سەرەتا / به‌شێن مالپه‌ری / زانست و تەکنولوژیا / بلندترین خه‌لاتێ بیركاریێ زانایه‌كێ كورد دبت و ژێ دهێته‌ دزین.

بلندترین خه‌لاتێ بیركاریێ زانایه‌كێ كورد دبت و ژێ دهێته‌ دزین.

بلندترین خه‌لاتێ بیركاریێ زانایه‌كێ كورد دبت و ژێ دهێته‌ دزین.
مالپه‌رێ خابیر / زاخۆ
د رویانه‌كا كێم وێنه‌ دا، مه‌دالییا زێری یا خه‌لاتێ فیلدز هاته‌ دزین پشتی نیڤ ده‌مژمێرێ ژ به‌خشینا وی.
رۆژنامه‌یا گلوبو یا به‌رزایلی دیاركر كو زانایێ كورد یێ بیركاریێ “كوچه‌ر بیركار” خه‌لاتێ زێری كو بهایێ وی 4100 دولارن ب ده‌ستڤه‌ئینا، به‌لێ پشتی نیڤ ده‌مژمێرێ ژ وه‌رگرتنا خه‌لاتی دوهی ل رۆژا چارشه‌مبێ هاته‌ دزین.
پشتی دزینا مه‌دالییا زێری هاتیه‌ راگه‌هاندن، لژنه‌یا رێكخه‌ر وێنه‌ و ڤیدیویێن كامیره‌یێن چاڤدێریێ راده‌ستی پولیسان كرن، كو وان ژی ب ورلێ خوه‌ شیان ناسنامه‌یا دزیكه‌ری ئاشكرا بكن، به‌لێ نه‌شیان مه‌دالییا زێری ب ده‌ستڤه‌بینن.
كوچه‌ر بیركار زانایێ بیركاریێ یه‌ ژ رۆژهه‌لاتێ كوردستانێ، ب په‌نابه‌ری به‌ره‌ڤ بریتانیا چوو پشتی به‌كالوریوس ب ده‌ستڤه‌ئیناتی.


لگه‌ل بیركاری زانایێ ئیتالی ئه‌لیسیو ڤیگالی و زانایێ ئه‌لمانی پیته‌ر شولتز و ئه‌كشایی فینكاتیش ژ ئه‌مریكا خه‌لاتێ فیلدز ب ده‌ستڤه‌ئینان.
فیلدز، خه‌لاته‌كێ نێڤده‌وله‌تی یه‌ و هه‌ر چار سالان جاره‌كێ ب كونگره‌یه‌كێ نێڤده‌وله‌تی بۆ زانایێن بیركاریێ دهێته‌ دان، و د سه‌نگا خوه‌ دا به‌رانبه‌ری خه‌لاتێ نوبله‌ كو خه‌لاتێ نوبل ناهێته‌ دان ب زانایێن بیركاریێ، خه‌لاتێ فیلدز ژ 14 قیراتێن زێرێ 583 دهێته‌ دورستكرن، و ب ڤی ناڤی هاتیه‌ ناڤكرن وه‌ك رێزلێنان بۆ زانایێ بیركاری یێ كه‌نه‌دی جون فیدلدز، كو ل سالا 1924 پێشنیارا ڤی خه‌لاتی كر بۆ زانایێن بیركاریێ وه‌ك رێزگرتن بۆ شیانێن وان یێن زانستی.

Check Also

نویترین ته‌كنولوژییا سامسونگێ ژێ دهێته‌ دزین.

نویترین ته‌كنولوژییا سامسونگێ ژێ دهێته‌ دزین. مالپه‌رێ خابیر / زاخۆ راپورتێن رۆژنامه‌ڤانی ل كوریا باشور …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *