سەرەتا / به‌شێن مالپه‌ری / نوچه‌ / خانه‌نشینێن راسته‌قینه‌ ل هه‌رێمێ باجه‌كا زور ددن ژ پاشكه‌فتا موچه‌ى .

خانه‌نشینێن راسته‌قینه‌ ل هه‌رێمێ باجه‌كا زور ددن ژ پاشكه‌فتا موچه‌ى .

خانه‌نشینێن راسته‌قینه‌ ل هه‌رێمێ باجه‌كا زور ددن ژ پاشكه‌فتا موچه‌ى .

 

 

مالپه‌رێ خابیر / زاخۆ

خانەنشین ئەو ته‌خه‌نه‌، ل هه‌مى وه‌لاتان رێزه‌كا تایبه‌ت ژ بۆ وان دهێته‌ گرتن، و هه‌مى جاران دهێنه‌ خه‌لاتكرن،و ل سه‌ر حکومەتێ هه‌یه‌ قەرەبوا خزمەت و ماندیبونا وان بکت، بەڵێ دەستهەڵاتدارێن هه‌رێمێ، ئه‌ڤێ چه‌ندێ ب رەوا نابینن و موچەى ژبۆ وان ب دروستى دابین ناكن، ب شێوەیەکێ موچێ (نه‌هـ) مه‌هێن ساڵا بورى 2017ێ حكومه‌تێ بێ رازه‌مه‌ندییا وان ژ بۆ وان پاشکەفت کریه‌، و تا نوكه‌ هیچ موچەیەکێ 2018ێ ژى وەرنەگرتینە .

عەبدوڵا فارس، سەرۆکێ لقا سلێمانیێ یا ئێكه‌تییا خانه‌نشینێن کوردستانێ، ئاماژە ب نەهامەتى یا خانەنشینێن مەدەنى دکت پشتى چه‌ندین سالان ژ خزمه‌تكرنا راسته‌قینه‌ و به‌رده‌وام،وه‌ك ئه‌و دبێژت،ل سنورێ پارێزگه‌ها سلێمانی و حەڵەبچە (61)هزار خانەنشینێن مەدەنی هەنه‌، ب درێژییا ساڵا بورى 2017ێ،بتنێ سێ موچە وەرگرتینە و موچێ نه‌هـ مه‌هێن هه‌مان سال،ماینه‌ لایێ حکومەتا هەرێمێ و بێ داخوازا وان هاتییه‌ پاشكه‌فتكرن .

سەرۆکێ لقا سلێمانیێ یا ئێكه‌تییا خانه‌نشینان بۆ (ئاوێنە) دیاركریه‌ : ” نوكه‌ ئه‌م گه‌هشتینه‌ نیڤا مه‌ها چوار یا 2018ێ هێشتا هیچ موچەیەکێ ئه‌ف ساله‌ بۆ خاه‌نشینان نه‌هاتییه‌ دان، ب ڕاستی ژیانا خانەنشینان دژوار و کارەساتە و ژیانا وان د مەترسیێ دایە”.

ل هه‌رێما كوردستان ب سه‌دان كه‌س ب موچه‌یێن زه‌به‌لاح و ب پله‌یێن وه‌زیر و وه‌كیل وه‌زیر و شیره‌تكار و رێڤه‌به‌رێن گشتى، ژبلى پله‌یێن ئه‌منى و سه‌ربازى یێن بلند و جودا جودا خه‌لك هاتییه‌ خانه‌نشینكرن، و ب ملیارا دینار، ژبۆ وان دچت ژ بودجه‌یا گشتى و موچه‌یێ فه‌رمانبه‌ران،و د ده‌مێ نوكه‌دا حكومه‌تا هه‌رێمێ كو بتنێ پارتى و ئێكه‌تى تێدا دبه‌ژدارن دبێژت، ل دویڤ وى داهاتیێ دهێته‌ به‌رده‌ستێ مه‌، ئه‌م دێ موچه‌ى مه‌زێخین، و سیسته‌مێ پاشكه‌فتا موچه‌ى ژى دێ به‌رده‌وام بت، به‌لێ نه‌وه‌كى جاران، و هێشتا چ به‌لێنى ژى نه‌هاتینه‌ دان بۆ مه‌زاختنا وى موچه‌ى ل ده‌مێ خوه‌ یێ دیاركرى دا كو سه‌رێ هه‌ر مه‌هه‌كێ یه‌، و بریارا نوى یا كێمترنا پاشكه‌فتا موچه‌ى ژى هاته‌ دان، پشتى خوه‌پێشاندانێن به‌رفره‌هێن ماموستایێن هه‌لێر و دهوكێ ل دژى به‌رده‌وامییا قه‌یرانا دارایى و سیسته‌مێ پاشكه‌فتا موچه‌ى .

Check Also

سه‌نته‌رێ ئه‌نفالێن دهوكێ دێ سكالان ل سه‌ر كومپانیێن ئه‌لمانى یێن چه‌كێ كێمیاوى فروتینه‌ رژێما به‌عسا عێراقێ توماركت.

سه‌نته‌رێ ئه‌نفالێن دهوكێ دێ سكالان ل سه‌ر كومپانیێن ئه‌لمانى یێن چه‌كێ كێمیاوى فروتینه‌ رژێما به‌عسا …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *