سەرەتا / به‌شێن مالپه‌ری / ئاینى / ژیانناما شێخ عبد الباسط محمد عبد الصمد (دلۆڤانیا خودێ لێ بیت)

ژیانناما شێخ عبد الباسط محمد عبد الصمد (دلۆڤانیا خودێ لێ بیت)

ژیانناما شێخ عبد الباسط محمد عبد الصمد (دلۆڤانیا خودێ لێ بیت)

مالپه‌رێ خابير / زاخۆ

*- ناڤ :*

(عبدالباسط كورێ محمد كورێ عبدالصمد كورێ سه‌لیم)ه.

 

*- ژدایك بوون :*

ل سالا *(1927)*ێ ل گوندێ *(المراعزە)* یا دكه‌ڤیته باژێرێ *(ئه‌رمنت)* ل

پارێزگه‌ه‌ا *(قه‌نا) *ل باشورێ مصرێ هاتیه سه‌ردۆنیایێ ،

 

*- خاندنا وی :*

 

هه‌ر ژ زارۆكینی ده‌ست هاڤێتی یه خاندنا قۆرئانا پیرۆز ، و هه‌ر ل گوندێ

خۆ ل سه‌رده‌ستێ شێخ *(محمد اڵامیر)* قۆرئانا پیرۆز ژبه‌ركری یه دژیێ

*(10)*سالیێ دا ، و هه‌ر دژیێ (14)سالیێ دا هاتیه داخازكرن بۆ خاندنا

ئاهه‌نگێن قۆرئان خاندنێ ، و خاندنێن قۆرئانێ *(القرا‌ءات)* ل سه‌رده‌ستێ

شێخ *(محمد سلیم حمادە)* وه‌رگرتینه‌ ، و چوویه‌ دناڤ ئێزگه‌یێ مصرێ دا ل

سالا *(1951)*ێ و ئێكه‌م خاندنا وی ژ سوره‌تا (فاطر)بوویه‌ ، و ل سالا

*(1952)*ێ هاتیه‌ دامه‌زراندن قۆرئان خوین ل مزگه‌فتا *(ئیمامێ شافعی)،*

پاشی ل مزگه‌فتا *(ئیمام حسێن)* سالا *(1958)*ێ ، و ل گه‌له‌ك وه‌لاتان بۆ

ساخكرنا شه‌ڤێن قه‌در یێن ره‌مه‌زانا پیرۆز هاتیه‌ داخازكرن.

 

*- خێزان و زارۆكێن وی :*

 

(أحمد ، هشام ، یاسر ، طارق ) ، و شێخ یاسر ، و شێخ گارق ژی ژ قۆرئان

خوینێن به‌رنیاسن و به‌هراپتر ده‌نگێ شێخ یاسری ب شێوێ ده‌نگێ بابێ خویه‌ .

*- چوونا وی بوو دناڤ ئێزگه‌ی :*

 

ل سالا *(1951)*ێ شێخ *( الچباع)* داخاز ژێ كریه‌ كۆ وه‌ك قۆرئان خوینه‌ك ل ئێزگه‌ی پێشكێش بكه‌تن ، و ئه‌ڤ داخازی یه‌ ب به‌رفره‌هی ڤه

هاتیه‌وه‌رگرتن ، و پشتی ناڤداری یه‌كا باش و هه‌ژی و ب ده‌نگێ خۆ یێ زێرین

، كو ناڤ دكرن ب *(گه‌وریا زێرین)*.

 

*- سه‌ره‌دانێن وی بۆ ده‌وله‌تێن جیهانی :*

 

پشتی ناڤداری یا وی ل سه‌ر ئاسته‌كێ به‌رفره‌هـ ، ئێكه‌م سه‌ره‌دانا وی بۆ

ژ ده‌رڤه‌یی مصرێ ، وه‌لاتێ سعودیێ بوویه ل سالا *(1952)* ێ ده‌مێ چوونا

بۆ بجهـ ئینانا حه‌جا پیرۆز دگه‌ل بابێ خۆ ، و ل وێرێ شاهنشینا سعودی ب

ده‌لیڤه‌ دیتی یه‌ كۆ ب ده‌نگێ وی ب گه‌له‌ك خاندنان قۆرئانا پیرۆز بهێته

تۆماركرن ، و پشتی هنگی بۆ هژمارهكا زۆرا وه‌لاتێن جیهانی چوویه

ئاهه‌نگێن قۆرئان خاندنێ و ل سه‌ر ئاستێن جیهانی و ب فه‌رمی هاتیه

داخازكرن ، و چوویه (14)ویلایه‌تێن ئه‌مریكی*( 1967 )*ێ ب داخازناما ژ

مه‌لبه‌ندێ ئیسلامی ل (واشنتن) ، ول سالا*(1971)*ێ ل بریتانیا بۆ ئێزگه‌ی

ل به‌شێ عه‌ره‌بی هنده‌ك تۆماركرن كرینه‌ ، و هه‌روه‌سا

سه‌ره‌دانا*(فه‌ره‌نسا ، له‌نده‌ن ، هند ، ئه‌ندونسیا1955 ، جه‌زائیر ،

كوێت ، سوریا ، تونس ، فه‌له‌ستین ، عیراق ، لوبنان ، مالیزیا ، مه‌غریب ،

سنیگال ، پاكستان، ئیسپانیا …)* ، و ژ ناڤدارترین مزگه‌فتێن وی قۆرئان لێ

خاندی *(مزگه‌فتا حه‌ره‌مێ – مه‌ككه‌ها پیرۆز)* و *(مزگه‌فتا پێغه‌مبه‌ری –

سلاڤ لێ بن )*ل مه‌دینێ ، و*(بیت المقدس )*ل فه‌له‌ستینێ ، و*(مزگه‌فتا

ئه‌مه‌وی )*ل دیمه‌شقێ سوریا ، و*(مزگه‌فتاالإبراهیمی)* ل (الخلیل –

فه‌له‌ستینێ )، و ل سالا *(1981)* داخازناما مه‌لبه‌ندێ ئیسلامی ل*(لوس

ئه‌نجلس- ئه‌مریكا)* ، ول دۆر سه‌ره‌دانا وی بۆ عیراقێ مامۆستا هه‌ژار

موكریانی دایه دیاركرن كو ده‌مێ شێخ ل سالا*(1986)*ێ هاتیه عیراقێ و ل

ئوتێلا (فه‌له‌ستین – به‌غداد) دایه دیاركرن ، كو دبنیات دا كوردێ*(

دیاربه‌كر)*ه‌ ، به‌لێ ژبه‌ر كاودانێن به‌رته‌نگێن وی سه‌رده‌می مالباتا وی

مشه‌خت بوو وه‌لاتێ مصرێ ، ل سالا *(1987)*ێ هاتیه داخازكرن بۆ ڤه‌كرنا

ئێكه‌م قوتابخانا ئیسلامی بۆ فێركرنا قۆرئانا پیرۆز ل باژێرێ *(فرجینیا)*ل

واشنتن .

*- خه‌لاتێن وه‌رگرتین :*

 

ل سه‌ر ئاستێ جیهانی زۆر خه‌لات و مه‌دالی پێ هاتینه به‌خشین ژلایێ ئاستێن

بلندێن حكومی ڤه ، ژ وان ژی :

 

– مه‌دالیا سه‌رۆك وه‌زیرێن سوریا( صبری العسلی) 1959ێ

– مه‌دالیا سه‌رۆك حكومه‌تێ مالیزیا 1965ێ

– مه‌دالیا سه‌رۆكێ سنیگالێ 1975ێ

– مه‌دالیا زێری ژ پاكستانێ 1980ێ

– مه‌دالیا زانایان ژ سه‌رۆكێ پاكستانێ (چیا‌و الحق ) 1984ێ

– مه‌دالیا سه‌رۆكێ مصرێ یێ به‌رێ (حوسنی مباره‌ك ) 1987ێ .

 

*- مرن :*

 

پشتی تۆش بوون ب نه‌خۆشیا شه‌كرێ *(سوكه‌ریێ)* و هه‌ر ل سه‌ر گران بووی ،

به‌ری وه‌غه‌ركرنێ كێمتر ژ هه‌یڤه‌كێ ، بریه نه‌خۆشخانا*(الدكتور بدران )*

ل *(الجیزە) *، و پشتی هنگی بریه *(له‌نده‌ن) *و كورێ وی *(گارق )* دگه‌ل

بوویه و پشتی مانا ب حه‌فتی یه كێ ، داخازكریه كۆ ب زڤریننه بۆ مصرێ ،

و ل رۆژا چارشه‌مبی *(30 – 11 – 198830 – 11 – 1988)*ێ چوویه به‌ردلۆڤانیا

خودێ ، و ب پشكداری یا هژماره‌كا زۆر ژ زانا و شێخ و سه‌رۆك و نوینه‌رو

بالیوزێن زۆر وه‌لاتان د رێ و ره‌سمێن ڤه‌شارتنا وی دا ئاماده‌ببوون

..دلۆڤانیا خودێ لێ بیتن ، و ئاكنجی یێ بهه‌شتا به‌رین بیتن .

Check Also

ئه‌رێ دورسته‌ ژن مه‌رجێ نه‌به‌ردانێ بكته‌ دناڤ گرێبه‌ستا هه‌ڤژینیێ دا ؟

ئه‌رێ دورسته‌ ژن مه‌رجێ نه‌به‌ردانێ بكته‌ دناڤ گرێبه‌ستا هه‌ڤژینیێ دا ؟ مالپه‌رێ خابیر / زاخۆ …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *