سەرەتا / به‌شێن مالپه‌ری / مێژوویی / ئه‌گه‌رێ مرنا صلاح الدین الأیوبی دهێته‌ ئاشكراكرن:

ئه‌گه‌رێ مرنا صلاح الدین الأیوبی دهێته‌ ئاشكراكرن:

ئه‌گه‌رێ مرنا صلاح الدین الأیوبی دهێته‌ ئاشكراكرن:
مالپه‌رێ خابیر / زاخۆ
نوژداره‌كێ ئه‌مریكی ئه‌و نه‌خوه‌شییا بوویه‌ ئه‌گه‌رێ سه‌ركردێ كورد و موسلمان صلاح الدین الأیوبی ل سالا 1193 ژ دنیایێ وه‌غه‌ر بكن ئاشكراكر، كو ژیێ وی 56 سال بین.
سالانه‌ كومه‌كا نوژدارێن ئه‌كادیمی و تایبه‌تمه‌ند د بوارێ نوژداری دا د كونگره‌یه‌كێ دا كوم دبن و تێدا نه‌خوه‌شیێن كه‌سایه‌تیێن مێژووی دانوستان دكن، داكو بگه‌هنه‌ ئه‌گه‌رێ مرنا وان كه‌سایه‌تیێن مێژوویی، و ئه‌ڤ ساله‌ هه‌لبژارتن كه‌ته‌ سه‌ر سه‌ركرده‌ و پێشه‌وایێ كورد صلاح الدین الأیوبی.
نوژدار ستیڤن گلوكما ژ كولیژه‌یا نوژداری ل زانینگه‌ها پێنسێپلڤانیا زانیاری لسه‌ر تێكچوونا ساخله‌مییا سولتان صلاح الدین الأیوبی كومكرن، و كارێ خوه‌ یێ ڤه‌كولینی د كونگره‌یێ نوژداری دا ل 4ـى ڤێ هه‌یڤێ پێشكێشكر، ناڤهاتی دیاركر كو هه‌رچه‌نده‌ گه‌له‌ك ب زه‌حمه‌ته‌ ده‌ستنیشانكرنه‌كا هویر هه‌بت بۆ حاله‌ته‌كێ ژبه‌ری 800 سالان وه‌غه‌ركری، له‌وا ئه‌گه‌رێ ژ هه‌مییان نێزیكتر بۆ وان تێكستێن ده‌رباره‌ی رۆژێن دویماهییا ژیێ وی پێشكێشكر.
بۆ ئێكه‌م جار ساخله‌مییا سه‌ركردێ موسلمان ل سالا 1185 د ژیێ 47 سالیێ دا تێكچوو، و چ دوكیومێنتێن هویر ده‌رباره‌ی ڤێ نه‌خوه‌شییا وی نینن كو بۆ ده‌مێ دوو هه‌یڤان نه‌خوه‌ش بی.
و پاشی ل سالا 1190 جاره‌ك دی ساخله‌مییا وی تێكچوو ڤه‌ و تووشی تایێن نه‌دیار بی، و بۆ ده‌مێ هه‌یڤه‌كێ نه‌شیا لسه‌ر جهێ خوه‌ رابت، و ده‌مێ گه‌هشتییه‌ 56 سالیێ، سولتانی گازنده‌یان تایان و په‌یدابینا ئێشانێن دژوار د زكی دا و نه‌مانا حه‌زا خارنێ و زه‌حمه‌تی دهه‌رسكرنا خارنێ دا كرن، و پاشی تووشی سه‌رئێشێ و خوینبه‌ربینێ بی، و ل رۆژا حه‌فت و هه‌شتێ بیرتیژییا وی تێكچوو، و ل رۆژا 11 خوهه‌كا مه‌زن گرت و هێدی هێدی دلێ وی دگرت و ل رۆژا 17 گیانێ خوه‌ ژده‌ستدا.
ستڤین گلوكمانی ئاماژه‌ ب وێ چه‌ندێ كر كو وێنه‌یێ نه‌خوه‌شكه‌تنا وی نه‌ وه‌كی جوده‌ریێ یان تاعونێ یان سلێ یه‌، له‌وا ل دویڤ پترین پێشبینی نیشانێن وی ده‌ربرینێ ژ وێ چه‌ندێ دكن كو ب ئه‌گه‌رێ تایا تیفوئیدێ گیانێ خوه‌ راسپاردییه‌، و ئه‌گه‌رێ تووشبینا وی ژی به‌كتریا سالمونیلا یا تیفی یه‌.

Check Also

كه‌ڤنترین پرتا نانی دهێته‌ ئاشكراكرن.

كه‌ڤنترین پرتا نانی دهێته‌ ئاشكراكرن. مالپه‌رێ خابیر / زاخۆ به‌رهه‌ڤكه‌رێن نانی د چه‌رخێ به‌رین دا …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *