سەرەتا / به‌شێن مالپه‌ری / زانست و تەکنولوژیا / ل دویماهیێ نوت 9 هاته‌ ئاشكراكرن.

ل دویماهیێ نوت 9 هاته‌ ئاشكراكرن.

ل دویماهیێ نوت 9 هاته‌ ئاشكراكرن.
مالپه‌رێ خابیر / زاخۆ
كومپانییا سامسونگ ل رۆژا پێنجشه‌مبێ ته‌له‌فونا خوه‌ گاله‌كسی نوت 9 ئاشكراكر، كو پێگریێ دده‌ینت سه‌ر چه‌ندین شیانێن مه‌زن.
ته‌له‌فونا نوی پێگریێ دده‌ینت سه‌ر پێنوسێ له‌مسێ “ئێس” كو بۆ ئێكه‌م جار ب تایبه‌تمه‌ندیێن په‌یوه‌ندیێ هاتیه‌ زێده‌كرن، هه‌روه‌سا كامیره‌یه‌كا هوشمه‌ند ژی ب خوه‌ڤه‌گرتیه‌ كو ژاوه‌ژاویێ سنوردار دكت و دوو عه‌ده‌سه‌یێن لڤوك لێ هاتینه‌ زێده‌كرن داكو بشێت وه‌كی چاڤێ مرۆڤی خوه‌ بگونجینت.
كامیره‌یا نوت 9ـێ ب رێكا تایبه‌تمه‌ندیێن هوشمه‌ند دشێت پێكهاته‌یا وێنه‌ی ده‌ستنیشان بكت و لسه‌ر 20 چینان پولین بكت و پاشی ل دویڤ وێ پولینكرنێ تایبه‌تمه‌ندیێن وێنه‌گرتنێ ب گونجینت.
هه‌روه‌سا دشێت خه‌له‌تییان ژی ئاشكرا بكت، كو دێ بكارهێنه‌ر ئاگه‌هدار كت داكو وێ خه‌له‌تیێ چاره‌ بكت و ب زویترین ده‌م وێنه‌ی بگرت.
شاشه‌یا وێ ژ جورێ AMOLED Infinity Super ب قه‌باره‌یێ 6.4 ئێنشه‌، هه‌روه‌سا ته‌كنیكا بلندگوهێن ده‌نگێ ستیریو لێ هاتیه‌ زێده‌كرن.
پاترییا ته‌له‌فونا نوی ب قه‌باره‌یێ 4000 مللی ئه‌مپێره‌ د ئێك ده‌مژمێر دا، كو مه‌زنترینه‌.
ده‌رباره‌ی شیانێن بیردانكا ناڤخویی دوو هه‌لبژارتن یێن هه‌ین، كو بكارهێنه‌ر دشێن كوپییا 128 گێگابایت یان ژی 512 گێگابایت بۆ خوه‌ بكڕن.
زێده‌باری بیردانكا مه‌زن نوت 9 شیانان ددت مرۆڤی بۆ زێده‌كرنا میموری و مرۆڤ دشێـ بیردانكا گشتی بگه‌هینته‌ ئێك تێرابایت.
هه‌روه‌سا به‌رهه‌مێ نوی یێ سامسونگێ چاره‌سه‌ركه‌ره‌كێ بهێز 10نانومه‌تر یێ هه‌ی كو پێداگرییا بله‌زترین تورێن د جیهانێ دا هه‌ی دكت (1.2 گێگا بایت د ئێك چركه‌ دا)، و هوسا بكارهێنه‌ر دێ شێن بله‌ز په‌خش و داونلودێ بكن.
و ته‌له‌فونا ژ نوی كه‌تیه‌ د بازاری دا ل دژى ئاڤێ یه‌ ب كویراتییا 1.5 مه‌تر ب درێژییا 30 خوله‌ك، زێده‌باری وێ چه‌ندێ ل دژى توزێ ژی یه‌.

Check Also

بەرنیاسترین 9 خەلەتی د نیڤسینا پاسوردی دا.

بەرنیاسترین 9 خەلەتی د نیڤسینا پاسوردی دا. مالپەرێ‌ خابیر / زاخۆ دجیهانا ئەلكترونی یا ئەسمانی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *