سەرەتا / به‌شێن مالپه‌ری / زانست و تەکنولوژیا / ب قه‌باره‌یێ یاریگه‌ها تێنسێ.. شیانێن بله‌زترین كومپیوته‌ر د جیهانێ دا.

ب قه‌باره‌یێ یاریگه‌ها تێنسێ.. شیانێن بله‌زترین كومپیوته‌ر د جیهانێ دا.

ب قه‌باره‌یێ یاریگه‌ها تێنسێ.. شیانێن بله‌زترین كومپیوته‌ر د جیهانێ دا.
مالپه‌رێ خابیر / زاخۆ
ئه‌مریكا دهوی ل ئه‌ینیێ بله‌زترین كومپیوته‌ر د جیهانێ دا ئاشكراكر پشتی چه‌ندین سالان كار لسه‌ر كری، داكو سه‌رێ رێزێ د ڤی بواری دا ژ چینێ وه‌ربگرت ڤه‌.
تاقیگه‌ها “ئوك ئێدج” یا نشتیمانی “سوپه‌ركومپیوته‌ر” یا ب ناڤێ “سومت” ئاشكراكر، كو قه‌باره‌یێ وێ نێزیكی قه‌باره‌یێ یاریگه‌هه‌كا تێنسێ یه‌ و گرانیا وێ ژ گرانییا فرۆكه‌یه‌كا بازرگانی پتره‌.
د شیانێن سومتێ دا هه‌نه‌ 200 كوادرلیون (ملیون ملیار) پرۆسه‌یێن بیركاری د ئێك چركه‌ دا ئه‌نجام بدت، و هوسا ژمارا پیڤایی یا كومپیوته‌را چینی “سه‌نوه‌ی تایهولایت” شكاند كو 93 كوادرلیون پرۆسه‌یێن بیركاری بی د ئێك چركه‌ دا.
سومت یا ژ لایێ كومپانییا “ئای بی ئێم” یا ئه‌مریكی ڤه‌ هاتیه‌ پێشئێخستن ژ 500 “سوپه‌ركومپیوته‌ر”ـان پێك دهێت و ئه‌ڤه‌ ژی ژماره‌كا دی یا پیڤایی یه‌.
بیردانكا ناڤخوی یا بله‌زترین كومپیوته‌ر 10 پێتابایتسه‌ (10 ملیون گێگابایت) و له‌زاتییا ئه‌نجامدانا وێ ملیون جاران بله‌زتره‌ ژ كومپیوته‌را ئاسایی.
و داكو گه‌رم نه‌بت پێدڤی 15200 لێترێن ئاڤێ یه‌ د ئێك خوله‌ك دا.
دهێته‌ چاڤه‌رێكرن كومپیوته‌را نوی ب شێوه‌یه‌كێ به‌رفره‌هـ د بوارێ نوژدری دا بهێته‌ بكارئینان، كو شیانێن هه‌ین رێژه‌یێن گه‌له‌ك مه‌زن ژ داتایان شلوڤه‌ بكت و هاریكاریێ بكت د نیاسینا ئه‌گه‌رێن ڤه‌شارتی یێن نه‌خوه‌شییان دا.
و سومت ددێ هاریكارییا زانایان كت لسه‌ر ڤه‌كولینێن كویرتر بۆ پێكهاته‌یا جینی یا خانه‌یێن مرۆڤی، و ئه‌نجامدانا ڤه‌كولینێن هویرتر لسه‌ر جورێن په‌نجه‌شێران و پێكهاتا پرۆتینان د خانه‌یان دا.

Check Also

Super Erase بۆ ژێبرنا داتایان د ئەندروید دا ب ئێكجاری.

Super Erase بۆ ژێبرنا داتایان د ئەندروید دا ب ئێكجاری. مالپەرێ‌ خابیر / زاخۆ Super …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *