سەرەتا / دانعه‌مره‌كێ توركی 4 باوه‌رنامه‌یێن زانینگه‌هێ پشتی 77 سالیێ ب ده‌ستڤه‌دئینت.

دانعه‌مره‌كێ توركی 4 باوه‌رنامه‌یێن زانینگه‌هێ پشتی 77 سالیێ ب ده‌ستڤه‌دئینت.

دانعه‌مره‌كێ توركی 4 باوه‌رنامه‌یێن زانینگه‌هێ پشتی 77 سالیێ ب ده‌ستڤه‌دئینت.
مالپه‌رێ خابیر / زاخۆ
دانعه‌مره‌كێ تورك د ژیێ 77 سالیێ دا نمونه‌یه‌كا جوان یا پێداگری و دسه‌تنه‌به‌ردانێ نیشاندا، و شیا د ده‌مێ 16 سالان دا 4 باوه‌رنامه‌یێن زانینگه‌هێ ب ده‌ستڤه‌بینت، و ب ڤێ چه‌ندێ ژی ژ لایێ ناسیارێن وی ڤه‌ هاتیه‌ ناڤكرن ب “سوپه‌ر باپیر”.
دانعه‌مر “موحه‌مه‌د ده‌نیز” ئاكنجیێ باژێرێ ئێزمیر ل رۆژئاڤایێ توركیا ل ژیێ 61 سالیێ ده‌ست ب خاندنا زانینگه‌هێ كر و پشتی 16 سالان شیا 4 باوه‌رنامه‌یێن زانینگه‌هێ بده‌ستڤه‌بینت.
ده‌نیزی بۆ ئاژانسا ئه‌نادول یا توركی گوت ئه‌وی پشتی قوناغا ئاماده‌یی خاندن هێلا و فێری زمانێن روسی و ئه‌لمانی بی، و وه‌ك وه‌رگێر بۆ ڤان زمانان كار دكر.
پاشی ناڤهاتی هه‌ست ب شیانێن خاندنێ كر و حه‌زا به‌رده‌وامیێ ل ده‌ڤ په‌یدا بی، له‌وا بریارا به‌رده‌وامیدانا خاندنێ بۆ سه‌رهلدا و خوه‌ گه‌هاندنه‌ قوناغا زانینگه‌هێ به‌لێ پشتی ژیێ وی گه‌هشتییه‌ 61 سالیێ.
ده‌نیزی زێده‌تر گوت كو ئه‌وی تایبه‌تمه‌ندیێن “كارگێرییا نڤیسینگه‌هان، بازرگانی، ئابوری، زمانێ توركی و ئادابا زمانێ توركی ب دویماهی ئینان و ئه‌و د ژیێ 77 سالیێ دا، و د نوكه‌ دا وی لبه‌ره‌ ده‌ست ب خاندنا یاسایێ و مافان بكت.
سوپه‌ر باپیری بۆ گه‌نجان گوت”بێ هیڤی نه‌بن، بێ ئه‌مه‌ل نه‌بن، ژ دل كار بكن” بۆ نیاسێن خوه‌ گوت “ده‌مێن خوه‌ د گوشه‌یێن كافێیان دا نه‌بورینن، و دویماهیێن وه‌ بلا نه‌ ب ئێشێن دلی بت ده‌مێ هوین بلكانێ دكن”.

ا.ن

دەربارە admin

Check Also

تایبه‌تمه‌نده‌كێ تورك دبێژت موبایلێ نه‌ بنه‌ د ژۆرا نڤستنێدا

  پروفیسور “حكمه‌ت یه‌لماز” ماموستا ل به‌شێ ده‌مارا ل زانینگه‌ها “مانیسا جه‌لال بایار” ل وه‌لاتێ …