سەرەتا / به‌شێن مالپه‌ری / زانست و تەکنولوژیا / خه‌له‌تییه‌كا فه‌یسبوكی 14 ملیون نامه‌یێن بكارهێنه‌ران ئاشكرا دكت.

خه‌له‌تییه‌كا فه‌یسبوكی 14 ملیون نامه‌یێن بكارهێنه‌ران ئاشكرا دكت.

خه‌له‌تییه‌كا فه‌یسبوكی 14 ملیون نامه‌یێن بكارهێنه‌ران ئاشكرا دكت.
مالپه‌رێ خابیر / زاخۆ
خه‌له‌تیێن كومپانییا فه‌یسبوك د به‌رده‌وامن، گوهورینه‌كا د ستینگا تایبه‌تمه‌ندیێ یا ملیونه‌ها بكارهێنه‌ران بی ئه‌گه‌ر 14 ملیون نامه‌ به‌لاڤ ببن و بۆ خه‌لكێ گشتی به‌رده‌ست بن، و ئه‌ڤ چه‌نده‌ د ده‌مێ دناڤبه‌را 18 و 24 مایویا بوری دا.
خه‌له‌تی په‌یدا بی ده‌مێ كار لسه‌ر رێكه‌كا نوی دهاته‌ كرن بۆ شه‌یركرنا هنده‌ك كه‌ره‌سته‌یێن نیاسینا بكارهێنه‌ری، وه‌كی وێنه‌، هه‌روه‌كی مالپه‌رێ لوپاریزیان یێ فره‌نسی ئاشكراكری.
به‌رپرسا تایبه‌تمه‌ندیێ ل مالپه‌ری ئیرین ئیگان ژی د ڤی ده‌رباره‌ی دا دیاركر و گوت “مه‌ ل ڤێ دویماهیێ ئاشكراكر كو خه‌له‌تییه‌ك یا هه‌ی د چاره‌سه‌ركرنا زانیارییان دا و ب شێوه‌یێ ئوتوماتیكی به‌لاڤكرنا نامه‌یێن بكارهێنه‌ران دورستكرین پێشنیار دكت، و ئه‌وان ئاریشه‌ چاره‌سه‌ركر و ئاگه‌هداری ژی بۆ زیانڤێكه‌فتییان ڤرێكرن”.
دهێته‌ پێشبینیكرن 14 ملیون بكارهێنه‌رێن تورا جڤاكی یێن ب خه‌له‌تی ڤه‌ زیان گه‌هشتینێ ل ده‌مێ چوونه‌ژوورا مالپه‌ری بهێنه‌ ئاگه‌هداركرن سه‌ره‌دانا په‌یجه‌كێ جودا بكن داكو ڤه‌كولینێ لسه‌ر وێ ئاشكراكرنا نامه‌یێن وان بكن.
د نوكه‌دا فه‌یسبوك تووشی چه‌ندین فشاران بوویه‌ پشتی ئاشكرابینا هه‌تكبه‌رییا كومپانییا كامبرێدج ئه‌نالیتیكا ل ئه‌پرێلا بوری.
و تبلێن نوی یێن تومه‌تێ بۆ فه‌یسبوكی هاتیه‌ درێژكرن ب وێ چه‌ندێ كو زانیاریێن بكارهێنه‌ران داینه‌ ده‌ستێ پتر ژ 60 كومپانیێن به‌رهه‌مئینانا ته‌له‌فونێن هوشمه‌ند و ئامیره‌یێن ئه‌لكترونی، و دناڤ وان دا ئه‌پر و ئه‌مه‌زون و سامسونگ و مایكروسوفت و بلاكبێری.

Check Also

Super Erase بۆ ژێبرنا داتایان د ئەندروید دا ب ئێكجاری.

Super Erase بۆ ژێبرنا داتایان د ئەندروید دا ب ئێكجاری. مالپەرێ‌ خابیر / زاخۆ Super …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *