سەرەتا / به‌شێن مالپه‌ری / بابەت / په‌رتووك خاندن و مفایێن وێ:

په‌رتووك خاندن و مفایێن وێ:

په‌رتووك خاندن و مفایێن وێ
مالپه‌رێ خابیر / زاخۆ
نڤیسین : وه‌حید سندی
1- په‌رتووك بتایبه‌ت یێن ( هه‌لبه‌ست)ـێ، شیانه‌كا باشا هه‌ى بۆ بهێزكرنا زمانێ مرۆڤى، ئانكو بهێزكرنا هونه‌رێ ره‌هوانبێژیێ لده‌ڤ مرۆڤى ڤه‌.
2- په‌رتووك رێكه‌كه‌ بۆ به‌رفره‌هكرنا هزرا مرۆڤى، دگه‌ل هه‌ر خاندنه‌كێ هزره‌كا نوى ژدایك دبیت، بڤى ره‌نگى كه‌سایه‌تیه‌كا نوى دهێته‌ ئاڤاكرن.
3- په‌رتووك كلیله‌كه‌ بۆ ڤه‌كرنا خه‌یالێ لده‌ڤ مرۆڤى، ب خاندنا هه‌ر په‌رتووكه‌كێ كلیلێ خه‌یاله‌كا نوى دێ بۆته‌ هێت، تو دێ ل رامانا وێ گه‌رى یاكو نڤێسه‌رێ وێ په‌رتووكێ مه‌به‌ست پێ یه‌.
4- په‌رتووك كلیله‌كا دییه‌ بۆ ڤه‌كرنا هه‌ست و سوزێن مه‌ دگه‌ل ئێك، ئه‌م ب رێكا وێ دێ دهه‌بوونا خوه‌ گه‌هین دڤێ دنیایێ دا.
5- په‌رتووك ئه‌وه‌ یاكو هێزێ ددته‌ مرۆڤى، كارتێكرنێ ل سه‌ر مه‌ دكه‌ت، هنده‌ك جاران مه‌ دگرینیت، هنده‌ك جاران ژى كه‌نى و گرنژین، ئانكو مه‌ دبته‌ دناڤ روویدانێن جوداجودا دا.
6- ب رێكا په‌رتووكێ ڕه‌فتار و ڕه‌وشت دهێنه‌ ڤه‌گوهاستن، ئه‌فجا ب ڕه‌نگه‌كێ ئێكسه‌ر بیت یان نه‌ئێكسه‌ر.
7- په‌رتووك ژیان و سه‌رهاتییا هنده‌ك كه‌سا بۆ مه‌ ڤه‌دگوهێزیت، كا ئه‌و دچه‌ند ئاسته‌نگاندا ده‌ربازبینه‌، برێكا وێ ئه‌م دشێین خوه‌ ئاڤا بكه‌ین.
8- په‌رتووك مه‌ فێردكه‌ت چه‌وا ب ڕه‌نگه‌كێ باشتر دخوه‌ و كه‌سێن ده‌ورووبه‌رێن خوه‌ بگه‌هین.
9- وه‌سا هزردكه‌ین كو په‌رتووك هه‌ڤاله‌كێ باشه‌ و ده‌مێ ئه‌م دخوینین، هه‌ست ناكه‌ین ئه‌مێ بتنێ نه‌.
10- ده‌ما كو بابه‌ك لده‌ڤ زارۆكێ خوه‌ په‌رتووكه‌كێ دخوینیت، هنگى زارۆكێ وى دێ هه‌سته‌ك لده‌ڤ په‌یدا بیت بۆ پاشه‌رۆژه‌كا گه‌ش.

Check Also

روژا مه‌زن (روژا عه‌ره‌فێ).

روژا مه‌زن (روژا عه‌ره‌فێ). مالپه‌رێ خابير / زاخۆ نڤيسين: عمر دهوكی روژه‌كه‌ مه‌زنترين روژه‌ د …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *