرنا تەلەڤزیونا خابیر ئێکەم رێڤەبەرێ تەلەفزیونێ ماموستا (جاسم محمد) ژ لایێ ئاسایشا زاخۆڤە (١٠) روژان ھاتە زیندانکرن , و پاشی ب رێکا سکالەیان ل دادگەھا ھەولێرێ و ب رێکا مەکتەب سیاسی , مولەت ب فەرمی ھاتیە دان ژ لایێ وەزارەتا رەوشەنبیری و لاوان رێڤەبەریا گشتیا راگەھاندنێ ژمارە (٤٩١٩٨٩) ل (٧/٦/٢٠١١ز) , و ل رۆژا ( ١ / ٧ / ٢٠١٠ز ) دەست ب پەخشێ خوە کر , و ب بورینا سالەکێ پەخشێ خوە یێ تێست ب دووماھی ئینایە .
• د ماوێ خوەئامادەکرن و تێستێدا ماموستا (جاسم موحەممەد شرنەخی) رێڤەبەر بی , و دویڤرا رۆژنامەڤان (عبدالواحد تاھا بەرواری) بی رێڤەبەر ژ (١/٧/٢٠١٠ تا ١/٧/٢٠١١) , و پاشی بەرپرسێ راگەھاندنا مەلبەندی ماموستا ( قادر چەلبی) بۆ ماوێ دوو مەھا بی رێڤەبەر , و ژ رۆژا (٦/٩/٢٠١١) و تا نوکە رۆژنامەڤان (سعد محمد حسن) رێڤەبەرە .
• پەخشێ تەلەڤزیونا خابیر ژ دەمژمێر (٤)ی ئێڤاری دەستپێدکت و ل (١٢)ی شەڤ ب دووماھی دھێت , و لرۆژێن ئەینیا ژ دەمژمێر (١٠)ی سپێدێ تا (١٢)ی شەڤێ بەردەوامە .
• تەفسیرا کوردی و بەرنامێ زاروکا و بەرنامەیەکێ ھەمەرەنگ رۆژانە دھێنە پێشکێشکرن ,
• و ھەروەسا ھەمی رۆژا دوو بەرنامێن حەفتیانە دھێنە پێشکێشکرن و دگەل زنجیرەیەکا دوبلاژکری , زیدەباری ناڤبر وکورتە فیلمێن پەروەردەیی .
• خابیر تیڤی پتر گرنگیێ ب بابەتێ کومەلایەتی و ئاینی و رەوشەنبیری و زاروکان ددت , زێدەباری بابەتێن سیاسی و ژنان وتەرفیھی .
• رولێ تەلەڤزیونا خابیر پێش چاڤە بۆ ساخکرنا پتریا ھەلکەفت وبیرەوەریێن ئایینی و نەتوەیی , و گەلەک جارا تەمشەڤانا ئەڤ چەندە بلند نرخاندینە د راپورتێن پەیامنێراندا .
٥/٣/٢٠١٥
کاگێریا تەلەڤزیونا خابیر