سەرەتا / به‌شێن مالپه‌ری / ڤه‌كولین / ڤه‌كولین: ئیران هه‌می بزنێن جیهانێ یه‌.

ڤه‌كولین: ئیران هه‌می بزنێن جیهانێ یه‌.

ڤه‌كولین: ئیران هه‌می بزنێن جیهانێ یه‌.
مالپه‌رێ خابیر / زاخۆ
تیمه‌كا ڤه‌كوله‌رێن نێڤده‌وله‌تی شیان دویڤچوونا مێژوویا بزنێ بچن ب رێكا چاڤدێرییا رێزبه‌ندییا ترشێ ناڤوكی یێ بزنه‌كا نوی و 83 بزنێن كه‌ڤن.
تیما ب سه‌ركێشییا كیڤن دالی ژ كولیژه‌یا ترینیتی ل ئایرله‌ندا گوت مرۆڤی بزن ژبه‌ری 8500 سالان ب خودان كریه‌، و ده‌سپێكا وێ چه‌ندێ ل ده‌ڤه‌را ب ناڤێ “هه‌یڤا گه‌هشتی” ل رۆژهه‌لاتا ناڤه‌راست بی، هه‌روه‌كی رۆژنامه‌یا لوفیگارو یا فره‌نسی دیاركری.
ڤه‌كولینا د گوڤارا ساینس دا هاتیه‌ به‌لاڤكرن دیاركر كو هه‌می بزنا نوكه‌ د جیهانێ دا هه‌ی ژ هه‌مان جورن به‌لێ ژ سێ رێزبه‌ندیێن جودانه‌.
ڤه‌كوله‌ر ژ تاقیگه‌ها زانستێ چیایێنئ ه‌لب ل زانینگه‌ها گرونوبل ل فره‌نسا و ئێك ژ پشكدارێن ڤه‌كولینێ “فرانسوا بابانون گوت “جورێ كیڤی بزنه‌كه‌ هه‌تا نوكه‌ ژی ل ئیرانێ یێ هه‌ی”.
ب هه‌ڤبه‌ركرنا جینومێن بزنا كیڤی و بزنا كه‌هی ل جهێن جودا جود لسه‌ر رویێ ئه‌ردێ ڤه‌كوله‌ران دیاركرن كو ژێده‌رێ هه‌مییان ڤه‌دگه‌رت بۆ ده‌ڤه‌را ئیرانێ.
هه‌روه‌سا كارتێكرنا مرۆڤان لسه‌ر بزنا كیڤی و گوهورینا وێ ب درێژاهییا مێژوویێ ژی هاتنه‌ دیاركرن، كو قه‌باره‌ و پاشی شیانێن وێ لسه‌ر زانێ و ره‌نگێ وێ ب بورینا ده‌می هاتینه‌ گوهورین، كو بزنا كیڤی بتنێ ئێك ره‌نگه‌، و تێكه‌لبینا مرۆڤان و ده‌ستكارییا وان تێدا بوویه‌ ئه‌گه‌ر چه‌ندین ره‌نگێن ڤی گیانه‌وه‌ری د جیهانێ دا هه‌بن كو هزاره‌ها ساله‌ شیری و گوشتی و كه‌ڤلی ب مرۆڤان د به‌خشت.

Check Also

ڤه‌كولین: كه‌سكاتی و و فێقی رێگریێ ل بلندبینا فشارا خوینێ ل ده‌ڤ ژنان دكت.

ڤه‌كولین: كه‌سكاتی و و فێقی رێگریێ ل بلندبینا فشارا خوینێ ل ده‌ڤ ژنان دكت. مالپه‌رێ …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *