سەرەتا / به‌شێن مالپه‌ری / گەشەپێدانا مرۆڤی / گه‌شه‌پێدانا مرۆڤي: هونه‌رێن بریاردانێ.

گه‌شه‌پێدانا مرۆڤي: هونه‌رێن بریاردانێ.

هونه‌رێن بریاردانێ

مالپه‌رێ خابير / زاخۆ

ئا: سعد محمد حسن
• قوناغێن بریاردانێ :
زانایێن ده‌رونى و كومه‌لایه‌تى قوناغێن بریاردانێ د پێنج خلالێن ژێك جودادا كوم دكن , ئه‌و ژى ئه‌ڤه‌نه‌ :
قوناغا ئێكێ : ده‌سنیشانكرنا ئارمانجێ :
چونكى ئه‌وه‌ ئاراستا هه‌مى قوناغێن دى …

قوناغا دووێ : هزركرن د گه‌له‌ك شێان و پێچێبینان دا .
چونكى ئه‌وه‌ ناڤه‌روك و ڤه‌رێژ بۆ بریارێ ….

قوناغا سیێ : دویڤچوون و پشكنینكرنا پێزانیان و راستیان :
ژبه‌ركو نه‌بینا پێزانینێن دورست دێ به‌رێ مه‌ دته‌ بریارا نه‌ دورست …

قوناغا چارێ : هزركرن د ئه‌رینى و نه‌رینیێن وێ بریارا ئه‌م ددن :
فه‌ره‌ ئه‌م بزان ندێ ئه‌ڤ بریاره‌ چ ئه‌نجام هه‌بن , و كا هه‌تا چ راده‌ گونجایه‌ و پێدڤى یه‌ …

قوناغا پێنچێ : پێداچوونا هه‌مى قوناغان جاره‌دا دى ,
و هشیاربین بۆ هندێ دبن گوهورێن په‌یدا بی بن , و ئه‌گه‌ر ئه‌و بریار نه‌ گونجاى بت فه‌ره‌ سه‌ر ژ نوى دویڤچوونا قوناغێن بورى بكین .

• جورێن بریارا :
1- بریارێن تاكه‌ كه‌سى :
ئه‌و بریارن یێن تایبه‌ت ب مرۆڤى بتنێ ڤه‌ , وه‌ك قوتابییه‌ك و ده‌سنیشانكرنا زانكویه‌كێ , یان زه‌لامه‌ك و هه‌لبژاتنا هه‌ڤژینه‌كێ , هه‌لبه‌ت ئه‌ڤ جوره‌ بریاره‌ دكێم هه‌ستیارترن ژ یێن ب كومه‌كێ یان ب ملله‌ته‌كێ ڤه‌ د گرێداى , ژبه‌ركو یێن تاكى مرۆڤ بتنێ ژى زه‌ره‌رمه‌نده‌ ئه‌گه‌ر نه‌ د جهێ خوه‌دا بت ….

2- بریارێن چاره‌نڤیسى :
و ژلایه‌كێ دیڤه‌ بریار یێن هه‌یین ئاسایى نه‌ و یێن هه‌ین چاره‌نڤسینه‌ , ئه‌گه‌ر ته‌ بڤێت تو دیارییه‌كێ بدێ كه‌سه‌كێ بریاردانا هه‌لبژارتنا جورێ دیاریێ بریاره‌كا ئاسایى یه‌ نه‌ ب مه‌ترسییه‌ و نه‌ مه‌زنه‌ .

3- بریارێن دووباره‌دبن :
هه‌روه‌سا بریار یێن هه‌یین دبت گه‌له‌ك جاران دووباره‌ ببت وه‌ك به‌شداریكرن د ئه‌زمانه‌یه‌كێدا یان د خوله‌كێدا , و به‌روڤاژى هندێ گه‌له‌ك بریار هه‌نه‌ نائێنه‌ دووباره‌كرن یان دووباره‌كرنا گه‌له‌ك كێمه‌ وه‌كى هه‌لبژاتنا به‌شه‌كێ ل كولیژه‌یه‌كێ یان پێكئینانا هه‌ڤژینیێ .

• بناخه‌ و بنسترێن بریاردانێ :
ئێك : بریاردان نه‌ ب رێكا خوه‌فێركرنا زانسته‌كێ دئێت به‌لكى پتر ب ئه‌زمون و راهێنان دئێت :
دوو : بریاردان ب هه‌ر ره‌نگه‌كێ هه‌بت باشتره‌ ژ ره‌ڤینا بریاردانێ , ئه‌گه‌ر هنده‌ك كێماسى ژى د بریارێ دا هه‌بن باشتره‌ ژ بریارنه‌دانێ چونكى دێ ئه‌گه‌ر بۆ بێهێزی و شكه‌ستنێ به‌رانبه‌ر بویه‌ر و چاره‌سه‌ركرنا ئاریشه‌یان .
هه‌روه‌كى پێغه‌مبه‌ر (سلاڤێن خودێ لێ بن) دبێژت : ( إذا اجتهد الحاكم فأخطأ له أجر واحد وإذا اجتهد فأصاب له أجران ), ” ئه‌گه‌ر دادوه‌ره‌كێ ئیجتیهادكر و خه‌له‌ت بى بۆ وى خێره‌كه‌ و ئه‌گه‌ر ئیجتیهادكر و دورست بى بۆ خێرن ” .
سێ : بریاردان پێدڤى ب دیتن و عه‌قلییه‌ته‌كا به‌رفره‌هه‌ :
ره‌قاتى و ئێك به‌رێخوه‌دان د بریارێدا مرۆڤى به‌ره‌ف مه‌ترسیان ڤه‌ دبت
چار : بریاردان نه‌ دووماهییه‌ به‌لكى ده‌ستپێكه‌ :
ژبه‌ركو ئه‌و بریارا مرۆڤ ددت پێدڤى ب هندێ یه‌ مرۆڤ بكته‌ كار و كار پێدڤى ب دیڤچوون و هه‌لسه‌نگاندنێ یه‌ , دبت گه‌له‌ك جاران بریار پێدڤى ب راستڤه‌كرنێ بت , له‌ورا پشتى بریارى گرنكتره‌ ژ بریارێ .

• ل ده‌مێ بریاردانێ فه‌ره‌ ئه‌م خوه‌ ژ ڤان تشتان ب پارێزن :
1- جهێ موجامه‌لا د بریادانێ دا نینه‌ .
2- نابت بریار لژێر عاتیفه‌یه‌كێ بێته‌ دان .
3- نابت بریار ب هه‌ژهه‌ژوكى و ب پاشڤه‌زڤرین بێته‌ دان .
4- نابت بریارا مرۆڤى بێته‌ به‌لاڤه‌كرن ئه‌گه‌ر پێدڤى نه‌كت .
5- بریاردانا ( ب له‌ز ) خوه‌دانێ خوه‌ په‌شێمان دكت .
6- بریاردانا ( لژێر فشاره‌كێ ) دورستێ تێداى نینه‌ .

• فاكته‌رێن كارتێكه‌ر ل سه‌ر بریارێ :
1- تیتال و تێگه‌هێن مرۆڤى كارتێكرنه‌كا گه‌له‌ك مه‌زن ل سه‌ر بریارێن مرۆڤى دكت .
2- ئه‌و تشتێن كارتێكرنێ ل سه‌ر مرۆڤى دكن كارتێكرنێ ل بریارا مرۆڤى ژى دكن .
3- حه‌ز و ئاره‌زویێن مرۆڤى , ژبه‌ركو بریار ژ هه‌مى ناخ و ده‌رونێ مرڤى د ئێته‌ ئاڤاكرن .
4- هوكارێن ده‌رونى , تێكچوون و قه‌له‌ق و هه‌ژهه‌ژوكى كارتێكرنێن مه‌زن ل مرۆڤى دكن و دویڤرا ل بریارا مرۆڤى ژى دكن .

Check Also

دێ چاوا قوتابی شێت د ره‌مه‌زانێ دا خوینت:

دێ چاوا قوتابی شێت د ره‌مه‌زانێ دا خوینت: مالپه‌رێ خابیر / زاخۆ د ره‌مه‌زانا ئه‌ڤ …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *