ليستا 119
سەرەتا / جۆراوجۆر / هه‌شت ئه‌فسه‌ر ب ئه‌گه‌رێ مشكان ژكاردهێنه‌ دویرئێخستن.

هه‌شت ئه‌فسه‌ر ب ئه‌گه‌رێ مشكان ژكاردهێنه‌ دویرئێخستن.

هه‌شت ئه‌فسه‌ر ب ئه‌گه‌رێ مشكان ژكاردهێنه‌ دویرئێخستن.
مالپه‌رێ خابیر / زاخۆ
هه‌شت ئه‌فسه‌رێن پولیسان ل ئه‌رژه‌نتین دیاركرن كو مشكان نیڤ ته‌نێ مادده‌یا بێهوشكه‌ر مه‌ریوانایا هلگرتی د كوگه‌هێن ده‌سته‌سه‌ركرنێ دا خارینه‌، ده‌ستهه‌لاتا تایبه‌تمه‌ند ب ڤێ گوتنا ئه‌فسه‌ران ب گومان كه‌ت و ئه‌نجام ژی ژكاردویرئێخستنا وان بی.
مالپه‌رێ “ئێندیپێندێنت” رۆهنكر كو ده‌ستهه‌لاتا ئاسایشێ هه‌شت ئه‌فسه‌ر ژ كارێ وان دویرئێخستن پشتی دیاركرین كو مشكان 500 كێلوگرام ژ مه‌ریوانایا به‌رزه‌ د كوگه‌ها پولیسان دا ل باژێرێ “بیلار” خارینه‌، كو 35 میلان ژ پایته‌ختێ ئه‌رژه‌نتینێ بوینس ئایرس دویره‌.
مالپه‌رێ بریتانی ئاماژه‌ ب وێ چه‌ندێ كر كو باوه‌رییا ده‌ستهه‌لاتا ئاسایشێ ب چیرۆكا ئه‌فسه‌رێن پولیسان نه‌هات، كو دگوتن مشكان مه‌ریوانا یێن خارین، كو ئه‌ڤ گیایێ هوشبه‌ر هلگرتی بی د كوگه‌ها پولیسان ڤه‌ بۆ ده‌مێ پتر ژ دوو سالان.
پشكنینه‌كا ده‌ستهه‌لاتا تایبه‌تمه‌ند ب كه‌ره‌سته‌یێن ده‌سته‌سه‌ركری ل نیسانا 2017 ئاشكراكر كو 5460 كێلوگرام ژ مه‌ریوانایێ ژ 6000 كێلوگرامان د كوگه‌هێ ڤه‌ ماینه‌، و نێزیكی نیڤ ته‌نێ مادده‌یا هوشبه‌ر هاتیه‌ به‌رزه‌كرن.
د هه‌مان چارچوڤه‌ دا خافییر سبیشیا ئه‌فسه‌رێ پولیسان لگه‌ل حه‌فت ئه‌فسه‌رێن دی د هه‌ڤرا بین كو مشكان مه‌ریوانا یێن خارین، به‌لێ قه‌ناعه‌تا دادوه‌ری ب چیرۆكا وان نه‌هات و هه‌می ژ كار دویرئێخستن.
به‌رده‌ڤكێ دادوه‌ری ئه‌دریان گونزالیس شارفای گوت “ئه‌گه‌ر ب راستی كومه‌كا مه‌زن یا مشكان مه‌ریوانا خار بت، دا گه‌له‌ك مشكێن مرار ل كوگه‌ها پولیسان بینین”.

Check Also

ئه‌ناناسێن ب كوكایین دهێنه‌ دیتن.

ئه‌ناناسێن ب كوكایین دهێنه‌ دیتن. مالپه‌رێ خابیر / زاخۆ پولیسێن ئیسپانیا 67 كێلوگرامێن كوكایینێ ب …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *