سەرەتا / به‌شێن مالپه‌ری / نوچه‌ / سه‌خته‌كارى ئه‌نجامدان و هوژدارییا سه‌رهه‌لدانا شه‌رێ نافخوى ژى ددن .

سه‌خته‌كارى ئه‌نجامدان و هوژدارییا سه‌رهه‌لدانا شه‌رێ نافخوى ژى ددن .

سه‌خته‌كارى ئه‌نجامدان و هوژدارییا سه‌رهه‌لدانا شه‌رێ نافخوى ژى ددن .

مالپه‌رێ خابیر / زاخۆ

لایه‌ن و قه‌وارێن توهمه‌تبار ب ئه‌نجامدانا سه‌خته‌كارییان ب توندى ل دژى دووباره‌ هه‌ژمارتنا ده‌نگێن هه‌لبژارتنێن په‌رله‌مانێ عێراقێ نه‌، و هوژدارییا دروستبینا كاره‌ساتا ددن ل سه‌ر هه‌لوه‌شاندنا وان ئه‌نجامان، دیسان هه‌ر ئێك ژ ئیران و ئه‌مریكا ژى نه‌دگه‌ل هندێ نه‌ ئه‌نجام ب هێنه‌ ره‌تكرن .
و رۆژ بۆ رۆژێ به‌لگه‌یێن ئه‌نجامدانا سه‌خته‌كارییان دوان هه‌لبژارتناندا زێده‌تر دهێنه‌ ئاشكه‌را كرن، تا گه‌هشتى وى راده‌ى، ئیدى لایه‌نێن توهمه‌تبار ب ئه‌نجامدان سه‌خته‌كارییان و گهورینا ده‌نگێن وه‌لاتییان، هوژداریێن سه‌رهه‌لدانا دروستبینا كاره‌ساتان ددن و حكومه‌ت و دادگه‌ها بلندا ده‌ستورى و په‌رله‌مان ژى، نزانن دێ چه‌وا ژڤێ قه‌یرانا نوى دروستبى، ده‌ركه‌ڤن و قورتالبن، ب رازه‌مه‌ندییا هه‌مى لایه‌نان .

دیسان مێدیایێن نافخو و یێن جیهانى ژى موژیلى بابه‌تێ سه‌خته‌كارى و سه‌رپێچیێن هه‌لبژارتنێن ئه‌نجومه‌نێ نینه‌رێن عێراقێ نه‌ د ده‌مێ نوكه‌دا، كو عێراقێ ب سه‌دان ملیون دولار بۆ هه‌لبژارتنێن ئه‌لكتورنى ژ داهاتیێ گشتى مه‌زاختن، به‌لێ هنده‌ك لایه‌نێن دیار و توهمه‌تبار ب گه‌نده‌لییا سالێن بورین ئه‌و پاره‌ ژى ب ئه‌نجامدانا سه‌خته‌كارییان و گهورینا ده‌نگێن خه‌لكێ عێراقێ ب هه‌دردان .

ل دویڤ راگه‌هاندنه‌كا په‌رله‌مانێ به‌غدا، دووهى دووشه‌مبیێ ئه‌نجومه‌نێ نینه‌ران ده‌نگ لسه‌ر پڕۆژە بڕیاره‌كێ، دا، كو تێدا داخواز دكت ب رێژه‌یا (10%) ی یا دەنگێن وه‌لاتییان ب ده‌ستى ب هێنه‌ هه‌ژمارتن، و ده‌نگێن ئاواره‌ و وه‌لاتیێن ده‌رڤه‌ ب هێنه‌ ره‌تكرن .ئه‌و ژى پشتى نه‌رازیبینه‌كا زورا كه‌ساتى و لایه‌ن و قه‌وارێن سیاسى ل عێراقێ دیڤدا هاتى .

پەرلەمانێ عێراقێ گه‌هشتییه‌ وێ باوه‌ریێ، كو هنده‌ك لایه‌نان سه‌خته‌كاریه‌كا زور د ده‌نگدان ئاواره‌یێن پارێزگه‌هێن موسل و ئه‌نبار و سه‌لاحه‌دین و دیالادا كرینه‌، كو هنده‌ك لایه‌نێن كوردى ژى دناڤدانه‌ و توهمه‌تبارن، و برێكا فلاش مێمورییا ده‌نگ وه‌كى حه‌زا خوه‌ لێ كرینه‌، و ژماره‌یه‌كا زورا كورسییان دناڤبه‌را خوه‌دا دابه‌شكرینه‌ .

د بریارا نوى یا ئه‌نجومه‌نێ نینه‌ران دا، ئه‌و ژى هاتییه‌ ، ئه‌گه‌ر د هه‌ژمارتنا 10 % دا یا ده‌نگان ب رێكا ده‌ستى، ئه‌گه‌ر جیاوازی ئانكو سه‌خته‌كارى گەهشتە رێژەیا (25%) ل وى ده‌مى، سەرتاسەری عێراقێ ده‌نگ ب ده‌ستى دێ هێنه‌ هه‌ژمارتن و ئه‌نجامێن هه‌لبژارتنێن 12 ئه‌یارێ ب فلاش مێمورییا ناهێته‌ قه‌بیلكرن و دێ هێنه‌ ره‌تكرن، به‌لێ هێشتا كێشه‌ ب دووماهى نه‌هاتییه‌.و ژلایێ خوه‌ڤه‌ لایه‌نێن نه‌رازى و یێن به‌لگه‌یێن ئه‌نجامدانا سه‌خته‌كارییا د ده‌ستێن واندا، دبێژن، ئه‌و لایه‌نێن سه‌خته‌كارى كرین دڤێن ب هێنه‌ سزادان و ب رێكا هه‌ژمارتنا ده‌ستى ژى سه‌خته‌كارى كرینه‌ و هه‌مى سه‌رپێچیێن وان ئاشكه‌را نابن، چونكى سندوق و فلاش مێمورى و دگه‌ل كاخه‌زێن ده‌نگدانێ لایێ وان هاتبینه‌ هه‌لگرتن و ل ژێر كونترولا واندا بین، ژماره‌یه‌كا كێم یا سندوقان تێ نه‌بن، و هه‌ر شه‌ش لایه‌نێن كوردى ژى یێن نه‌رازى، ئێكه‌تى و پارتیێ ب ئه‌نجامدانا سه‌خته‌كاریێن ئاشكه‌را توهمه‌تبار دكن، و به‌لگه‌یێن ‌دیار ژى ل به‌رده‌ستێن وان هه‌نه‌، و بۆ رایا گشتى و كومسیونا هه‌لبژارتنان و نه‌ته‌وێن ئێكگرتى و نینه‌رێ سه‌روكێ ئه‌مریكا بۆ شه‌رێ داعشێ پێشكێش كرینه‌، و دبێژن، ب چ شێوا ئه‌م رازى نابن لسه‌ر گهورینا رایا خه‌لكێ، و پارتێن ده‌ستهلاتدار هه‌مى جورێن گه‌نده‌لیێ لڤى وه‌لاتى ژ سالا 2003 وه‌ره‌ ئه‌نجامداینه‌ و بتنێ گهورینا بڤى شێوه‌ى یا ده‌نگێن وه‌لاتییان مابى، ئه‌و ژى كرن، و هێڤیێن باشتربینا ژیارا خه‌لكێ عێراقێ ب گشتى، بن ئاخكرن ب ئه‌نجامادان وان سه‌خته‌كاریێن ئاشكه‌را، و ئه‌و ژى گوتینه‌، هه‌ر ئێك ژ ئێكه‌تى و پارتى ئێكسه‌ر سه‌ره‌دانا لایه‌نێن شیعى یێن باله‌ ده‌ستێ ل عێراقێ كرن، بۆ پێكئینانا حكومه‌تێ وبه‌لاڤكرنا پوستان دناڤبه‌را خوه‌دا، داوه‌كو به‌حسكرنا ئه‌نجامدانا سه‌خته‌كارییان د هه‌لبژارتناندا ژ رۆژه‌ڤێ ببن ده‌ر، و ئه‌وێ تاوانا مه‌زن ب كاره‌كێ نورمال لڤى وه‌لاتى بریندار ل قه‌له‌م بدن، به‌لێ وه‌ك وان ده‌رنه‌چوو و رۆژ بۆ رۆژێ ئه‌و تاوانه‌ یا بۆ هه‌مى جیهانێ رون و ئاشكه‌را دبت، و خه‌لكێ عێراق و هه‌رێمێ ژى ب ئه‌وێ چه‌ند

Check Also

ئه‌ڤرۆ رۆژا ئالایێ كوردستانێ یه‌.

ئه‌ڤرۆ رۆژا ئالایێ كوردستانێ یه‌. مالپه‌رێ خابیر / زاخۆ ئەڤڕۆ ل هه‌رێما كوردستانێ رۆژا ئاڵایێ …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *