ليستا 119
سەرەتا / به‌شێن مالپه‌ری / گەشەپێدانا مرۆڤی / دێ‌ چاوان كۆنترولێ‌ لسەر ترسێ‌ كین ؟

دێ‌ چاوان كۆنترولێ‌ لسەر ترسێ‌ كین ؟

دێ‌ چاوان كۆنترولێ‌ لسەر ترسێ‌ كین ؟
مالپەرێ‌ خابیر / زاخۆ
نڤیسین : لەیلا حاجی
ئەم وەسا هزردكین كو ئەم یێت مەزن بوین ، ئێدی مە پێتڤی ب هەمبێزا پری سوزا دایكێ‌ نینە ، بەلێ‌ پێتڤی یە ، دووبارە ببین زاروك ، و دگەل هەمی كەسێ‌ هەڤال و دلوڤان بین ، نەوەك رەخنەگر و ترسنوك ، ترس نیشانا ناسكرنا مرۆڤێ‌ ڤی سەردەمییە ، ئەم ژ پاشە رۆژێ‌ دترسین ، ژهەژاریێ‌ بێكاریێ‌ بێ‌ رێزیێ‌ گەلەكێن دی (( ژنەك هەبی هەردەم سندوقەكا بچیك دگەلدابی كومەكا زێرۆ زیڤ و پارەی تێدا بین، دەمێ‌ ل مالەكێ‌ بوی مێهڤان، وێ‌ ئەو سندوق ژ خوە جودانەكر ، هەتا ب شەڤێ‌ چەندین جارا رادبی داكو پشت راست بت سندوقا وێ‌ نەهاتییە دزین )) بەلێ‌ ئەم بترسێ‌ مەزن دبن و بترسێ‌ كار دكن دژیانێ‌ دا ژ ترسەكێ‌ دچین بۆ ترسەكا دی بەلێ‌ هندەك یێت هەین دڤێ‌ سەردەمێ‌ ترسێ‌ دا نیشانا وێرەكی و ئازایەتیێنە (( كاوگا )) ئێكە ژ وان كەسا ئەو د نەخوشخانێ‌ دابی چ نەمابی دا روناهیا چاڤێن خوە ژدەست دت ، چەندین هەیڤا چاڤێن وی پێچایی بون نوژدارا گوتێ‌ تە چاڤێن خوە ژدەست دان و ساخلەمیا تە خرابە ئەرێ‌ تۆ ژ مرنێ‌ ناترسی ؟ ئەوێ‌ ب ئارامی بەرسڤ دا و گوت دڤێ‌ دونیایا بەرفرەه دا ستێرێن خودێ‌ روناهینە و پرن ژ دلوڤانیا خودێ‌ و ئەز ژ چ تشتی ناترسم و دڤێ‌ تاریێ‌ دا هەست ب تنێ‌ بونێ‌ ناكم نوژداران گۆتێ‌ : تە گەلەك نەخوشی دیتن و تۆ نەشێ‌ دونیایێ‌ ببینی ، ئەرێ‌ تو ژڤێ‌ نەیێ‌ نە رحەتی وی گوت بەلێ‌ ئەرێ‌ ما ژبەركو خەلكێ‌ چەنك نینن بفرن نەیێت نەرم نەرحەت بن ؟ بەلێ‌ ئەوان ل جهێ‌ چەنگان فروكە چێكرن ، ئەگەر خەلك كۆرەبن دڤێت چاڤێ‌ دلی ڤەكەن و دمالا دلێ‌ مندا روناهیا خودێ‌ یا هەی ، خودێ‌ عاشقێ‌ مەیە نەڤێتن چ زیان بگەهنە مە ، د راستی دا هەر خەم و ئێشەكا هەبیت دەرسەكا د ناف دا پێتڤیە ئەم فێرببینێ‌ بەلێ‌ ئەڤ حەقیقەت و راستیە بتنێ‌ بۆ كەسەكێ‌ ئاشكرا دبیت ئەوێ‌ ب خوشحالی ڤە هەر تشتەكێ‌ بێتە رێكا وی قەبیل بكەت ، ئەو رێكا بەرەڤ خودێ‌ دچیت ، چێدبیت ب خەم و ئێشان هاتبیتە خەملاندن بەلێ‌ ئەو كەسێ‌ هەمی تاقیكرنێن ژیانێ‌ ب روحیەتەكا دورست قەبیل بكت دبیت ژ هەمی ترس و خەلەتیان ، بۆ كەسەكێ‌ كو چ ئاریشە و ئێش نینن ، پێتڤی ناكت چاڤەرێی قەیرانەكا مەزن بیت (( كاوگای )) گوت ئەز د تاریاتیێ‌ داخ ودێ‌ دبینم لەورا من چاڤێت خو یێن ژ دەستداین ئەڤە دەرئەنجامێ‌ نەخوشیا منە ، ئەز ژ دایك بوم ، بەلێ‌ خودێ‌ ئەركەكێ‌ مەزن یێ‌ بۆ من دانایی ، ئەو ئەركە ئەوبی ژ نەخوشخانێ‌ دەركەفتم و پەیاما عەشقا خودێ‌ گەهاندە ب ملیۆنان كەسان ، ئەوبی ئەگەر چارەسەركرنا نەخوشیێت روحی و دەرونی گەلەك ژ خەلكی ، ئەوێن ژ فەقیریێ‌ بەرەڤ دەولەمەندیا روحی ، و ژ خەمباریێ‌ ب خوشحالیێ‌ و ژ لاوازیێ‌ بۆ ب هێزبونێ‌ و ژ تاریاتیێ‌ بەرەڤ روناهیێ‌ ب رێكا وی ، گیانەكێ‌ نوی و تازە بەرەڤ روحا مریا گەلەك ژ خەلكی هاتە دەینان ، هەڤالێن وی د گوتنێ‌ ئەرێ‌ تۆ هەست ب بێ‌ هێزیێ‌ وەستانێ‌ ناكەی ، (( كاوگای )) گوت : دزانم من گەلەك شول یێت هەین ، بەلێ‌ شول نە ئارمانجا ژیانا منە ، چەوا بشێم ئەڤدەمێ‌ ب بها و بێ‌ تاقەتی و هزركرنێ‌ ڤە بۆ سوبەهی ب هەروە ببم ، ژیانا من لسەر ڤێ‌ چركەیێ‌ راوەستیایی ، كو ئەز یێ‌ تێدا ، ئەركێ‌ من یێ‌ راستەقینە ل ڤێرێ‌ ( نەخوشخانە ) و هەڤالینی و پەیوەندیكرن دگەل خودێ‌ ، ئەز هزر ل سوبەهی و رۆژێن دویڤدا ناكم ، دڤێرێ‌ دا نهێنیی یا زەلامەكێ‌ چاڤ نەترس و وێرەك یا ڤەشارتییە د هندێ‌ دا كو ئەو نیگەرانێ‌ دوهی و سوبەهی نینە ، : لدەمێ‌ ( كاوگای ) هاریكاریا وان نەخوشا د كر ئەوێن توشی نەخوشیا (سل)ێ‌ بوین ، ئەو ب خوژی توشی ڤێ‌ نەخوشیێ‌ بۆ ،نوژداران گوتێ‌ تو دێ‌ د ماوێ‌ سالەكێ‌ دا مری ، بەلێ‌ (( كاوگای )) گوهێ‌ خوە نەدایێ‌ ، بەرێ‌ خو دا خودێ‌ و دوعا كرن ، رۆژ و هەیڤ و سال دەرباز بون (( كاوگا )) هەر ما ساغ ، ب چلكێن فەقیرانڤە و خو شكاندن خزمەتا وان نەخوشان دكر ، پەیوەندی ژی دگەل خودێ‌ هەبین ، ئەوی د گوت نوژدارا ژبەری چەند سالا ژ ستغ بینا من بێ‌ هیڤی ببون ، بەلێ‌ باوەریا من ب خودێ‌ ، ئەز یێ‌ ساخ كریم ئەو هێز و تاقەتا لدویف دوعا و پشت راستیا من ب خودێ‌ ، دناڤا مندا زیندی د بیت ، من حێبەتی د كەت ، ئەو كەسێ‌ د ناڤ ترسێ‌ دا دژیت باوەریەكا راست و دورست ب خودێ‌ نینە ، حەتا ئەگەر بەردەوام ناڤێ‌ خودێ‌ لسەر زمانێ‌ ویژی بیت ، ئەو كەسێ‌ باوەری ب خودێ‌ هەی ژداڤ و بەندێت ترسێ‌ یێ‌ ئازادە ، ئەگەر خوە ب سێدارەدانێ‌ ژی بیت ، دیسان چاڤ نەترس و وێرەكە لسەر خویە ، چونكی خو رادەستی خودایەكی عاشق لبەندا خوە زانا و حەكیم كری ، و تێدا ملكێ‌ خودێ‌ یە ، ئەو بەرپرسیارە بۆ خودێ‌ یە كو وی بپارێزیت ترس ژەهرەكا لەزە لهەمی سیستەمێ‌ لەشی و مێشكی بەلاڤ دبیت ، هێزا حەز و ئیرادا مروڤی سەقەت و وێران دكت ، ترس ئێكە ژ مەزنترین دوژمنێت مرۆڤی ، لدەمێ‌ كو ترس پەیدا دبیت یان دڤێت كۆنترولێ‌ لسەر وە بكەت ، هین كۆنترولێ‌ لسەر ترسێ‌ بكەن ترس لسەر وەغەرەكا بێ‌ دلۆڤانی یە ، ژبەر هندێ‌ هەول بدن ب چەكێ‌ باوەریێ‌ و ئاخفتنێن خودێ‌ ژناڤ ببەن ، هەردەمێ‌ ترسێ‌ هین گرتن هەول بدەن ئێك ژ ناڤێن خودێ‌ دووبارە بكەت ئەو كەسێ‌ هین گازی دكنێ‌ دێ‌ ل هەوارا وە هێت

Check Also

حەژێكرن دەهـ سالان ژیێ مرۆڤی درێژ دكت.

حەژێكرن دەهـ سالان ژیێ مرۆڤی درێژ دكت. مالپەرێ‌ خابیر / زاخۆ نوژدارێ‌ فرەنسی “فریدریك سالدمان” …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *