ليستا 119
سەرەتا / به‌شێن مالپه‌ری / ڤه‌كولین / نوژدار: شویشتنا ددانان پشتی خارنێ نه‌ریته‌كێ مه‌ترسیداره‌.

نوژدار: شویشتنا ددانان پشتی خارنێ نه‌ریته‌كێ مه‌ترسیداره‌.

نوژدار: شویشتنا ددانان پشتی خارنێ نه‌ریته‌كێ مه‌ترسیداره‌.
مالپه‌رێ خابیر / زاخۆ
گه‌له‌ك كه‌س هزر دكن پێدڤیه‌ ئێكسه‌ر ددان پشتی هه‌ر دانه‌كێ خارنێ بهێنه‌ پاقژكرن، داكو ساخله‌مییا ده‌ڤی بهێته‌ پاراستن و رێگری ل بێهنێن نه‌خوه‌ش بهێته‌ كرن، به‌لێ ئه‌نجامێن ڤه‌كولینه‌كا نوی ئاماژه‌ ب وێ چه‌ندێ كرن كو راستییه‌كا مه‌ترسیدار یا ڤی نه‌ریتی ئاشكراكر.
پرۆژه‌ڤه‌كولینه‌كا زانایێن ئه‌كادیمییا نوژدارییا ددانان ل ئه‌مریكا ئاماژه‌ ب وێ چه‌ندێ كر كو پاقژكرنا ددانان پشتی هه‌ر دانه‌كێ خارنێ گه‌له‌ك ب زیانه‌، كو ئه‌گه‌ر كێمتر ژ 30 خوله‌كان پشتی خارنێ بهێنه‌ پاقژكرن دبته‌ ئه‌گه‌رێ ده‌سپێكرنا ژناڤچوونا چینا مینا یا ددانان ب شێوه‌یه‌كێ بله‌ز.
ڤه‌كوله‌ران رۆهنكر كو پاقژكرنا ددانان پشتی خارنێن ترشێن جودا جودا دناڤ دا به‌زاندنا چینا مینا یا ددانان زێده‌ دكت و ژناڤچوونا وێ بله‌زتر دكت، چونكی سه‌ركێن فرچا ددانان نه‌بتنێ به‌رمایكێن خارنێ ژناڤ دبت، به‌لكی بویاغا ددانان ژی ژناڤ دبت.
هاوارد هامبل سه‌رۆكێ ئه‌كادیمییا نوژدارێن ددانان یا ئه‌مریكی گوت: “گه‌له‌ك كه‌س دترسن و هزر دكن پێدڤیه‌ د هه‌ر ده‌رفه‌ته‌كا هه‌بت دا به‌كتریا بهێنه‌ ژناڤبرن، به‌لێ مینا یا ددانان دشێت خوه‌ ژ به‌كتریا و فاكته‌رێن زیانێ ب پارێزت، و كارتێكرنا فرچا ددانان دبته‌ ئه‌گه‌ر مینا ژناڤ بچت، و هوسا ئێك به‌كتریا بچت دناڤ ددانی دا دبته‌ ئه‌گه‌ر زیانا مه‌زنتر ژ ملیار به‌كتریایێن ژ ده‌رڤه‌ی ددانی په‌یدا بكت”.
ل دویڤ تایبه‌تمه‌ندان، پێدڤیه‌ ددان پشتی خارنێ بهێنه‌ پاقژكرن، به‌لێ دڤێت پشتی بورینا 30 خوله‌كان بت.

ا.ن

Check Also

ڤه‌كولین: هه‌وایێ پیس كارتێكرنێ ل شیانێن عه‌قلی یێن مرۆڤی دكت.

ڤه‌كولین: هه‌وایێ پیس كارتێكرنێ ل شیانێن عه‌قلی یێن مرۆڤی دكت. مالپه‌رێ خابیر / زاخۆ ڤه‌كولینه‌كا …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *