ليستا 119
سەرەتا / به‌شێن مالپه‌ری / بابەت / سه‌ره‌ده‌رى دگه‌ل هه‌ڤژینێ تووره‌ د مه‌ها ڕه‌مه‌زانێ دا

سه‌ره‌ده‌رى دگه‌ل هه‌ڤژینێ تووره‌ د مه‌ها ڕه‌مه‌زانێ دا

سه‌ره‌ده‌رى دگه‌ل هه‌ڤژینێ تووره‌ د مه‌ها ڕه‌مه‌زانێ دا

مالپه‌رێ خابیر / زاخۆ

په‌یوه‌ندییا هه‌ڤژینیێ ژ جوانترین په‌یوه‌ندیێن جڤاكى یه‌، ژبه‌ر هندێ پێدڤی یه‌ به‌رده‌وام هه‌ر دوو هه‌ڤژین بزاڤێ بكن تێك چوون نه‌كه‌ڤت په‌یوه‌ندییا دناڤبه‌را وان دا ب شێوه‌كێ تایبه‌ت و یێن خێزانێ ب شێوه‌كێ گشتى،هه‌ر چه‌نده‌ هه‌ر دوو د به‌رپرسیارن ژ ئارامى و به‌خته‌وه‌رییا خێزانێ ژ لایه‌كێ ڤه‌ زه‌لام سه‌ركرده‌یه‌ و دڤێت ببت نموونه‌ك باش و چاڤلێكه‌ر بۆ هه‌ڤژین و زارۆكێن خوه‌ و سه‌ره‌ده‌ریه‌كا دروست و جوان دگه‌ل وان بكت،لێ ئه‌گه‌ر زه‌لام ب ڕولێ خوه‌ یێ دروست نه‌ ڕابیت ژی دڤێت ژن پاراستنێ لسه‌ر ئارامى و به‌خته‌وه‌ریا مالێ بكت، چونكى ب سرۆشتێ خوه‌ڤه‌ ژن یا نه‌رم و عاتفى و بهێن فه‌ره‌هه‌،لێ گه‌له‌ك جاران ب تایبه‌تى د مه‌ها ڕه‌مه‌زانێ دا ئه‌ڤ ئاخفتنه‌ ژلایێ ژنانڤه‌ دهێنه‌ گوتن و گوهلێبوون و گازندا هندێ دكن كو ده‌مێ زه‌لام یێ ب ڕۆژى بیت یێ تووره‌یه‌ و كه‌ش و هه‌وایێ خێزانێ تێك ددت و مالێ لمه‌ دكت دوزه‌خ، هه‌تا هنده‌ك جاران دگه‌هته‌ گوتنا ئاخفتنێن كرێت و قوتان ولێدانێ و شكاندنا كه‌ل و په‌لێن ناڤ مالێ، هه‌لبه‌ت ڤێ توره‌بوونێ ژی گه‌له‌ك جاران ئه‌گه‌رێن خوه‌ هه‌نه‌ چ دبه‌ر ئاقل بن یان ژی نه‌،بۆ نموونه‌ دبیت زه‌لام ماندى بت یان ژبه‌ر جگاره‌ نه‌كێشان ب درێژییا ڕۆژێ یان كێم بوونا ماددێن كافائیین بیت دناڤ جه‌سته‌یێ وى دا یان برس بیت یان هه‌ر ئه‌گه‌ره‌كێ دى. لێ لڤێرێ یا پێدڤى لسه‌ر هه‌ڤژینێ ئه‌وه‌ كو د سرۆشتێ زه‌لامێ خوه‌دا شاره‌زا بیت و باش ناس بكت و بزانیت كه‌نگى و چاوا و ب چ تووره‌ دبیت، له‌وما ده‌مێ تۆ دبیتى هه‌ڤژینێ ته‌یێ تووره‌ ڤان بزاڤان دگه‌ل بكه‌ :
– پێشوازیا جوان .
ب په‌یڤێن خوش و گونجاى و گرنژین پێشوازیێ ل هه‌ڤژینێ خوه‌ بكه‌ ب تایبه‌ت ئه‌گه‌ر تۆ بزانى یێ ماندی یه‌ .
– ڕێك و پێكى .
گرنگیێ بده‌ سه‌روبه‌ر و جوانیا خوه‌ و ڕێك و پێكیا ناڤ مالێ داكو مادیبوونا خوه‌ ژبیر بكت مال بۆ ببیت جهێ بێهن ڤه‌دانێ و تووره‌بوونا وى بهێته‌ خوار.
– ئه‌گه‌ر.
لده‌ستپێكێ بزانه‌ ژ چ تووره‌یه‌ بۆ نموونه‌ ئه‌گه‌ر تۆ دزانى ل ده‌مێ برسى توره‌ دبیت خارنا فتارێ زووى ئاماده‌ بكه‌ و گیرونه‌كه‌ نه‌خاسم ئه‌گه‌ر تۆ بزانى حه‌ژ چ جوره‌ شرینى و خارن دكت ئه‌وان بۆ ئاماده‌ بكه‌ یان ژی پێشوه‌خت لده‌مێ ده‌ركه‌فتنێ ژ مال بێژێ ئه‌ڤرۆ بۆ فتارێ چ خارن بوته‌ ئاماده‌بكم
– داخوازى و گازنده‌ .
ل ده‌مێ هاتنا وى بۆ مال گه‌له‌ك داخوازییا ژێ نه‌كه‌ و گازندێن زارۆك و مالێ بۆ نه‌كه‌. ئه‌گه‌ر ته‌ دیت هه‌ر یێ تووره‌یه‌ بێهنا خوه‌ فره‌ه بكه‌ و تووره‌بوونا وى زێده‌تر نه‌كه‌ و گه‌نگه‌شێ دگه‌ل نه‌كه‌ داكو ڕه‌وش زێده‌تر تێك نه‌چت،به‌لكو به‌رۆڤاژى گرنگیێ پێ بده‌ و ڕێزێ لێ بگره‌ و تۆ ژی خوه‌ غه‌مگین دیار بكه‌ داكو په‌شیمان ببت و تووره‌بوونا وى بهێته‌ خار و بزانت یێ شاشه‌، بڤى ڕه‌نگى دێ زڤرت سه‌ر ڕه‌وشا خوه‌ یا ئاسایى ب تایبه‌ت ئه‌گه‌ر تووره‌بوونا وى جگاره‌ یان برس یان چا بیت، پشتى ده‌مه‌كێ دى یێ گونجاى و ده‌مێ ئارام ته‌ چ هه‌بیت تۆ دشێ بگه‌هینیێ .
م.میهڤان حسین .

Check Also

جه‌نابێ به‌رپرسێ…. !!

جه‌نابێ به‌رپرسێ…. !! مالپه‌رێ خابیر / زاخۆ وه‌حید سندى ل سه‌ر زارێ خه‌لكێ گه‌له‌ك دهێته‌گێران …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *