سەرەتا / به‌شێن مالپه‌ری / نوچه‌ / مجاهد عبدالكریم: په‌رله‌مانێ كوردستانێ شایه‌تیێ ددت لسه‌ر نه‌بینا چ سانسوران لسه‌ر په‌رله‌مانتارێن یه‌كگرتوویێ.

مجاهد عبدالكریم: په‌رله‌مانێ كوردستانێ شایه‌تیێ ددت لسه‌ر نه‌بینا چ سانسوران لسه‌ر په‌رله‌مانتارێن یه‌كگرتوویێ.

مجاهد عبدالكریم: په‌رله‌مانێ كوردستانێ شایه‌تیێ ددت لسه‌ر نه‌بینا چ سانسوران لسه‌ر په‌رله‌مانتارێن یه‌كگرتوویێ.
مالپه‌رێ خابیر / زاخۆ
دیدار: دیار شكری
گه‌نجترین به‌ربژێر بۆ په‌رله‌مانێ هه‌رێما كوردستانێ “مجاهد عبدالكریم” د دیداره‌كا تایبه‌ت دا بۆ سایتێ خابیر به‌حس ل چالاكی و پرۆژه‌یێن خوه‌ كر د ده‌مێ بوری دا و بۆ پاشه‌رۆژێ ژی.
خابیر: مجاهد عبدالكریم كییه‌؟
مجاهد عبدالكریم: ناڤێ من “مجاهد عبدالكریم موحه‌ممه‌ده‌”ـه‌ ژ دایكبوویێ سالا 1989 ل دهوكێ مه‌، باوه‌رنامه‌یا دبلومێ ژ په‌یمانگه‌ها ته‌كنیكی دهوك و به‌كالوریوس ب زانستێن په‌یوه‌ندیێن نێڤده‌وله‌تی هه‌یه‌.
خابیر: ماموستا ئارمانج ژ خوه‌ به‌ربژێركرنا ته‌ چیه‌؟
مجاهد عبدالكریم: ئارمانج ژ خوه‌ به‌ربژێركرنا من ئه‌ڤه‌یه‌ دا جاره‌كا دى ئه‌ڤ خه‌لكه‌ بهیڤى بكه‌ڤیت ئه‌م بشێین چاكسازیێ بكه‌ین ئه‌م بشێین گوهورینێ بكه‌ین ئه‌م بشێین كوردستانه‌كا بهێز ئاڤابكه‌ین ئه‌م بشێین دادپه‌روه‌ریێ به‌رقه‌رار بكه‌ین كوردستانه‌كا ئازاد، كوردستانه‌كا یه‌كسانیا یاسایێ، سه‌روه‌ریا یاسایێ ئاڤابكه‌ین، ژبه‌ر هندێ درویشمێ من ئه‌ڤه‌یه‌ چونكى ئه‌ز دبینم خه‌لكێ مه‌ یێ بێ ئومێد بی یێ بێزار بی ژ ڤێ حوكمرانیێ، ژ پارتا ژ هه‌لبژارتنا و ئه‌ڤه‌ژی نه‌ د به‌رژه‌وه‌ندیا خه‌لكێ دایه‌ چونكى تاكه‌ رێك بو گوهورینێ رێیا ئاشتى خوازیێ و هه‌لبژارتنن له‌وا من ئه‌ڤ درۆیشمه‌راكر دا به‌رده‌وام هه‌ر بمینین گه‌نج له‌وا هیڤیێن وان گه‌ر ئه‌م چوینه‌ په‌رله‌مانى ان شاالله دێ كینه‌ كریار.
“په‌رله‌مانێ كوردستانێ شایه‌تیێ ددت لسه‌ر نه‌بینا چ سانسوران لسه‌ر په‌رله‌مانتارێن یه‌كگرتوویێ”
خابیر: ماموستا گه‌له‌ك جاران گه‌له‌ك گه‌نج چووینه‌ په‌رله‌مانى، لێ دێ بینى بوینه‌ وه‌ك روبوته‌كێ د په‌رله‌مانى دا، دێ چ جوداهییا ته‌ لگه‌ل ڤان هه‌بت؟
مجاهد عبدالكریم: ئه‌وا تو دبێژی راسته‌ ئه‌ندام په‌رله‌مانێن مه‌ ئازادی نینه‌ یێن دده‌ستێ مه‌كته‌بێن خوه‌ یێن سیاسیی دا، به‌لێ یا مه‌ جودایه‌ و مه‌ ئازادی یا هه‌یی د بریاردانێ دا و پرۆژێ سه‌رۆكایه‌تییا هه‌رێما كوردستانێ باشترین به‌لگه‌یه‌ لسه‌ر وێ چه‌ندێ كو په‌رله‌مانتارێن مه‌ ب شێوه‌یه‌كێ ئازادانه‌ بریارێ ددن و نا كه‌ڤنه‌ بن چ ساسنورێن ده‌رڤه‌یی هولا په‌رله‌مانی و بنسترێ ئێكانه‌ یێ بریاردانا وان به‌رژه‌وه‌ندییا گشتی یه‌.
خابیر: ماموستا تا چه‌ند ژ ئه‌دائا په‌رله‌مانتارێن خولا بوریی یێ رازی؟
مجاهد عبدالكریم:ئه‌ز نه‌ شلوڤه‌كاره‌كێ سیاسی مه‌ ئه‌گه‌ر ئه‌ز وه‌ك هاولاتیه‌ك بم تو دشێی پسیارا هاولاتییا هه‌میان بكی، زوربه‌یا هاولاتیان نه‌درازینه‌ ب رێژه‌كا هه‌ره‌ بلند لێ ئه‌گه‌ر وه‌ك شلوڤه‌كاره‌كێ سیاسی بام دا شێم بێژم ته‌ كا چ هاتیه‌كرن چ نه‌ هاتیه‌كرن لێ ئه‌گه‌ر بوچونا هاولاتیان وه‌رگرین ئه‌م دناڤدا دگه‌رهین ،خه‌لك نه‌یێ رازیه‌ ژ ئه‌دائا په‌رله‌مانى ڤان چار سالێن چوین و وان چار سالێن به‌ری وان ژی یێ نه‌ رازیه‌ ژ په‌رله‌مانى هه‌میێ وه‌كى ده‌سهه‌لاته‌كا یاسا دانانێ و نه‌شێت یاسادانانه‌كا بله‌ز بكه‌ت و چاڤدێریه‌كا باش بكه‌ت.
“ئه‌گه‌ر ده‌سهه‌لاتێ كورسیێن خو زێده‌كرن، نابت هاولاتی هه‌تا چار سالێن دی گازنده‌یا نه‌بینا خزمه‌تان بكن”
خابیر: ماموستا پالده‌رێن هاندانا ته‌ بۆ به‌ربژێركرنێ چنه‌؟
مجاهد عبدالكریم: پالده‌رێ ژ هه‌میان بهێزتر ئه‌وبی كو ئه‌ڤ بارودوخێ ئه‌م تێدا ژ ئه‌نجامێ كونترولكرنا ده‌ستهه‌لاتێ ژ لایێ خوینا كه‌ڤن و دانعه‌مران په‌یدابوویه‌، كو هه‌مان به‌رپرسێن بووینه‌ ئه‌گه‌ر بۆ شه‌رێ ناڤخویی و شكه‌ستنێن ئابوری و سیاسی نوكه‌ ده‌ستهه‌لاتێ ل مه‌ دكن، له‌وا دێ بمه‌ بزوێنه‌ره‌كێ كارا بۆ پرۆسه‌یا چاكسازیێ ل هه‌رێما كوردستانێ، ب گروتینه‌كا گه‌نجان كار كم بۆ باشتركرنا ژیارا گه‌نجان.
خابیر: ماموستا بدیتنا ته‌ د خولا بهێت دا خولا پێنجێ گوهورین دێ هێنه‌ كرن؟
مجاهد عبدالكریم: گوهورین لسه‌ر هندێ دمینت كا هه‌ر ئالیه‌ك دێ چه‌ند كورسییان بده‌ستڤه‌ئینن، ئه‌گه‌ر لایه‌نێن نه‌رازی شیان تشته‌كێ باش بده‌ستڤه‌بینن و بشێن ئوپوزیسیونه‌كا بهێز د په‌رله‌مانى دا دروستبكه‌ن، من باوه‌ریا هه‌یی دێ گوهورین دروست بیت لێ ئه‌گه‌ر ده‌سهه‌لاتێ كورسیێن خو زێده‌كرن، نابت هاولاتی هه‌تا چار سالێن دی گازنده‌یا نه‌بینا خزمه‌تان بكن.
خابیر: ماموستا ل دوماهیێ په‌یاما ته‌ بۆ ده‌نگده‌ران بۆ خه‌لكێ كوردستانێ ب شێوه‌كێ گشتی چیه‌؟
مجاهد عبدالكریم: په‌یاما من بۆ هه‌می خه‌لكێ كوردستانێ و ب تایبه‌ت بۆ خه‌لكێ بادینان، بۆ هه‌می هه‌ڤال و كه‌س و كارێن من ئه‌وێن من دنیاسن ئه‌وێن مجاهدى دنیاسن كا مجاهد كیه‌ ئه‌ڤه‌ چه‌ند ساله‌ دگه‌ل مجاهدی ژیایین كو مرۆڤه‌كێ ده‌ستپاكه‌ مرۆڤه‌كێ راستگویه‌ مرۆڤه‌كێ خاوێنه‌ مرۆڤه‌كه‌ هه‌ر حه‌ز ژ راستیێ دكت مرۆڤه‌كه‌ حه‌ز ژ دادپه‌روه‌ریێ دكت مرۆڤه‌كێ دیموكرات خوازه‌، ئه‌ز حه‌سدكه‌م ده‌نگێ خو بده‌نه‌ من دا ئه‌م بشێین خزمه‌تا وه‌ بكین باوه‌ریێ بده‌نه‌ مه‌ هه‌روه‌سا بۆ مه‌ كاربكه‌ن بۆ مه‌ ل ده‌نگان بگه‌رن بێژنه‌ خه‌لكى كو ئه‌ڤه‌ مرۆڤه‌كێ چاكه‌ ئه‌ز حه‌زده‌م هه‌می شاهد حالبن كا مجاهد كیه‌ ان شا‌و الله من باوه‌ریا هه‌یی ئه‌گه‌ر من باوه‌ریا وه‌ بده‌ستڤه‌ ئینان و ئه‌ز بیمه‌ ئه‌ندام په‌رله‌مان چارسالێن دى دێ سه‌ربلندبن وه‌ ده‌نگێ خوه‌ دایه‌”مجاهد عبدالكریم”ی لسه‌ر لیستا”به‌ره‌و ئیصلاح” ژماره‌ 119و ژمارا من 55ـه‌ دێ گه‌له‌ك سه‌ربلندبن كو وه‌ گه‌نجه‌ك ڤرێكریی و شیایی كاره‌ك جوان ل په‌رله‌مانى بكت.

Check Also

په‌رله‌مانتاره‌ك: به‌غدا موچێ 3 مه‌هان بۆ ده‌زگه‌هێن ئتیحادى یێن هه‌رێما كوردستانێ ڤرێ كریه‌.

په‌رله‌مانتاره‌ك: به‌غدا موچێ 3 مه‌هان بۆ ده‌زگه‌هێن ئتیحادى یێن هه‌رێما كوردستانێ ڤرێ كریه‌. مالپه‌رێ خابیر / …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *