ليستا 119
سەرەتا / به‌شێن مالپه‌ری / زانست و تەکنولوژیا / په‌ره‌شوته‌كا ب هزرا یا ترۆمبێلان بۆ ته‌له‌فونێ دهێته‌ دورستكرن.

په‌ره‌شوته‌كا ب هزرا یا ترۆمبێلان بۆ ته‌له‌فونێ دهێته‌ دورستكرن.

په‌ره‌شوته‌كا ب هزرا یا ترۆمبێلان بۆ ته‌له‌فونێ دهێته‌ دورستكرن.
مالپه‌رێ خابیر / زاخۆ
چه‌ند جاران ته‌له‌فونا ته‌ ژ ده‌ست كه‌تییه‌ و زیان ڤێ كه‌فتینه‌؟، یان ژی ته‌ چه‌ند پاره‌ مه‌زاختینه‌ به‌رانبه‌ری كه‌تنا ته‌له‌فونێ؟، بێ گومان ئه‌م هه‌می به‌رسڤێ دزانین، به‌لێ ل شوینا فلیپ فرینزل به‌ره‌ڤ جهێ چێكرنا ته‌له‌فونان بچت، رێكه‌ك داهێنا داكو به‌رسنگا هێزا راكێشانا ئه‌ردێ بگرت.
دبت كه‌ڤه‌ر یان ژی پارێزه‌را شاشه‌یێ ته‌له‌فونێ ژ هنده‌ك زیانان بپارێزت، به‌لێ ئه‌گه‌ر ل جهه‌كێ ره‌ق و هشك كه‌ت دبت ئه‌و كه‌ره‌سته‌یێن ته‌ بكارئیناین چ مفایی نه‌گه‌هینن ته‌له‌فونێ، و د ڤی حاله‌تی دا رولێ “په‌ره‌شوتا هه‌وایی” دهێت.
فرینزل قوتابیێ ئه‌ندازیاریێ ل ئه‌لمانیا په‌ره‌شوته‌كا هه‌وایی داهێنا تا رادده‌یه‌كێ وه‌كی پێیێن ته‌ڤپیركێنه‌، پێیێن هاتینه‌ داهێنان كاردكن لسه‌ر كێمكرنا كارتێكرنا كه‌تنێ لگه‌ل كێمكرنا ده‌رفه‌تێن كه‌تنا ته‌له‌فونێ ب ئه‌ردێ و هوسا زیان نامینت، هه‌روه‌كی مالپه‌رێ ماشابل یێ ئه‌مریكی یێ ته‌كنولوژی دیاركری.
دیزاینا قوتابیێ ئه‌ندازه‌یا ئه‌لمانی خه‌لات ژ ده‌سته‌یا ئه‌لمانی بۆ میكانیكا ئه‌لكترونی بۆ سالا 2018 ب ده‌ستڤه‌ئینا.
هزرا داهێنانێ بۆ ناڤهاتی هات پشتی ته‌له‌فونا وی ژ به‌ریكا چاكیتێ وی كه‌تی و شاشه‌یا وێ شكه‌ستی، و پشتی چاككرنا شاشه‌یێ ژی ته‌له‌فونا وی هه‌ر كارنه‌كر.
له‌وا فرینزلی په‌نا به‌ر دیزاینكرنا تشته‌كێ ته‌له‌فونا وی ژ كه‌تنێ ب پارێزت،و پشتی چه‌ندین تاقیكرنان گه‌هشته‌ داهێنانا هنده‌ك هه‌ستپێكه‌ران داكو ئاشكرابكن كا ته‌له‌فون د حاله‌تێ كه‌تنا ئازاد دایه‌ و ئه‌گه‌ر د كه‌تنێ دا بت ئێكسه‌ر و ب له‌زاتییه‌كا مه‌زن ڤه‌دبن.
ناڤێ داهێنانا نوی AD-Caseـه‌ و لبه‌ره‌ هزرا خوه‌ بۆ كاره‌كێ بازرگانی ب ڤه‌گوهێزت، و د نوكه‌ دا به‌رهه‌مێ ده‌سپێكی بۆ ئایفون 6 و 6 پله‌س و ئایفون ئێكس هه‌یه‌.

Check Also

مەترسیدارترین پێنج تەلەفونێن هوشمه‌ند لسەر ساخلەمییا مێشكی:

مەترسیدارترین پێنج تەلەفونێن هوشمه‌ند لسەر ساخلەمییا مێشكی: مالپەرێ‌ خابیر / زاخۆ د نوكە دا پترییا …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *