سەرەتا / به‌شێن مالپه‌ری / بابەت / دەنگدان دناڤبەرا عەقل و هەستاندا.

دەنگدان دناڤبەرا عەقل و هەستاندا.

دەنگدان دناڤبەرا عەقل و هەستاندا.

مالپه‌رێ خابير / زاخۆ

ناز باکوری

ئەرێ ئەم دەنگێ خوە ب عەقلی یان ژی ب هەستێن خوە دەین ؟ ئەرێ ئەو پارتا هوین دەنگێ خوە ددەنێ هوین چەوا بریارێ ددەن ؟ هنەک دەنگێ خوە ددەنە سەرکردێ پارتێ. باشترین نمونە پارتێن دەستهەلاتدار، هنەک ژی دەنگێ خوە ددەنە وێ پارتێ یا رامان و دید و ئایدی یێن هەڤبەش هەین دناڤبەر هزروبیرێن کەسی و یێن پارتا مەبەست پێ .

باشترین نمونە ئەو هێزێن پێشتر ئوپوزسیون هنەک ژی دەنگێ خوە ددەن مینا پشتەڤانیا تیمەکا تەپاپێ گەر ئەو پارتە چ بکە یان سەرکردایەتیيا وێ پارتێ چ بکە لێ دبورن و دیسان دەنگ ددەنێ و هزروبیرێن وان هەمبەری وێ پارتێ ناهێن گوهەرتن. باشترین نمونە دووبارە و دیسان هێزین پشتی سەرهلدانێ یێن هەتا نها دەستهەلات ددەستی دە ئەرێ، گەلو پرسەکێ دەما تو دەنگێ خوە ددەی یان بکارتینی تو ب عەقلێ خوە یان ژی ب هەست و عاطفیەتێ بزاڤێ دکەی ؟؟

ل داویا سالێن بوری ل گوری ئەنجامێن ڤەکولینێن سەردەمی دەرکەفتیە کو ب رێژەیەکا بەرچاڤ و مةزن خەلک ب عەقلێ خوە دەنگێ خوە بکارنائینن بەلکی ب هەستێن خوە بزاڤا بکارئانینا دەنگێ خوە دکەن.

دەما ئەف رستەیە دهێنە خواندن هوین ژی دی بەشداریێ د راستیا رامانێن رستەیێن من داکەن و ب شێوەیەکێ بەرچاڤ مافی دەنە من کو مە هەتا نها ب هەستی دەنگ و بریارێن خوەیێن ژیانێ داینە و دهەمان دەمادا هزر و پێشبینی دکەین ئەم جیاواز و باشترین ب هەمی پیڤەران ژ دەوروبەرێن خوە .. و ئەڤە راستیەکا بەرچاڤە ل گوری داویا ڤەکولینێن زانستی دەرکەفتیە کو مروڤ هزر و پێشبینی دکەت (خەلک ب هەستان و مروڤ ل گوری وان ب عەقلی دەنگێ خوە بکارتینە) د دونیایێ دە باشترین و ب دادپەروەرترین تشت هاتیە بەلاڤەکرن ئەوژی (عەقل)ـە راستیا بابەتی ئەڤەیە پتریا ژمە ب هەستان دەنگێ خوە بکارتینین لێ گوتنا ڤێ پەیڤێ بەلکی ببە سەدەما شەرمێ گەر ل دیوانەکێ یان ژی ل گەنگەشەیەکێ دە وێ مروڤ هەست پێ بکە و هەردەم مروڤ حەزدکە کەسێن هەمبەری مروڤ هزر ژ مروڤی بکەن کو مروڤی ب عەقل بریار و دەنگێ خوە بکارتینە.

ژبەر ڤێ یەکێ دەما مروڤی خوە نێزیکی پارتەکێ یان سەرکردێ پارتەکێ دیت پشتی وی دەمی ئیکسەر چاڤێن مروڤی وێ تاری ببن و ئەم پشتەڤانیا کیژان پارتیێ دکەین عەقلێ مە بەرەف وێ پارتێ دچە. ل زانکویا ئموری (Emory) ڤەکولینەکا زانستی کو ژلایێ دری وێستن (Drew westen) هاتە ئەنجامدان ب رێکا تەکنولوژیا ئیف ئیم ئار وای (FMRI) ئەنجامێ ڤێ ڤەکولینێ هاتە پشت راستکرن کو ئەگەر مروڤی دەمارەکا هەستا ئاڤاکر د هەلبژارتنا سەرکردەیەکی دە ئەڤە دبە سەدەما دەرکەفتنا پەیوەندیەکا دلی و بو پاراستن و بەردەوامبونا بریاریێن هەستێن خوە لوژیکێ خوە بکارتینن . هەروەسان ئەنجامێن دوو ڤەکولینا هاتنە ئەنجامدان ئەوێن سەبارەت ب ڤی بابەتی ل زانکویا نیویورک (New York) و زانکویا لەندەن (London) ژ لایێ مارکو لیکوبونی(marco lacoboni) و ریوتا کانای(Ryota Kanai) هاتینە ئەنجامدان کو دەما مروڤ دەنگێ خوە بکارتینە دکەڤە دناڤا هنەک هەلویست و باوەر و دیتنا دا. و ئەڤەژی دبنە سێ گروپ ژ وانا 1_ هنەک ژمە ب سەرکردەی ڤە دهێنە گرێدان و پاشی لوژیک و هوشمەندیا خوە ددانن ئالیەکێ دن و ئەم هەر وێ ل دویف سەرکردەی ڤە بچین و دەما دەمارەکا ب ڤو ب ڤی ئاوای ژ هەستان هاتە ئاڤدان و چێبو وی دەمی سەرکردە چ ب بێژیت چ باش و خراب ئەم هەر دێ ل دویف وی بچین و ئەم سەرکردەی ژ خوەرا دکەین ستایلەکێ ژیانێ و ددانین ئیک ژ عایلەیا خوە. 2_هنەک ژمە دهێنە گرێدان ب (پارتەکێ) ڤە وەکە پێشتەڤانیکرنا تاقمەکا فوتبولێ و ئەم ژی وێ ببین خوەدانێن وان دیتنان یێن وێ پارتێ هەین و دەما بوینە پشتەڤان زوی ب زوی ئەم نکارین دەست ژ پشتەڤانیێ بەردەین و بەرەف ئاراستەیەکێ دن ڤە بچین و ئەف پشتەڤانیە بو مە دبە رەگەزنامە و هەتا شاشی و رەفتارێن خراب یێن ژ ئالیێ وێ پارتێ ڤە چێدبن ئەڤە بومە دبن دەربرین ژ هوشمەندیێ و داهێنان ژ راستیێ و ئەم دبن پارێزەرێن وێ پارتێ د روژانێن سەخت و دژواردە. 3_هنەک ژمە حەزدکن کو ئەو هزر و بیرێن مە هەین یێن ئابوری و سیاسی و هنەک ژ بابەتێن دیتنێن جڤاکی بهێن پراکتیزەکرن ژ ئالیێ وێ پارتێ ڤە یا دبە پاشەروژ ژبوی وەلاتی. ب تەمامەب هەڤدژی دگەل هەلبژارتنا (سەرکردە)و(پارتێ)ڤە و ئەڤ ب رێکا نێزیک بونا ئایدولوژیا و هەڤهزریێ و هەڤسەنگی یا دناڤبەرا تاکە کەسی و وێ پارتێ دهیتە هەلبژارتن.

بەهرا پتر دەما ئەم دەنگێ خوە بکارتینین هەم ل وەلاتێ مە و هەم ژی ل هەمی دونیایێ دە ئەو ئەنجامێن ژ ڤەکولینا هاتیە د هەبونێ دە ئەم ددانین ل ئالەکی و هێزێ ژ هەستێن خوە وەردگرین و ب هەستان هزرەکێ چێ دکەین ل گوری ڤێ پارتەکا سیاسی دهەلبژێرین. ئەو گەنگەشە یێن شداندی ئەوێن ئەم بەراهیا هەلبژارتنا دکەین دناڤا خێزان و دگەل هەڤالان دە ئەگەرێ هەر سەرەکی ئەوە کو ئەم ب هەستان کار دکەین نەک ب عەقلانی و لوژیکی . دەما پەیڤەک یان کێماسیەک دهێتە ئاراستەکرن ژبوی وی سەرکردە و وێ پارتا سیاسی یا مە هەلبژارتی ئەم هژماردکەین ئەو پەیڤە و کێماسیە ژبوی تاکێ مە بخوەیە مەرەم پؽ شکاندنا مەیە.

ژبەرکو مە بریار ب لوژیک و عەقلانی نەدایە دەما کەسەک بهێت و پێکولا بکە ب داخویانیێن لوژیکی بکە و مە ژ ڤێ رەشا هەستان دەرباز و خلاس بکە و ب هەڤدژی دگەل بریارێن مەیێن هەستی ناگەهە چ دەرئەنجامان ژبەرکو مە دەمارەکا هەستان ئاڤەدانکریە وهەتا نهاژی بەرخوەدانیێ دکەین. دبابەتێن سیاسی دە هش و هەستێن مە دکەڤنە بەرهیا لوژیک و زانستی ژبەرکو ئەو بریارێن مە داین ب هەستان نکارین پاشڤە بزڤرین و لێڤە ببین بهێنە گوهەرتن وئەم هزر دکەین دێ نەئارام بین دناخ و نافخوەیا دە ژبەر ڤێ یەکێ ئەم بەرخوەدانیێ ژ بریارێن هەستێن خوە دکەین. سیاسەت مەیدانەکە ژبوی مە کو بەرسڤا هندەک پرسا ددە. کا ئەم کینە ؟ و حەز دکەین ل کیژان چڤاکی دە بژین ؟ ئەف هەردوو پرسێن سەرەکی ئەو پرسن یێن ئەم ژبوی ئاڤاکرنا ناسناڤەیە خوە دکەین. ژبەرکو مە ب هەستان بریار داینە ل سەر ڤێ یەکێ و ئەو پارتا ئەم حەز لێ دکەین ژبوی وێ توشی هەیجان و ئەندێشە و دل ترسیێ دبین.

دەمێ ئەم ب رێکەکێ سەرکرەدەیەکی یان پارتەکا سیاسی دهەلبژێن مینا وێ رێکێ یە دەما ئەم مارکەیەکێ (براند)ەکێ دهەلبژێرین چونکی بەهراپتر ئەم هێزێ ژ هەستێن خوە وەردگرین هەمبەری هێزا عەقل و لوژیکێ خوە . دەما ئەم دەنگێ خوە بکارتنین هەلبەت ئەم دگەل دا لوژیکێ خوەژی بکارتینین لێ داخویانیا ڤێ هەلبژارتنێ ژبوی لوژیکی ب تەنێ وێ پر ب زەحمەت بە ب نەرینا من سیاسەت مەدار فێری گەلەک تشتا بوون دەربارەی براند و بازارگەریێ چونکی براندا رامانا دامەزراندن و دەربرین ژ هەستان گەلەک ل پێشی سیاسەتێ یە ل داویێ داخوازەک من ژ خواندەڤانان هەیە .. دەما کەسەکی یان پارتەکێ دهەلبژێرن ژبوی بەرژەوەندیێن خوە یێن کەسوکی و تایبەت بەرژەوەندیا (گشتی) بن پێ نەکەن.

Check Also

چەند گوتنەكێن زانایان بەرانبەر پێغەمبەری (سلاڤ لێ‌ بن)

چەند گوتنەكێن زانایان بەرانبەر پێغەمبەری (سلاڤ لێ‌ بن). مالپەرێ‌ خابیر / زاخۆ ئا: ردوان گوللی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *