ليستا 119
سەرەتا / به‌شێن مالپه‌ری / نوچه‌ / رویدانێن خوه‌كوشتنێ ل ئه‌مریكا به‌ره‌ڤ زێده‌بینێ چووینه‌ .

رویدانێن خوه‌كوشتنێ ل ئه‌مریكا به‌ره‌ڤ زێده‌بینێ چووینه‌ .

رویدانێن خوه‌كوشتنێ ل ئه‌مریكا به‌ره‌ڤ زێده‌بینێ چووینه‌ .

مالپه‌رێ خابیر / زاخۆ
ئامارێن فه‌رمى یێن ئەمریکا دیاركرین، دیاردا خۆه‌کوژیێ ل ئەمریکا ب شێوەیەکێ بەرچاڤ زێده‌كریە و نیڤه‌كا وان كه‌سێن دووماهیێ ب ژیانا خوه‌ دئینن، پێشتر چ كێشێن ده‌رونى نه‌بینه‌ .

ناڤه‌ندا کۆنترۆڵکرن و پێشگیری ل نەخۆشییان ل ئەمریکا دبێژت، دناڤبه‌را ساڵێن 1999-2016 خۆه‌کوژی ل زۆربەیا زۆرا ویلایەتێن ئەمریکا زێده‌كریە و ژ نیڤه‌كا پتر یا ویلایه‌تان خۆه‌ کوژی ب راده‌یا 30% زێده‌كریە .

ناڤه‌ندا ناڤبرى پتر رونكریه‌، هەرچەندە توشبوون ب نەخۆشیێن دەرونى هۆکاری سەرەکی یێ خۆه‌کوژیێ نە، به‌لێ نیڤه‌كا وان كه‌سێن ل سالا 2015 ل 27 ویلایەتێن ئەمریکا پێشتر هیچ نەخۆشییەکا دەرونى ل ده‌ف وان نه‌هاتییه‌ دەستنیشانکرن .

هەمان ئاماران ده‌رئێخستینه‌، زۆرترین هەڵکشان د رێژەیا خۆه‌کوژیێ دا دناڤبه‌را کەسێن تەمەن 45 تاوەکو 64 ساڵایێ دا نن، و حاله‌تێن ژیێ 10 سالیێ تا 24 سالیێ ژى هاتینه‌ توماركرن .

هنده‌ك شاره‌زایێن ئه‌مریكى بۆ ناڤه‌ندا ئامارێ خوه‌كوشتنێ به‌لاڤكرىK گوتینه‌، ژبلى نه‌خوشیێن ده‌رونى هنده‌ك ئه‌گه‌رێن دى ژى دپشت بلندبینا حاله‌تێن خوه‌كوشتنێ دا نن، ل ئه‌مریكا، وەک : گرفتێن کۆمەلایەتی، گرفتێن ئابوری و لاوازییا تاکى د چارەسەرکرنا گرفتێن ژیانێ دا .

د ساڵا 2016 دا ل ئەمریکا 45 هزار کەسان خوه‌ كوشتینه‌، و شاره‌زایێن ڤى وه‌لاتى ئه‌ڤێ رێژێ ب مه‌ترسیدار دبینن، و بەربه‌ڵاڤبینا وێ دیاردێ ژى، ژ ویلایه‌ته‌كێ بۆ یادیتر د جیاوازن، بۆ نمونە، ل ویلایەتا کۆڵۆمبیا ژ هەر 100 هزار کەسان نێزیکی 7 کەسان خۆه‌ کوشتینە، ل ویلایەتا مۆنتانا ژ هەر 100 هزار کەسان زێده‌تر ژ 29 کەسا ب خۆه‌ کوه‌ژیێ دووماهى ب ژیانا خوه‌ ئیناتینه‌، و هه‌ر ئێك ژ ویلایه‌تێن نیویورك و واشنتن ژى ل رێزێن به‌راهیكێ دانن، د رێزبه‌ندا حاله‌تێن خوه‌كوشتنێ دا ل ئه‌مريكا .

Check Also

جڤاتێن پارێزگه‌هان بێ ده‌ستهه‌لات مان.

جڤاتێن پارێزگه‌هان بێ ده‌ستهه‌لات مان. مالپه‌رێ خابیر / زاخۆ سه‌رۆكێ جڤاتا پارێزگه‌ها دهۆكێ راگه‌هاند كو …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *