سەرەتا / به‌شێن مالپه‌ری / ساخلەمی / ڤیاگرا- دێ چاوا ب دورستی بكارئینی؟

ڤیاگرا- دێ چاوا ب دورستی بكارئینی؟

ڤیاگرا- دێ چاوا ب دورستی بكارئینی؟
مالپه‌رێ خابیر / زاخۆ
ڤیاگرا ناڤێ بازرگانی یێ (Sildenafil)ـه‌، و چاره‌سه‌رییه‌ بۆ لاوازییا سكسی و ره‌قبینێ ل ده‌ڤ زه‌لامان، ئه‌وك كی نه‌ نابت بكاربینن؟ دێ چاوا ب شێوه‌یێ ساخله‌م و دورست هێته‌ بكارئینان؟
ل ده‌سپێكا هه‌میێ نابت ڤیاگرا بێ راوێژا نوژداری بهێته‌ بكارئینان.
ئه‌و كه‌سێن نابت ڤیاگرایێ بكاربینن؟
– تووشبوویێن زه‌بحا سنگی.
– نه‌خوه‌شێن دلی.
– ئاریشه‌یێن مێلاكێ.
– نه‌خوه‌شێن گولچیسكان.
– تێكچوونێن خوینێ یان خوینبه‌ربوونێ.
– قه‌رحا گه‌دده‌ی.
– هنده‌ك نه‌خوه‌شیێن چاڤان.
– دبت ڤیاگرا كارلێكێ لگه‌ل هنده‌ك جورێن دژه‌زینده‌ییان و دژه‌كه‌روویان و چاره‌سه‌ریێن گیایی و ده‌رمانێن بلندییا فشارا خوینێ و تێكچوونێن پروستاتا بكت.
ڤیاگرا كارێ خوه‌ دكت ب رێكا رێگریكرنێ ل ده‌ردانا ئه‌نزیكا نه‌رمكرنا زه‌ڤله‌كا نێرینه‌یی و هه‌ركینا خوینێ بۆ زێده‌ دكت، و هوسا زه‌لام دشێت بۆ درێژترین ده‌م په‌یوه‌ندییا سكسی ئه‌نجام بدت.

شیره‌ت بۆ وان كه‌سێن ده‌ستویری هه‌ین ڤیاگرایێ بكاربینن:
– ڤیاگرا كاردكت پشتی هاندانا سكسی.
– نابت د رۆژێ دا ژ ئێك حه‌پكا ڤیاگرایێ زێده‌تر بهێته‌ بكارئینان.
– پێدڤیه‌ ژبه‌ری ده‌مژمێره‌كێ ژ پرۆسه‌یا سكسی ڤیگارا (ژ 25 ملگ بۆ 100 ملگ) بهێته‌ بكارئینان.
– هه‌روه‌سا دورسته‌ هه‌تا 30 خوله‌كان ژی ژبه‌ری چالاكیێن سكسی بهێته‌ بكارئینان.
– نابت فێقیێ سندی (گریب فروت) و به‌رهه‌مێن وێ ل ده‌مێ بكارئینانا ڤیاگرایێ بهێته‌ بكارئینان.
– ل ده‌مێ رویدانا دژه‌كاره‌كێ هه‌ستی یان ژده‌ستدانا ژنشكه‌كێڤه‌ یا دیتنێ یان ره‌قبینا ب ئازار كو دبت بۆ چار ده‌مژمێران ڤه‌كێشت پێدڤیه‌ سه‌ره‌دانا نوژداری بهێته‌ كرن.
– دبت ڤیاگرا كارتێكرنا خوه‌ بكت د ده‌مێ 30 بۆ 60 خوله‌كان پشتی بكارئینانێ، هه‌روه‌سا د حاله‌تێن كێم دا دبت بگه‌هته‌ چار ده‌مژمێران ژی.

كارتێكرنێن لایه‌كێ چنه‌؟
ئه‌گه‌ر ژیێ ته‌ دناڤبه‌را 18 بۆ 60 سالیێ دانه‌ و چ ده‌رمانان بكارنائینی تووشی چ ئاریشه‌یێن ساخله‌می نه‌بی، كارتێكرنێن لایه‌كی ئه‌ڤێن ل خارێ نه‌ (و دبت زێده‌تر ژی):
– زه‌حمه‌تی د هه‌رسێ دا.
– ئێشانێن زه‌ڤله‌كان یان ئێشانێن پشتێ.
– تێكچوونێن دیتنێ.
– نزمبینا فشارا خوینێ.
– وه‌ستیان.
– هه‌ركینا دفنێ یان خوینبه‌ربینا دفنێ.
– ره‌قبینا ب ئێشان كو دبت بۆ 4 ده‌مژمێران به‌رده‌وام بت، و ئه‌گه‌ر ئه‌ڤه‌ رویدا ئێكسه‌ر سه‌ره‌دانا نوژداری بكه‌.

Check Also

ب 5 خارنان خوه‌ ژ زڤستان و نه‌خوه‌شیێن وێ ب پارێزه‌:

ب 5 خارنان خوه‌ ژ زڤستان و نه‌خوه‌شیێن وێ ب پارێزه‌: مالپه‌رێ خابیر / زاخۆ …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *