سەرەتا / به‌شێن مالپه‌ری / جڤاكی / پشتی 61 سالان ژ هه‌ڤژینیێ د ئێك رۆژ دا گیانێ خوه‌ ژ ده‌ستدان.

پشتی 61 سالان ژ هه‌ڤژینیێ د ئێك رۆژ دا گیانێ خوه‌ ژ ده‌ستدان.

پشتی 61 سالان ژ هه‌ڤژینیێ د ئێك رۆژ دا گیانێ خوه‌ ژ ده‌ستدان.
مالپه‌رێ خابیر / زاخۆ
ل باژێرێ وێلێنگتون پایته‌ختێ نیوزله‌ندا پشتی 61 سالان ژ ژیانا هه‌ڤپشك ب شادیێ هه‌ڤژینه‌كێ 86 سالی و هه‌ڤژینا وی یا 83 سالی ب مرنا سرۆشتی د هه‌مان رۆژ دا گیانێ خوه‌ ژ ده‌ستدان، ئه‌رێ پێشبینییا مرنا خوه‌شتڤییان دبته‌ ئه‌گه‌رێ مرنا مرۆڤی؟
پشتی 61 سالان ژ ژیانا هه‌ڤپشك د چارچوڤه‌یێ هه‌ڤژینیێ دا دوو هه‌ڤژین ل دوو جهێن جودا د ئێك رۆژ دا گیانێ خوه‌ ژده‌ست دان.
هه‌ڤژینا ب ناڤێ روپ بێدفورد پشتی ده‌مه‌كێ كورت ژ ڤه‌گوهاستما هه‌ڤژینێ وێ پیته‌ر بێدفورد بۆ نه‌خوه‌شخانه‌یێ گیانێ خوه‌ ژ ده‌ست دا، و پشتی نه‌هـ ده‌مژمێر بورین وێ ژی وه‌غه‌را دویماهیێ كر، و هه‌ر دوو ب مرنا سرۆشتی مرن.
كچا وان كارولین بێدفورد گوت یا باش بی هه‌ر دوویان لگه‌ل ئێك وه‌غه‌را دویماهیێ كر، چونكی بۆ كه‌س ژ وان نه‌دهاته‌ پێشبینیكرن هزر د ژیانێ دا بكت بێ هه‌بینا یێ/یا دی، و ئه‌گه‌ر ئێك چووبا و ئێك مابا دا ژیان بۆ بته‌ باره‌كێ گران، و وان سێ كور و دوو نه‌ڤی ل دویڤ خوه‌ هێلاتن.
مالپه‌رێ تاگ 24 ڤه‌گوهاست كو گه‌له‌ك ب كێكی حاله‌تێن هوسا رویددن، و ڤه‌كولین ژی د به‌رده‌وامن لسه‌ر هه‌بینا پێشبینییا مرنێ یا ژ ئه‌نجامێ “شكه‌ستنا دلی” په‌یدا دبت ب ئه‌گه‌رێ جودابینا خوه‌شتڤییان.
و ڤه‌كولینه‌كێ ژی ژ زانینگه‌ها هارفارد كو ل سالا 2013 هاتیه‌ ئه‌نجامدان ئاشكراكریه‌ “پێشبینییا مرنا هه‌ڤكویفێ ژیانێ -پشتی بوراندنا ژیانه‌كا هه‌ڤپشك یا درێژ- ب رێژه‌یا 30% د سێ هه‌یڤێ ده‌سپێكێ ژ مرنا هه‌ڤكویفێ دی زێده‌ دبت، و ئه‌گه‌رێ وێ ژی بۆ فشارێن ده‌روونی یێن دژوار ڤه‌گه‌رت”.

Check Also

ب ئه‌گه‌رێ نه‌دانا قستان زارۆك ل قوتابخانه‌یێ دهێنه‌ ده‌سته‌سه‌ركرن.

ب ئه‌گه‌رێ نه‌دانا قستان زارۆك ل قوتابخانه‌یێ دهێنه‌ ده‌سته‌سه‌ركرن. مالپه‌رێ خابیر / زاخۆ ئاژانسێن راگه‌هاندنێ …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *