سەرەتا / به‌شێن مالپه‌ری / هه‌مه‌ره‌نگ / رێكلاما (سه‌ید الره‌ئیس) ده‌نگڤه‌دانه‌كا زور دیڤخوه‌دا ئینات .

رێكلاما (سه‌ید الره‌ئیس) ده‌نگڤه‌دانه‌كا زور دیڤخوه‌دا ئینات .

رێكلاما (سه‌ید الره‌ئیس) ده‌نگڤه‌دانه‌كا زور دیڤخوه‌دا ئینات .

مالپه‌رێ خابیر / زاخۆ

كومپانییا (زێن) یاكوێتى یا ته‌له‌فونان، ئه‌ف ساله‌ رێكلامه‌ك ب رێكا سترانه‌كێ بۆ تورا خوه‌ یا ته‌له‌فون و په‌یوه‌ندییان پێشكێش كریه‌، كو ئه‌وێ سترانێ ده‌نگه‌ڤدانه‌كا هه‌ره‌ زور ل سه‌ر ئاستێ جیهانا ئیسلامیى و وه‌لاتێن عه‌ره‌بى ئیناتییه‌، دناڤبه‌را ده‌ست خوه‌شى و ره‌خنه‌ گرتنێ دا .
د وێ سترانێ دا ، زاروكه‌ك ب ده‌نگه‌كێ زور خوه‌ش و نازك و ب شێوازه‌كێ خه‌مبار و ره‌خنه‌ گرتنێ پێشكێش دكت .
جاردى دوێ سترانێ دا سه‌روك و به‌رپرسێن چه‌ند وه‌لاته‌كان دیار دبن، و دگه‌ل واندا دئاخڤت .
ژ وان به‌رپرسان، سه‌روكێ ئه‌مریكا (دونالد تره‌مپ) و سه‌روكێ روسیا (فلادیمێر پوتن) و سه‌روكێ كوریا باكور (كیم جونگ ئون) و شێره‌تكارا ئه‌مریكا (ئه‌نگێلا مێركه‌ل) و سه‌روك وه‌زیرێ كه‌نه‌دا (ترودو) ده‌ر دكه‌ڤن .

دیسان دڤێ سترانێ دا، باسێ ئێش و ئازارێن جیهانا ئیسلامى دكت، كو داخوازێ ژ ترامپى دكت دگه‌ل سه‌روكێ روسیا كو ئه‌و داخوازكرینه‌ بۆ شیفخوارنه‌كێ ل مالا وى زاروكى، به‌لێ شیڤا وان بتنێ پارچه‌یێن نانى نه‌ و ده‌یكا وى ژى دێ چته‌ سرا وه‌رگرتنا ئازوقه‌ى دا، داوه‌كو بۆ وان شیڤێ دروست بكت، و دبێژته‌ تره‌مپى تو ل باژێرێ قودسێ مێهڤانێ مه‌یى، ئه‌و قودسا پایته‌ختێ فلستینێ، وه‌ك ره‌خنه‌یه‌ك بۆ بریارا ناڤبرى یا ڤه‌گوهاستنا قونسولخانه‌یا واشنتونێ ژ ته‌لئه‌بیبێ بۆ باژێرێ قودسێ لڤێ دووماهیێ .

جاردى ژماره‌یه‌كا په‌نابه‌رێن سورى ل به‌ر لێڤێن ده‌ریایى ده‌ردكه‌ڤن، و هه‌ر ئێك ژ شیره‌تكارا ئه‌لمانیا و سه‌روك وه‌زیرێن كه‌نه‌دا د پێشوازییا وى خه‌لكێ نن، وه‌ك ئاماژه‌یه‌ك كو هه‌ردوو به‌رپرسان ده‌رگه‌هێن وه‌لاتێن خوه‌ هێلانه‌ ڤه‌كرى بۆ وه‌رگرتنا وان په‌نابه‌ران .

یا جهێ ده‌ستخوه‌شیێ دڤێ سترانێ دا هنده‌ك په‌یڤێن تێر رامان ژ ئازارێن خه‌لكێ سوریا هه‌نه‌ ، ئه‌و ژى دبێژت، ئه‌م خه‌لكێ ڤى وه‌لاتى هاتینه‌ دویرئێخستن و هه‌ر ئه‌م یێت هاتین تاوانباركرن و گونه‌هباركرن، و قركرن، بتنێ چونكى زمانێ مه‌ په‌یڤا شه‌هدێ یا ب كارئیناتى و تاوانا مه‌ بتنێ نه‌قه‌بیلكرنا بنده‌ستیێ بییه‌ .

دیسان د ڤێ سترانێ دا به‌حسێ برایینا دناڤبه‌را موسلمان و مه‌سیحییان دكت، و دبێژت، مالێن خودێ ل مزگه‌فتێ ده‌نگێ بانگى بلندبت و زه‌نگا كه‌نیسێ ژى لێ ددت و بێ هیچ زێره‌ڤانه‌ك .

جاردى ئه‌ف رێكلامه‌ هاتییه‌ دوبلاجكرن بۆ زمانێ ئینگلیزى وه‌ك ئارسته‌كرنا په‌یامه‌كێ بۆ وه‌لاتێن رۆژئاڤا لسه‌ر بێ ده‌نگییا وان ل دور ئازارێن موسلمانان ل سوریا و فلستین و بورما، چونكى راگه‌هاندنێن رۆژئاڤا گه‌له‌ك لسه‌ر كرێتكرنا وێنێ ئاینێ پیرۆزێ ئیسلامێ و خه‌لكێ رۆژهه‌لاتا ناڤین ب گشتى كار دكن .

سترانا (سه‌ید ئه‌لره‌ئیس) ب دووماهى دهێت ب ده‌ركه‌فتنا هنده‌ك به‌رپرسێن عه‌ره‌بان یێن وه‌لاتێن كه‌نداڤى ژ پشتڤه‌، كو ئه‌و ژى بییه‌ جهێ ره‌خنه‌گرتنێ كو كه‌نگى ئه‌و وه‌لاتێن خه‌لیجى ل هه‌وارا قودس و سوریا چووینه‌؟ و ئه‌وان لاوازترین هه‌لویست تانوكه‌ هه‌بینه‌ …

Check Also

وێنه‌ : حكومه‌تا ژاپونێ نه‌شییا ژماره‌یه‌كا جوتیاران رازى بكت بۆ به‌رفره‌هكرنا فروكخانێ .

وێنه‌ : حكومه‌تا ژاپونێ نه‌شییا ژماره‌یه‌كا جوتیاران رازى بكت بۆ به‌رفره‌هكرنا فروكخانێ . مالپه‌رێ خابیر …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *