ليستا 119
سەرەتا / به‌شێن مالپه‌ری / ئاینى / چاوانییا دابه‌شكرنا گوشتێ قوربانی ل رۆژا جه‌ژنا قوربانی؟

چاوانییا دابه‌شكرنا گوشتێ قوربانی ل رۆژا جه‌ژنا قوربانی؟

چاوانییا دابه‌شكرنا گوشتێ قوربانی ل رۆژا جه‌ژنا قوربانی؟

مالپه‌رێ خابیر / زاخۆ
گه‌له‌ك جاران پسیار دهێته‌ كرن باشترین شێوه‌ چیه‌ گوشتێ قوربانی پێ بهێته‌ دابه‌شكرن ل رۆژا جه‌ژنا قوربانی، یان ژی دێ مرۆڤ چاوا ب باشترین شێوه‌ دابه‌ش و به‌لاڤكت و بێ كو ژ سنورێن دانا قوربانی ب ده‌ركه‌ڤت یان ژی ب نه‌رێنی لسه‌ر مرۆڤی ڤه‌گه‌رت ڤه‌ و خێر بۆ مرۆڤی نه‌هێته‌ نڤیسین.

وه‌ك دیار د هه‌ر چار مه‌زهه‌بێن به‌رنیاس یێن موسلمانان دا دورسته‌ و ده‌ستویری یا هه‌یی خودانێ قوربانی گوشتێ قوربانی بخوت و بدته‌ زه‌نگین و فه‌قیران و بۆ خوه‌ ب هلگرت ژی، ل دویڤ مه‌زهه‌بێ حه‌نه‌فی باشترین شێوه‌ ئه‌و بهێته‌ دابه‌شكرن بۆ سێ سێكا، سێكه‌ك بۆ نیاس و هه‌ڤال و دوستان و سێكه‌كێ ژی بۆ خوه‌ هلبگرت و سێكا سیێ ژی لسه‌ر هه‌ژاران به‌لاڤ بكت و مه‌زهه‌بێ حه‌نبه‌لى ژی هه‌ر ڤێ چه‌ندێ دبێژت.

د مه‌زهه‌بێ شافعی دا یا باشتر ئه‌وه‌ قوربان هه‌می بهێته‌ دابه‌شكرن لسه‌ر هه‌ژاران و هه‌می ببته‌ صه‌ده‌قه‌، چه‌نده‌كا كێم نه‌بت بۆ خارنێ بهێلت، هه‌روه‌سا مه‌زهه‌بێ مالكی ژی دیاردكت كو پێدڤی ناكت قوربان بهێـه‌ دابه‌شكرن بۆ چه‌ند سێكه‌كان، هه‌می ل دویڤ دلێ خودانێ قوربانی یه‌، كا ڤیا چه‌ندێ به‌لاڤ كت و چه‌ندێ هلبگرت و چه‌ندێ ژی بخوت.

Check Also

ڤیدیۆ : ته‌كبیراتێن رۆژێن جه‌ژنا قوربانییا پیرۆز .

ڤیدیۆ : ته‌كبیراتێن رۆژێن جه‌ژنا قوربانییا پیرۆز .   مالپه‌رێ خابیر / زاخۆ

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *