ليستا 119
سەرەتا / به‌شێن مالپه‌ری / ئابوری / ل ده‌مێ گه‌شتان ب ڤان رێكان پاره‌یی زێده‌ نه‌مه‌زێخه‌:

ل ده‌مێ گه‌شتان ب ڤان رێكان پاره‌یی زێده‌ نه‌مه‌زێخه‌:

ل ده‌مێ گه‌شتان ب ڤان رێكان پاره‌یی زێده‌ نه‌مه‌زێخه‌:
مالپه‌رێ خابیر / زاخۆ
احمد نور

گه‌شت ژ گرنگترین كارێن ژیانێ نه‌، كو چه‌ندین سه‌ربور و شه‌هره‌زایی و ره‌وشه‌نبیریێن نوی دبه‌خشته‌ ئه‌نجامده‌رێ خوه‌ زێده‌باری بیرهاتنێن خوه‌ش، به‌لێ دبت ژ لایێ ئابوری ڤه‌ ببته‌ بارگرانی، له‌وا پتریا گه‌شتیاران پێدڤی شیره‌تانن بۆ چاوانییا مه‌زاختن و رێڤه‌برنا گه‌شتێ، بگره‌ ژ پلێتا فرۆكه‌یێ هه‌تا سه‌ره‌دانا جهێن شینواری و گه‌شتیاری و خارنێ و ….هتد، زێده‌باری كرینا دیارییان بۆ هه‌ڤال و نیاس و كه‌سوكاران.
ب ڤان شیره‌تان هه‌ول بده‌ ب باشترین شێوه‌ كارگێرییا داراییا پاره‌یێ خوه‌ بكی ل ده‌مێ ئه‌نجامدانا گه‌شتێ:
1- ژبه‌ری گه‌شتێ ب ده‌مه‌كێ نه‌یێ كورت پلێتا فرۆكه‌یێ ببره‌:
ژبه‌ری تو گه‌شتێ ئه‌نجام بدی ب پتری هه‌یڤه‌كێ پلێتا فرۆكه‌یێ ببره‌، چونكی هندی دره‌نگتر پلێتێ ببری بهایێ وێ دێ زێده‌تر بت.
2- نه‌چه‌ جهێن گه‌شتیاری یێن بازرگانی:
ئه‌گه‌ر ته‌ بڤێت گه‌شتا ته‌ یا كێم مه‌زاختی بت، سه‌ره‌دانا جهێن گه‌شتیاری یێن ناڤخویی بكه‌ نه‌ك جهێن گه‌شتیاری یێن بازرگانی، چونكی بهایێن كه‌لوپه‌ل و ئاكنجیبینێ ل جهێن ناڤخویی د ئه‌رزانترن ژ جهێن بازرگانی.
3- پسیارا بهایێن چه‌ندین هوتێل و موتێلان بكه‌:
ئه‌گه‌ر بشێی ژبه‌ری گه‌شتێ ئه‌نجام بدی پسیارا بهایێن هوتێل و موتێلێن وی باژێرێ به‌ره‌ڤ بچی ژ كه‌سوكارێن خوه‌ بكی دێ باشتر بت، و ئه‌گه‌ر ته‌ نه‌شیا ڤێ چه‌ندێ ئه‌نجام بدی، ده‌مێ سه‌ره‌دانا وی باژێرێ ته‌دڤێت گه‌شت بكیێ پسیارا چه‌ندین هوتێلان بكه‌ و ئێكه‌ گونجایی بۆ خوه‌ ب هه‌لبژێره‌، ونه‌ بتنێ پسیارا ئێك هوتێل بكی و لێ ئاكنجی ببی.

4- تێچوونا خارنا خوه‌ كێم بكه‌:
تێچوونا خارنێ دهێته‌ هژمارتن ژ تێچوونێن سه‌ره‌كی د گه‌شتێ دا، له‌وا ئه‌گه‌ر بشێی خارنێ تو ب خوه‌ بۆ خوه‌ به‌رهه‌ڤ بكی، دێ پتر شێی كونترولا پاره‌یێ خوه‌ كی، به‌لێ ئه‌گه‌ر ته‌ دڤێت تام بكه‌یه‌ خارنا وی باژێری، ل ده‌سپێكێ پسیارا بهایێن خارنێ بكه‌ ژ خارنگه‌هان، چونكی دبت ئێك جورێ خارنێ ب چه‌ندین بهایان هه‌بت ل خارنگه‌هێن جودا جودا.

5- ته‌كسییان بكارنه‌ئینه‌:
ل شوینا بكارئینانا ته‌كسیێ هه‌ول بده‌ رێكێن ڤه‌گوهاستنا گشتی بكاربینی بۆ جهێن گه‌شتیاری وه‌كی مێترو و شه‌مه‌نده‌فر و هێلێن پاسان، چونكی بهایێن وان د كێمترن و باشترن، و تو تووشی سه‌ردابرنێ نابی.

Check Also

شكه‌ستنا دراڤێ بولیفیا د وێنه‌یان دا:

شكه‌ستنا دراڤێ بولیفیا د وێنه‌یان دا: مالپه‌رێ خابیر / زاخۆ سندوقا دراڤێ نێڤده‌وله‌تی پێشبینییا وێ …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *