سەرەتا / به‌شێن مالپه‌ری / ئابوری / دێ چاوا پلانا هه‌یڤانه‌ یا مه‌زاختنا پاره‌ی دارێژی؟

دێ چاوا پلانا هه‌یڤانه‌ یا مه‌زاختنا پاره‌ی دارێژی؟

دێ چاوا پلانا هه‌یڤانه‌ یا مه‌زاختنا پاره‌ی دارێژی؟
مالپه‌رێ خابیر / زاخۆ
احمد نور
پلانا هه‌یڤانه‌ یان بودجه‌یا هه‌یڤانه‌ ژ گرنگترین كارانه‌ سه‌رۆكێ خێزانێ ئه‌نجام بدت، ب تایبه‌ت د ڤی بارودوخێ گرانیێ دا، و دا چ قه‌یرانێن دارایی ب سه‌ر خێزانێ دا نه‌هێن پێدڤیه‌ مه‌زاختیێن خێزانێ ژ داهاتێ وێ نه‌بورن د خولا هاتنا داهاتی دا، و ژ ڤێ چه‌ندێ گرنگییا بودجه‌یا هه‌یڤانه‌ دهێت د به‌رهه‌ڤكرنا پێدڤییاتیێن خێزانێ و بجهئیانا ئارمانجێن دارایی دا.
به‌رهه‌ڤه‌كرنا بودجه‌یا هه‌یڤانه‌
ل ده‌مێ ده‌ینانا بودجه‌یا گشتی پێدڤیه‌ ئه‌وله‌ویاتێن مه‌زاختنێ بهێنه‌ ده‌ستنیشانكرن ژ گرنگترین بۆ گرنگتر و گرنگ و نه‌گرنگ، وه‌كی دانا كرێ و بهایێ ئاڤ و كاره‌ب و فێركرنا زارۆكان، لگه‌ل گرنگییا هلگرتنا پشكه‌كێ ئه‌گه‌ر خوه‌ كێم ژی بت ژ داهاتی بۆ ده‌مێن قه‌یرانان، و پشتی ڤێ چه‌ندێ د شیان دا هه‌یه‌ پشكه‌ك بهێته‌ تایبه‌تكرن ب ده‌مێن خوه‌شیێ ڤه‌، و خالا ژ هه‌مییان گرنگتر پێگریكرنه‌ ب بودجه‌یا هه‌یڤانه‌.

دارژتنا بودجه‌یا هه‌یڤانه‌:
1- پێدڤیه‌ سه‌رجه‌مێ داهاتێ دهێته‌ دده‌ست سه‌رۆكێ خێزانێ دا بهێته‌ ده‌ستنیشانكرن.
2- پێدڤیه‌ سه‌رجه‌مێ مه‌زاختیێن گرنگ یێن ل دویڤ ئه‌وله‌ویاتێ هاتینه‌ ده‌ستنیشانكرن بهێنه‌ توماركرن.
3- لیستا هه‌می قه‌ر و قستێن هه‌یڤانه‌ بهێنه‌ دان بهێته‌ به‌رهه‌ڤكرن.
4- پلانێن هلگرتن و وه‌به‌رهێنانێن بهێنه‌ دارشتن، بۆ مامه‌له‌كرن لگه‌ل بارودوخێن نه‌چاڤه‌رێكری.

هه‌لسه‌نگاندنا بودجه‌یا هه‌یڤانه‌
گه‌له‌ك یا گرنگه‌ بودجه‌یا هه‌یڤانه‌ لگه‌ل ئاستێ پێگریپێكرنێ بهێته‌ هه‌ڤبه‌ركرن، داكو خالێن نه‌دورست بۆ بودجه‌یا هه‌یڤا دویڤ دا بهێنه‌ راستڤه‌كرن.

رێڤه‌به‌رییا مه‌زاختیێن هه‌یڤانه‌
چ بودجه‌ و پلانێن هه‌یڤانه‌ نه‌شێن ئارمانجا خوه‌ بده‌ستڤه‌بینن بێ هه‌بینا ده‌ستنیشانكرنا لیستا ئه‌وله‌ویاتێن مه‌زاختنێ، كو دشیان دا هه‌یه‌ رێژه‌یه‌كا باش یا هه‌ده‌ردانێ ب پێنگاڤێن سڤك بهێته‌ راوه‌ستاندن.
پولینكرنا مه‌زاختیێن هه‌یڤانه‌:
دشیان جا هه‌یه‌ ل دویڤ ڤێ رێزبه‌ندییا گرنگیێ یا نمونه‌یا خارێ مه‌زاختیێن هه‌یڤانه‌ بهێنه‌ پولینكرن:
1- مه‌زاختیێن شمه‌ك و كه‌ره‌سته‌یێن سه‌ره‌كی (خارن و جلك).
2- بهایێ كرێ و كاره‌ب و ئاڤ و قستێن هه‌یڤانه‌.
3- تێچوونا فێركرنا زارۆكان.
4- تێچوونا ساخله‌میێ.
5- تێچوونا ڤه‌گوهاستن و هاتن و چوونێ.
6- بوراندنا ده‌مێن خوه‌شیێ.
تێبینی/ دبت ئه‌ڤ رێزبه‌ندییه‌ ژ خێزانه‌كێ بۆ ئێكه‌ دی جودا بت.

رێزبه‌ندكرنا مه‌زاختنان ل دویڤ گرنگیێ:
– مازخاتنێن شیان نه‌ین ده‌ست ژێ بهێنه‌ به‌ردان: وه‌كی پێدڤییاتیێن سه‌ره‌كی یێن خێزانێ (خارن و بهایێ كاره‌ب و ئاڤ و چاڤدێرییا ساخله‌می و فێركرنێ).
– مه‌زاختیێن شیان هه‌ین ده‌ست ژێ بهێنه‌ به‌ردان: وه‌كی ته‌رفیهـ و پێدڤییاتیێن نه‌ سه‌ره‌كی (سه‌یران و كه‌ره‌ستێن جوانكاریێ و كرینا جلكێن نه‌گرنگ).

Check Also

قه‌بارێ هاورده‌كرنا كه‌ره‌سته‌یێن جوانكاریێ بۆ سعودیه‌ 229 دولارن د پێنج هه‌یڤان دا.

قه‌بارێ هاورده‌كرنا كه‌ره‌سته‌یێن جوانكاریێ بۆ سعودیه‌ 229 دولارن د پێنج هه‌یڤان دا. مالپه‌رێ خابیر / …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *