سەرەتا / به‌شێن مالپه‌ری / ساخلەمی / ئه‌رێ ته‌ماشه‌كرنا یاریێن ته‌پاپێ دێ كارتێكرنێ ل ساخله‌مییا ددلی كت؟

ئه‌رێ ته‌ماشه‌كرنا یاریێن ته‌پاپێ دێ كارتێكرنێ ل ساخله‌مییا ددلی كت؟

ئه‌رێ ته‌ماشه‌كرنا یاریێن ته‌پاپێ دێ كارتێكرنێ ل ساخله‌مییا ددلی كت؟
مالپه‌رێ خابیر / زاخۆ
د ده‌مێ ژمارتنا دژه‌كی بۆ ده‌سپێكرنا كومپییا 21 ژ كاسا جیهانی ل رۆسیا ده‌سپێكری، شه‌هره‌زایێن ساخله‌میێ هشیارییان ددن ژ ته‌ماشه‌كرنا یارییان بۆ تووشبوویێن نه‌خوه‌شیێن دلی، كو دبت ده‌ره‌نجامێن خراب لسه‌ر ساخله‌میێ هه‌بن.
ئه‌ڤ ئاهه‌نگا ته‌پاپێ ئاسێتن بلند یێن ته‌ماشه‌كرنێ ب خوه‌ڤه‌ دگرت و جه‌ماوه‌رێ هه‌ر هه‌لبژارتییه‌كێ هاندانا هه‌لبژارتیێ خوه‌ دكت و ده‌مێ دشێكت ژی هه‌مان تاما سه‌ركه‌فتنێ ب شێوه‌یێ نه‌رێنی وه‌ردگرت.
د ڤی ده‌رباره‌ی دا مالپه‌رێ “n-tv” یێ نووچه‌یی یێ ئه‌لمانی دیاركر كو یاریێن ته‌پاپێ دبت كارتێكرنێ ل دلی بكن و ببنه‌ ئه‌گه‌رێ مرنێ، و ئه‌ڤ چه‌نده‌ چه‌ندین ڤه‌كولینان دیاركریه‌، كو فشاراهه‌ست و سوزان د پتریا جاران دا ئاستێ لێدانێن دلی زێده‌ دكت و فشارا خوینێ بلند دكت، و هوسا زیانێن ساخله‌می یێن مه‌زن دێ ژێ په‌یدابن.
توماس ماینرتز ژ ده‌زگه‌هێ دلی یێ ئه‌لمانی گوت “كه‌سێ خودان دلێ ساخله‌م د ته‌ماشه‌كرنا یارییان دی ژبه‌ر لێدانێن دلی نانالت، به‌لێ كار ل ده‌ڤ نه‌خوه‌شێن دلی جودایه‌، كو دبت تێكچوونا هه‌ست و سوزان ببته‌ مه‌ترسی لسه‌ر ژیانا وان”.
و ڤه‌كولینه‌كا ژ لایێ زانینگه‌ها میونشن یا ئه‌لمانی ڤه‌ هاتیه‌ ئه‌نجامدان دیاركر كو ل ده‌مێ یاریێن هه‌لبژارتیێ ئه‌لمانیا ل كاسا جیهانییا 2006، سێ جاران پتر ژ ژمارا ستاندارد یا تووشبوویێن نه‌خوه‌شێن دلی سه‌ره‌دانا نه‌خوه‌شخانه‌یان كرینه‌ ب ئه‌گه‌رێ ئاریشه‌یێن دلی یێن دژوار.

Check Also

ئه‌گه‌رێن وه‌ستییانا به‌رده‌وام چنه‌؟

ئه‌گه‌رێن وه‌ستییانا به‌رده‌وام چنه‌؟ مالپه‌رێ خابیر / زاخۆ نوژدارێ ئه‌لمانی هامز میشائیل مولنفیلد گوت هه‌ستكرنا …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *