ليستا 119
سەرەتا / به‌شێن مالپه‌ری / ڤه‌كولین / ڤه‌كولین: هه‌وایێ پیس كارتێكرنێ ل شیانێن عه‌قلی یێن مرۆڤی دكت.

ڤه‌كولین: هه‌وایێ پیس كارتێكرنێ ل شیانێن عه‌قلی یێن مرۆڤی دكت.

ڤه‌كولین: هه‌وایێ پیس كارتێكرنێ ل شیانێن عه‌قلی یێن مرۆڤی دكت.
مالپه‌رێ خابیر / زاخۆ
ڤه‌كولینه‌كا زانستی یا نوی دیاركر كو تووشبینا به‌رده‌وام یا هه‌وایێ پیس دبت ببته‌ ئه‌گه‌رێ زیانان بۆ شیانێن عه‌قلی و مه‌عریفی.
ڤه‌كوله‌ران پێشبینییا وێ چه‌ندێ ژی كرن كو كارتێكرنا نه‌رێنی لگه‌ل بورینا سالان زێده‌ دبت، و دبت ل ده‌ڤ ته‌خا نه‌خوانده‌ڤانان خرابتر بت.
بۆ ده‌مێ چار سالان ڤه‌كولینا ئه‌مریكی چینی چاڤدێرییا شیانێن بیركاری و ئاخفتنێ بۆ نێزیكی 20 هزار كه‌سان ل چینێ كرن.
ڤه‌كولینا ژ لایێ ڤه‌كوله‌رێن زانینگه‌ها بیكینگ یا چینی و زانینگه‌ها یال یا ئه‌مریكی ڤه‌ هاتیه‌ ئه‌نجامدان پێگری ده‌ینا سه‌ر پیڤانێن دووه‌م ئوكسیدێ كپریتێ و دووه‌م ئوكسیدێ نایتروجینێ و گه‌ردیله‌یێن تیره‌یا وان 10 مایكرومه‌تر ل جهێن ئاكنجیبینا پشكدارێن ڤه‌كولینێ.
به‌لێ ڤه‌كولینێ ئێكه‌م ئوكسیدێ كاربون و ئوزون و گه‌ردیله‌یێن مه‌زنتر ژ لایێ قه‌باره‌یی ڤه‌ ب خوه‌ڤه‌ نه‌گرتن.
د دویماهی خولا ئه‌كادیمییا نیشتیمانی بۆ زانستنا دا ڤه‌كولین هاته‌ به‌لاڤكرن و تێدا هات “مه‌ به‌لگه‌یه‌ك لسه‌ر كارتێكرنا پیسبینا هه‌وایی لسه‌ر تاقیكرنێن ئاخفتنێ پێشكێشكر كو لگه‌ل دانعه‌مریێ پتر دیاردبن، ب تایبه‌ت بۆ زه‌لامان و نه‌خوانده‌ڤانان”.
ئاماژه‌ ب وێ چه‌ندێ هاته‌ كرن كو پیسبینا هه‌وایی دبته‌ ئه‌گه‌رێ نه‌خوه‌شیێن وه‌كی ئه‌لزه‌هایمه‌رێ و جورێن دی یێن خورفینێ.
شی چن، ئێك ژ به‌رهه‌ڤكه‌رێن ڤه‌كولینێ بۆ رۆژنامه‌یا گاردیان گوت “تووشبینا ب هه‌وایێ پیس د ئێك سال دا ئاستێ ئیدراكا مرۆڤی دئینت خار، و ئه‌ڤ چه‌نده‌ تشته‌كێ گه‌له‌ك نوییه‌”.

Check Also

ڤه‌كولین: هه‌ستكرن ب پیراتیێ دبته‌ ئه‌گه‌ر بۆ په‌یدابینا ئاریشه‌یان د دبیرتیژیێ دا.

ڤه‌كولین: هه‌ستكرن ب پیراتیێ دبته‌ ئه‌گه‌ر بۆ په‌یدابینا ئاریشه‌یان د دبیرتیژیێ دا. مالپه‌رێ خابیر / …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *