سەرەتا / به‌شێن مالپه‌ری / ئاینى / حيكمه‌تا دوعا نڤستنێ.

حيكمه‌تا دوعا نڤستنێ.

حيكمه‌تا دوعا نفستنى .

مالپه‌رێ خابير / زاخۆ
هيرش ئيمينكى

پێغه‌مبه‌رى (سلاف لسه‌ر بن) هه‌مى تشت يێ نيشا مه‌ داى د ژيانا مه‌ يا روژانه‌ دا، ولده‌مێ نڤستنێ يا نيشا مه‌ داى كو ئه‌م لسه‌ر ره‌خێ راستێ بنڤين.
پێغه‌مبه‌رێ خوشتڤى دبێژيت)) : ئه‌گه‌ر تو چويه‌ سه‌ر نڤينێت خو ده‌سنڤێژا خو بشو وه‌كى تو بو نڤێژێ دشوى وخو درێژكه‌ لسه‌ر ره‌خێ راستێ وبێژه‌: اللهم أسلمت وجهي إليك وفوضت أمري إليك وألجأت ظهري إليك رغبة ورهبة إليك لا ملجأ ولا منجأ منك إلا إليك آمنت بكتابك الذي أنزلت وبنبيِّك الذي أرسلت))هه‌ر كه‌سێ دڤێ شه‌ڤێ دا دمريت يێ لسه‌ر فيتره‌تێ وڤێ دوعايێ بكه‌نه‌ دوماهيك ئاخفتنا خو )). بوخارى وموسلم ڤه‌دگوهێزن
دڤێ فه‌رموودێ دا گه‌له‌ك موعجيزه‌ تێدانه‌ وه‌كى ڤه‌كولينێت زانستى وده‌روونى دبێژن:
1.ده‌سنڤێژێ مفايێت مه‌زن يێ تێدا هه‌ين:
ئه‌م دزانين كو ده‌مێ مروڤ دچيته‌ سه‌ر جهێت خـــــــو
بو ده‌مێ چه‌ند ده‌مژمێره‌كا دێ مينته‌ دخه‌و، ژبه‌ر هندێ يا گونجايه‌ وه‌راربون وزێده‌بوونا گه‌له‌ك جورێت جه‌راپيما ئه‌ڤێت ماينه‌ ب له‌شێ مروڤى ڤه‌ د روژێ دا،ژبه‌ر ڤێ چه‌ندێ ده‌سنڤێژ رادبيت ب پاقژكرنا باراپتر ژ ڤان جه‌راپيما.
ئاف تێوه‌ردانا ده‌ڤى ده‌مێ ده‌سنڤێژێ ده‌ڤى خلاسدكه‌ت ژ گه‌له‌ك جه‌راپيما،وهه‌كه‌ بهێته‌ هێلان دێ دوو جاران هژمارا جه‌راپيما زێده‌تر لێ دهێت ده‌مێ نڤستنێ.هه‌روه‌سا پاقژكرنا دفنێ وكفكرن ب ئاڤێ گه‌له‌ك جه‌راپيما وتوزێ ناهێليت ئه‌وێت دميننه‌ ب دفنێ ڤه‌.هه‌روه‌سا شويشتنا سه‌روچاڤا وده‌ستا لده‌مێ ده‌سنڤێژ شويشتنێ باراپتر ژ توزێ وجه‌راپيما ناهێليت ئه‌وێت دميننه‌ ب له‌شى ڤه‌ وئاسته‌نگێ د ئێخيته‌ خه‌ليێت پيستى وكونێت وانا دگريت.ژبه‌ر هندێ پاقژكرنا له‌شى به‌رى نڤستنێ گه‌له‌ك يا پێتڤيه‌ بو پاراستن ژ ئێشێت دفنآ وده‌ڤى وپيستى … .
2.مفايێ خو درێژكرنێ ونڤستنا لسه‌ر ره‌خێ راستێ چى يه‌ ( ره‌خێ راستێ يێ له‌شى) ؟؟؟
نڤستنا لسه‌ر ره‌خێ راستێ گڤاشتنا لسه‌ر ره‌هێن دلى سڤك دكه‌ت، وهه‌ر وه‌كى ئه‌م دزانين كو دل يێ ره‌خێ چه‌پێ ونڤستنا لسه‌ر ره‌خێ چه‌پێ دبيته‌ ئه‌گه‌رێ گڤاشتنا لسه‌ر دلى وئاسته‌نگا دئێخيته‌ كارێ دلى.هه‌روه‌سا مێلاك دكه‌ڤيته‌ ره‌خێ راستآ وكارێ وێ ته‌نا دبيت ده‌مێ مروف لسه‌ر ره‌خێ راستێ دنڤيت وئاشكێ مروڤى ژى ته‌نا دبيت وبێهنا خو ڤه‌ده‌ت وكارێ خو دروست دكه‌ت وئه‌و خارنا دمينيت بساناهى دهێته‌ حه‌لكرن.
3. دڤێ فه‌رموودێ دا ئيعجازه‌كا ده‌روونى ژى يا تێدا هه‌ى!!
ده‌مێ مروف دچيت دا بنڤيت بدرێژاهيا روژێ بارگرانيه‌كا ده‌روونى لده‌ف مروڤى هه‌يه‌ ئه‌ف هه‌مى رويدانه‌ تێككاركرن(تفاعل)ێ دكه‌ن لده‌مێ نڤستنێ ودبنه‌ ئه‌گه‌ر كو خه‌ونێت نه‌خوش ونه‌ئيستقراره‌ك دنڤستنێ دا په‌يدابيت، ژبه‌ر هندێ پێغه‌مبه‌رى ئه‌مرێ مه‌ كر ب ڤالاكرنا شه‌حناتێت ده‌روونى وپه‌نابرن بو ده‌ف خودێ ودانپێدان ب ته‌سليمكرنا ئه‌مرێ خو بو خودێ ته‌عالا.
باوه‌ريه‌كا تمام بڤێ دوعايێ وگوتنا وێ مروڤێ ئيماندار خلاس دكه‌ت ژ تێكچونێت ده‌روونى يێت روژانه‌ دهێنه‌ درێكا مروڤى دا،وئه‌گه‌ر مروف هزرا خو بكه‌ت د گوتنا پێغه‌مبه‌رى دا (سلاف لسه‌ربن) ((وفوضت أمري إليك)) دانپێدانه‌كه‌ ژ ده‌ف مروڤێ ئيماندار ب راسپاردنا هه‌مى خه‌م وكول وكوڤان و ئاريشێت خو بو خودێ ته‌عالا.
مانا ڤان خه‌مێت ده‌روونى دبنه‌ ئه‌گه‌رێ كه‌تنا سه‌رێك ومه‌زنبوونا وان ودبنه‌ ئێشێت ده‌روونى، وئه‌ڤه‌ يا ئه‌م دبينين لده‌ف مروڤێ نه‌يێ ئيماندار كو توشى قه‌له‌قێ وخه‌موكيێ وئێشێت ده‌روونى (نفسى) دبيتن.
دگه‌ل گوتنا ڤێ دوعايێ خه‌موكى وقه‌له‌ق وترس نامينيت لده‌ف ئيماندارى چنكى خودێ دێ ئاسته‌نگا ژ ده‌ف وى به‌ت؛وئه‌ف فه‌رمووده‌ چاره‌سه‌ريه‌ بو ئێشێت دلى وده‌روونى.ڤێجا بلا ئه‌م ڤێ دوعايێ ژبيرنه‌كه‌ين يا كو چه‌ند ده‌قيقه‌كێت كێم پێ دچن….

Check Also

ژیانناما شێخ عبد الباسط محمد عبد الصمد (دلۆڤانیا خودێ لێ بیت)

ژیانناما شێخ عبد الباسط محمد عبد الصمد (دلۆڤانیا خودێ لێ بیت) مالپه‌رێ خابير / زاخۆ …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *