سەرەتا / به‌شێن مالپه‌ری / ساخلەمی / لەبەر ئەم هۆكارانە لەخەودا ئارەقە دەكەین

لەبەر ئەم هۆكارانە لەخەودا ئارەقە دەكەین

زۆربەی كات پزیشكەكان گوێ‌ بیستی ئەو نەخۆشانە دەبن كە گرفتی ئارەقكردنەوەیان هەیە لە كاتی نوستنی شەواندا، ئەمەش جیاوازە لەو ئارەقكردنەوەیەی بەهۆی پلەكانی گەرماوە ڕوودەدات.

هەندێك لە هۆكارەكانی ئارەقكردنەوەی شەوان ئەمانەی لای خوارەوەن :

1. وەستاندنی سووڕی مانگانە لە خانماندا : وەستانی سوڕی مانگانە یاخود نزیك بوونەوەی تەمەنی نائومێدی هۆكارێكە بۆ ئارەقكردنەوەی بەردەوام بەتایبەت لە كاتەكاتی ئیسراحەت و شەواندا.

2. ئارەقكردنەوەی نادیار : ئەو ئارەقە زۆرەی كە لەشەواندا لەكاتی خەوتندا دەیكەیتەوە هۆكارەكەی نادیارەو بەبێ‌ ئەوەی هیچ گرفت یاخود كێشەیەكی تەندروستیت هەبێت تەنها لەشی ئەو كەسە ئارەقێكی زۆر دەردەدات.

3. هەوكردن : ئەو ئارەقكردنەوەیەی بە هۆی هەوكردن و جۆرەكانیەوەیەتی وەك (نەخۆشی سیل، هەوكردنی ئێسكەكان، هەوكردنی دەمارەكانی دڵ).

4. شێرپەنجە : هەندێك جۆری شێرپەنجە دەبێتە هۆی ئارەقكردنەوەی شەوانە وەك شێرپەنجەی گرێ‌ لیمفاوییەكان.

5. بەكارهێنانی هەندێك جۆری دەرمان : هەندێكی جۆری دەرمان دەبێتە هۆی ئارەقكردنەوەی شەوانە لەوانە دەرمانی نەخۆشییە دەروونییەكان و دەرمانەكانی وەك ئەسپرین و ئەسیتامینۆفین كە هەندێ‌ كات دەبێتە هۆی ئارەقكردنەوە.

6. رێژەی شەكر لە خوێندا : دابەزاندنی شەكر لە خوێندا هەندێ‌ جار دەبێتە هۆی ئارەقكردنەوەی شەوانە بەتایبەتی ئەو كەسانەی كە ئەنسۆلین و دەرمانی نەخۆشی شەكرە بەكاردەهێنن.

7. تێكچوونی هۆرمۆن : تێكچوونە جیاوازەكان لە هۆرمۆنەكان، هەندێ‌ كات دەبێتە هۆی ئارەقكردنەوەی شەوانە.

8. تێكچوونە دەروونیەكان : لەو هۆكارانەی كە دەبێتە هۆی ئارەقكردنەوەی شەوان وەكو تووش بوون بە خەمۆكی و دڵە راوكێ‌.

لە كۆتایدا دەتوانین بڵێین كە هەندێ‌ كات ئارەقكردنەوەی شەوانە لە كاتی خەوتندا نە هیچ هۆكارێكی دیارو نە هیچ زیانێكی هەیە.

 

رۆژنامەی هەولێر

 

ئـ . كـ

 

دەربارە Andam Omar

Check Also

دویكێلا چگاره‌یان سالانه‌ 900 هزار كه‌سان دكوژت.

دویكێلا چگاره‌یان سالانه‌ 900 هزار كه‌سان دكوژت. مالپه‌رێ خابیر / زاخۆ رێكخراوا ساخله‌مییا جیهانی ل …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *