سەرەتا / به‌شێن مالپه‌ری / نوچه‌ / ده‌یكا نورسی: ژیوارێ مه‌ ژی شاهده‌ لسه‌ر شكه‌ستنا ده‌ستهه‌لاتێ د ده‌سته‌به‌ركرنا مافێن زارۆكان.

ده‌یكا نورسی: ژیوارێ مه‌ ژی شاهده‌ لسه‌ر شكه‌ستنا ده‌ستهه‌لاتێ د ده‌سته‌به‌ركرنا مافێن زارۆكان.

ده‌یكا نورسی: ژیوارێ مه‌ ژی شاهده‌ لسه‌ر شكه‌ستنا ده‌ستهه‌لاتێ د ده‌سته‌به‌ركرنا مافێن زارۆكان.
مالپه‌رێ خابیر / زاخۆ
دیدار: دیار شكری
د دیداره‌كا تایبه‌ت دا بۆ سایتێ خابیر “وه‌حیدا ئیبراهیم ئه‌مین” (ده‌یكا نورسی) به‌ربژێرا ژماره‌ 53 ژ لیستا “به‌ره‌و ئیصلاح” ده‌رباره‌یی كارێ خوه‌ و پرۆژه‌یێن وێ بۆ په‌رله‌مانێ كوردستانێ دا چه‌ندین زانیاری و رۆهنكرن دیاركرن.
په‌یامنێر: ئه‌م ته‌ پتر بنیاسین؟
ده‌یكا نورسی: ده‌یكا نورسی: (وحیدا ئیبراهیم ئه‌مین) ژدایكبوویا سالا 1971ل باژێرێ دهوكێ خێزاندارم نها ل زاخو دژیم.
په‌یامنێر: تو كه‌نگی چوویه‌ دناڤ رێزێن یه‌كگرتوویی ئیسلامیی كوردستان دا؟
ده‌یكا نورسى: هه‌ر ل ده‌سپێكا راگه‌هاندنا وێ ل سالا 1994 من كاركریه‌، و ژ ئه‌ندامێن چالاك بوویمه‌ دناڤ یه‌كگرتوویێ دا ب تایبه‌ت د بوارێ خویشكان دا.
په‌یامنێر: بدیتنا ته‌ ژن دشێت وه‌كى زه‌لامان كارێ سیاسی بكه‌ت؟
ده‌یكا نورسى: به‌لێ، بوچی نه‌، نموونه‌ ژى گه‌له‌ك یێن هه‌ین ئه‌گه‌ر ئه‌م به‌رێ خوبده‌ینمێژووێ و صه‌حابیان و و ده‌مێ دویڤ وان دا و هه‌تا نوكه‌ الحمدالله یعنى هه‌بوینه‌ ژنێن رێبه‌ر وشاره‌زا د بوارێ سیاسیدا ره‌ئیاوان هاتبت وه‌رگرتنێ وتا نوكه‌ ئه‌م دبینین گه‌له‌ك وه‌لاتان سه‌رۆك وه‌زیرن وه‌زیرن ئه‌ندام په‌رله‌مانن هه‌تا دوماهیێ یێن هه‌ین.” ژیوارێ مه‌ ژی شاهده‌ لسه‌ر شكه‌ستنا ده‌ستهه‌لاتێ د ده‌سته‌به‌ركرنا مافێن زارۆكان”
په‌یامنێر: مه‌ره‌م ژ خوه‌ به‌ربژێركرنێ بۆ په‌رله‌مانێ كوردستانێ چیه‌؟
ده‌یكا نورسی: مه‌ره‌ما من ئه‌وه‌ بشێم ببم خزمه‌تكاره‌ك بۆ ژنا كورد كو ژ چه‌ندین بیاڤان ڤه‌ سته‌م لێ دهێته‌ كرن، بگره‌ ژ سته‌ما دناڤ خێزانێ دا و رێگری لێ كرن ژ ئه‌نجامدانا مافێن خوه‌ یێن سه‌ره‌كی، هه‌تا دگه‌هته‌ ده‌ستهه‌لاتێ و بێ به‌هركرنا وێ ژ پوستان (ب هه‌ڤبه‌ركرنا وێ لگه‌ل رێژه‌یا زه‌لامان)، له‌وا دێ كاركم بۆ ده‌سته‌به‌ركرنا ژیانه‌كا خوه‌ش بۆ كه‌بانیێن مالێ و پاراستنا مافێن وان.“به‌روڤاژی پاراستنا مافێن وان، گه‌له‌ك جاران مافێ ژنێ ژ لایێ وان رێكخراوان ب خوه‌ڤه‌ هاتیه‌ بنپێكرن”
په‌یامنێر: ته‌ چ هه‌یه‌ بۆ زارۆكێن لسه‌ر جادده‌یان ژ خاندنێ بێ به‌هر و كار دكن؟
ده‌یكا نورسی: خاندن مافه‌كێ سه‌ره‌كی یێ هه‌ر كه‌سه‌كێ یه‌ و لسه‌ر ده‌ستهه‌لاتێ پێدڤیێ بۆ خه‌لكێ خوه‌ ژیاره‌كا خوه‌ش و خاندن و مافێن سه‌ره‌كی و ده‌سپێكی بۆ وان به‌رهه‌ڤ بكت، ئه‌گه‌ر نه‌شێتن پێدڤیه‌ ده‌ستان ژ ده‌ستهه‌لاتێ به‌ردت، و ژیوارێ مه‌ ژی شاهده‌ لسه‌ر شكه‌ستنا ده‌ستهه‌لاتێ د ده‌سته‌به‌ركرنا مافێن زارۆكان، ئه‌گه‌ر نوكه‌ به‌ره‌ڤ بازاری بچین دێ ب ده‌هان زارۆكێن هه‌ژار و به‌لنگاز بینین ژ خاندنێ د بێ به‌هرن و زه‌حمه‌تییا ژیانێ ئه‌و نه‌چاركرینه‌ هه‌تا نیڤا شه‌ڤێ لسه‌ر جادده‌یان كار بكن، دا بشێن پارییه‌كێ نانی بۆ ده‌یبابێن خوه‌ یێن نه‌شێن كار بكن ببن، ئه‌گه‌ر به‌رێ خوه‌ بدینه‌ قوتابخانه‌یان دێ شكه‌ستنه‌كا مه‌زنتر بینین، كو ل هنده‌ك قوتابخانه‌یان هه‌تا شێست قوتابییان د ئێ: پول ڤه‌ دهێنه‌ كومكرن، له‌وا دێ هه‌می هه‌ولان دم و پرۆژه‌یان پێشكێش كم داكو ژیارا وان و مافێن وان د پاراستی بن.
په‌یامنێر: ب دیتنا ته‌ رێكخراوێن مافێ ژنان شیایه‌ مافێن ژنێ ب پارێزن؟
ده‌یكا نورسی: به‌روڤاژی پاراستنا مافێن وان، گه‌له‌ك جاران مافێ ژنێ ژ لایێ وان رێكخراوان ب خوه‌ڤه‌ هاتیه‌ بنپێكرن، و چه‌ندین حاله‌ت هه‌نه‌ ژن پێدڤی پشتگیرییا وان رێكخراوان بوویه‌، به‌لێ خوه‌ لێ نه‌ كریه‌ خودان یان ژی بازرگانی ب مافێن وێ یا هاتیه‌ كرن، و چه‌ندین جاران بووینه‌ رێكه‌ك بۆ رێكه‌ك بۆ ژبه‌ر ئێك چوونا خێزانێ ل شوینا پاراستنا مافێن وێ، خێزانا وێ ژ ده‌ست برینه‌، له‌وا دێ بێژم ئه‌گه‌ر رێكخراوێن مافێ ژنێ ب ئه‌ركێ خوه‌ راببان حالێ ژنێ د جڤاكی دا نه‌ ب ڤی شێوه‌یی بت.
په‌یامنێر: بووچونا ته‌ چیه‌ لسه‌ر رولێ په‌رله‌مانتارێن ژن د كابینێن بوری دا؟
ده‌یكا نورسی: دێ جاره‌ك دی بێژم ڤه‌ ئه‌گه‌ر كه‌سێن ب ناڤێ پاراستنا مافێ ژنێ د ئاخڤن ب كارێن خوه‌ راببان، دا ژیانا ژنێ گه‌له‌ك یا خوه‌شتر و جوداتر بت ژ یا نوكه‌ دبورینت، ئه‌گه‌ر وان په‌رله‌مانتارێن ژن پرۆژه‌یێن پێدڤی بۆ خزمه‌تا ره‌گه‌زێ خوه‌ پێشكێشكربان دا گه‌له‌ك تشت هێنه‌ گوهورین، به‌لێ ب لێبورینڤه‌ رولێ خوه‌ نه‌گێراینه‌ ده‌رباره‌ی پاراستنا مافێ ژنێ و خزمه‌تكرنا وێ.

دەربارە أ.ن

Check Also

رێزبه‌نديا ب هێزترین سوپایێ 2018ێ دهێته‌ دیاركرن.

رێزبه‌نديا ب هێزترین سوپایێ 2018ێ دهێته‌ دیاركرن. مالپه‌رێ خابیر / زاخۆ دامه‌زراوا (گلۆبال فایه‌ر پاوه‌ر) …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *