سەرەتا / به‌شێن مالپه‌ری / نوچه‌ / مێدیایێن پارتى، ئێكه‌تیێ توهمه‌تباردكن ب چاپكرنا 200 هزار ره‌گه‌زانامێن ساخته‌ .

مێدیایێن پارتى، ئێكه‌تیێ توهمه‌تباردكن ب چاپكرنا 200 هزار ره‌گه‌زانامێن ساخته‌ .

مێدیایێن پارتى، ئێكه‌تیێ توهمه‌تباردكن ب چاپكرنا 200 هزار ره‌گه‌زانامێن ساخته‌ .

مالپه‌رێ خابیر /زاخۆ

ئەندامه‌كێ ئەنجومەنێ كۆمیسیارێن هەڵبژارتنان، ئه‌گه‌رێ ل پشت بڕیارا كومسیونێ یا شه‌ڤه‌كێ ژ به‌رى ئه‌نجامدانا هه‌لبژارتنان ئه‌وبى، بۆ مه‌ هه‌والێن پشتراستكرى هاتبین، 200 هزار رەگەزنامێن ساختە ژلایێ لایەنه‌كێ سیاسی ئهاتبین ئامادە كرن بۆ رۆژا هەڵبژارتنان تاوەكو دەنگی پێ بدن، ژبه‌ر هندێ مه‌ بریاردا كو دەنگدەر دڤێت ناسناما بارێ شارستانی و رەگەزنامه‌ پێكڤه‌ دگه‌لدا بت، پاشى بۆ وى هه‌یه‌ ده‌نگێ خوه‌ بدت.

كۆمیسیۆنا هه‌لبژارتنان شه‌ڤا 29/9/2018 بڕیاردا، كو دەنگدەر دڤێت رەگەزناما عێراقی و ناسناما بارێ شارستانی دگه‌لدا بت، یان پاسپۆرت، یان ژى كارتا نیشتیمانی، ئەگەر نه‌، نه‌شێت دەنگى بدت، مێدیایێن نێزیك ژ پارتى دبێژن، ئه‌و بڕیاره‌ بى جهێ نه‌رازیبینا ئێكه‌تیێ بتنێ، و ئێكه‌تى ب ئاسته‌نگ و هێجه‌ت ئه‌و بریاره‌ وه‌سفكر، بەلێ كۆمیسیۆن ئەو چه‌نده‌ ره‌تكر، كو بریارا وێ یا نوى ل دژى لایه‌نه‌كێ دیاركرى هاتبته‌ ده‌ركرن.

هەندرێن محمد، سەرۆكێ كۆمیسیۆنا بڵندا سەربەخۆیا هەڵبژارتن و راپرسی ل هەرێما كوردستانێ گوت: ” ژمارەیەكا زۆرا رەگەزنامێن عێراقی یێن ساختە هاتبینه‌ دروستكرن. كۆمیسیۆنێ ئەو بڕیارە دەركر، تاوەكو رێگریێ ل سه‌ختەكارییا بكت”.

“200 هزار رەگەزنامێن ساختە”

مێدیایێن پارتیێ گوتینه‌ ، ئەندامه‌كێ ئەنجومەنێ كۆمیسیاران ل كۆمیسیۆنا هه‌لبژارتنان دیاركر: ” ژبه‌رى هه‌لبژارتنان، زانیاریێن پشتراستكرى گه‌هشتن مه‌، كو پتر ژ 200 هزار رەگەزنامێن عێراقی یێن بەتاڵ ل جهه‌كێ نێزیك باژێركێ ( كۆیە ) هاتینه‌ چاپكرن و بڕیاربو ل رۆژا دەنگدانێ ساختەكارییان پێ بكن، و خەڵك ژ كەركوك و دەوروبەران ئیناتبین بۆ هندێ ب وان رەگەزنامێن عێراقی دەنگێ خوه‌ بدن، ئه‌و رەگەزنامه‌ ژى ب سەر چەند باژێره‌كاندا هاتبینه‌ دابەشكرن، ژ وانا سلێمانی، كەلار، كفری، كۆیە، تەقتەق و چەند جهه‌كێن دیتر ژى”.كومسیونا هه‌لبژارتنان بتنێ ژبه‌رى 12 ده‌مژمێرا ژ ده‌ستپێكرنا پروسێ بریاردا ناسما عێراقێ دگه‌ل ره‌گه‌زنامێ دڤێت دگه‌ل ده‌نگده‌رى بت.

قوباد تاڵەبانی، سەرۆكێ لیستا ئێكه‌تیێ هەر وێ شەڤێ بەیاننامەیەك دەركر و راگەهاند “دەركرنا ئەوێ بڕیارێ، بتنێ 10 ده‌مژمێرا بەرى دەستپێكرنا پرۆسا هەڵبژارتنان، مافێ تانەدانێ ژى، بۆ قەوارێن سیاسى نەهێلات”. هەروەسا گوت:” ئه‌ز وه‌سا دبینن ئەڤە ئاسته‌نگه‌كا دیتره‌ دئێته‌ دروستكرن به‌رامبه‌ر ئێكه‌تیێ”.

Check Also

د سالڤه‌گه‌را ژ ده‌ستدانا كه‌ركوكێ دا هونه‌رمه‌نده‌كێ كورد سترانه‌كێ به‌لاڤ دكت.

د سالڤه‌گه‌را ژ ده‌ستدانا كه‌ركوكێ دا هونه‌رمه‌نده‌كێ كورد سترانه‌كێ به‌لاڤ دكت. مالپه‌رێ خابیر / زاخۆ …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *