سەرەتا / به‌شێن مالپه‌ری / ئاینى / بوچى ئه‌م حه‌ز ژ پێغه‌مبه‌رى بكین (سلاڤ لێ بن) ؟

بوچى ئه‌م حه‌ز ژ پێغه‌مبه‌رى بكین (سلاڤ لێ بن) ؟

بوچى ئه‌م حه‌ز ژ پێغه‌مبه‌رى بكین (سلاڤ لێ بن) ؟
مالپه‌رێ خابیر / زاخۆ

ئه‌گه‌ر پێغه‌مبه‌ر نه‌با ئه‌م هه‌مى دا لسه‌ر گاوریى مرن، و دا ئه‌م هه‌تاهه‌تایێ مینن ل دوزه‌خێدا، مه‌ ب وى رێكا خوداى ناسكر، و ئه‌م ژ فێلبازیێت شه‌یتانى هاتینه‌ پاراستن.
ژبه‌ر ڤان گرنكترین خالا ئه‌م حه‌ژ پێغه‌مبه‌رى (سلاڤ لێ بن) دكین پتر ژ نه‌فسا خوه‌:

1- چونكى ئه‌م دێ دگه‌ل وى حه‌شر بن ئه‌وێ ئه‌م حه‌ژێدكن:
عن أَنس رضي اللَّه عنه أَن أَعرابياً قال لرسول اللَّه صَلّى اللهُ عَلَيْهِ وسَلَّم: مَتَى السَّاعَةُ ؟ قال رسولُ اللَّه صَلّى اللهُ عَلَيْهِ وسَلَّم: « مَا أَعْدَدْتَ لَهَا ؟ » قال: حُب اللَّهِ ورسولِهِ قال: « أَنْتَ مَعَ مَنْ أَحْبَبْتَ ».متفقٌ عليه.
ژ ئه‌نه‌سى (رازیبینا خودێ لێ بت)كۆچه‌ره‌ عه‌ره‌به‌كێ گۆته‌ پێغه‌مبه‌رێ خودێ كه‌نگى قیامه‌ته‌؟ پێغه‌مبه‌رێ خودێ گۆتێ: ته‌ چ بۆ به‌رهه‌ڤكریه‌؟ گۆت: حه‌ژێكرنا خودێ و پێغه‌مبه‌رێ وى. گۆت: تو یێ دگه‌ل وى یێ ته‌ حه‌ژێكرى.

1- مزگینى بۆته‌ ئه‌ى (ثَوْبان):
سه‌وبان كه‌سه‌كبى گه‌له‌ك حه‌ژ پێغه‌مبه‌رێ خودێ دكر و بۆ وى گه‌له‌ك نه‌خوه‌شبى ده‌مێ دویرى وى دكه‌ت، رۆژه‌كێ هاته‌ ده‌ف پێغه‌مبه‌ری (سلاڤ لێ بن)، خولكێ وى یێ هاتییه‌ گوهارتن و یێ هێز بى و گه‌له‌ك خه‌مگینه‌، پێغه‌مبه‌رێ خودێ گۆتێ چ تشتى ره‌نگێ ته‌ گوهارتییه‌؟ گۆت ئه‌ى پێغه‌مبه‌رێ خودێ من چ نه‌خوه‌شی و ئاریشه‌ نینن، بتنێ ئه‌ز گه‌له‌ك شه‌وقدار و شه‌یدایێ ته‌مه‌ و ل ده‌مێ ئه‌ز ژته‌ خه‌ریب دبم ئه‌ز ته‌ دبینم و ئارام دبم، لێ من هزرا خوه‌ د ئاخره‌تێدا كر و ئه‌ز ترسیام ته‌ ل وێرێ نه‌بینم چونكى ئه‌ز دزانم تو دێ دگه‌ل پێغه‌مبه‌را بێ و ئه‌گه‌ر ئه‌ز بێم به‌هه‌شتێ ژى جهێ من دێ ژ جهێ ته‌ نزمتربت و ئه‌ز ته‌ نابینم، ل وى ده‌مى خودایێ مه‌زن ئه‌ڤ ئایه‌ته‌ ڤرێكر: {وَمَنْ يُطِعِ اللَّهَ وَالرَّسُولَ فَأُولَئِكَ مَعَ الَّذِينَ أَنْعَمَ اللَّهُ عَلَيْهِمْ مِنَ النَّبِيِّينَ وَالصِّدِّيقِينَ وَالشُّهَدَاءِ وَالصَّالِحِينَ وَحَسُنَ أُولَئِكَ رَفِيقًا} [النساء: 69]. هه‌ر كه‌سه‌كێ گوهاداریا خوداى و پێغه‌مبه‌ری (سلاڤ لێ بن) بكت ئه‌و دێ دگه‌ل وان كه‌سا بت یێن خودێ نیعمه‌ت دگه‌ل وان كرین ژ پێغه‌مبه‌ر و راستو و شه‌هید و چاكا، و ئه‌و باشترین هه‌ڤالن.

2- ئه‌م حه‌ژ پێغه‌مبه‌ری (سلاڤ لێ بن) دكین چونكى دلوڤانیی و هیدایه‌ته‌ بۆ مه‌:
{وَمَا أَرْسَلْنَاكَ إِلاَّ رَحْمَةً لِلْعَالَمِينَ} [الأنبياء: 107].
خودایێ مه‌زن گه‌له‌ك ب ئاشكه‌رایى یێ گۆتى مه‌ نه‌ ڤرێكرى ئیللا ره‌حمه‌ت بۆ هه‌مى جیهانان،
و ئه‌گه‌ر پێغه‌مبه‌رێ خودێ بۆ مه‌ نه‌ هاتیبا ئه‌م هه‌مى دا به‌رزه‌بینێ دا بین، و پاشى دا توشى ئاگرى بین،
ئیبن قه‌ییم دبێژت پێغه‌مبه‌رێ خودێ (سلاڤ لێ بن) بۆ هه‌مى كه‌سێ ره‌حمه‌ت بى ب خوه‌ بۆ وان گاورا ئه‌وێن ب ده‌ستێ هه‌ڤالێن پێغه‌مبه‌ری هاتینه‌ كوشتن ژى، چونكى ساخبینا وان دا عه‌زابا وان زێده‌تر لێ كت.

3- چونكى هشكاتیاژى گه‌له‌ك حه‌ژ پێغه‌مبه‌ری دكر (سلاڤ لێ بن):
ل ده‌مێ هه‌ڤالێن پێغه‌مبه‌ری (سلاڤ لێ بن) مینبه‌ره‌ك بۆ گۆتار خواندنێ چێكرین و ده‌نگێ گرى ژ قورمێ دارێ هاتى چونكى پێغه‌مبه‌رێ خودێ چه‌ند گاڤه‌كا دویر كه‌فت، و پشتى پێغه‌مبه‌ری ده‌ستێ خوه‌ داناى سه‌ر و ئارام بى گۆت: (گه‌ر من نه‌دابا به‌ر سینگێ خوه‌ دا هه‌تا رۆژا رابینێ كته‌ گرى).

4- چونكێ پێغه‌مبه‌ری (سلاڤ لێ بن) گه‌له‌ك پتر حه‌ژ مه‌ دكر:
پێغه‌مبه‌رێ خودێ ئاخفتنا ئیبراهیم پێغه‌مبه‌رى (سلاڤ لێ بن) خواند ئه‌وا د قۆرئانێدا هاتى: {رَبِّ إِنَّهُنَّ أَضْلَلْنَ كَثِيرًا مِنَ النَّاسِ فَمَنْ تَبِعَنِي فَإِنَّهُ مِنِّي وَمَنْ عَصَانِي فَإِنَّكَ غَفُورٌ رَحِيمٌ} [إبراهيم: 36]. و گۆتنا عیساى (سلاڤ لێ بن) گۆت: {إِنْ تُعَذِّبْهُمْ فَإِنَّهُمْ عِبَادُكَ وَإِنْ تَغْفِرْ لَهُمْ فَإِنَّكَ أَنْتَ الْعَزِيزُ الْحَكِيمُ} [المائدة: 118]. ده‌ستێن خوه‌ بلندكرن و گۆت: “اللهم أمتي، أمتي”. وبكى، فقال الله: “يا جبريل، اذهب إلى محمد فسله: ما يبكيك؟” فأتاه جبريل فسأله، فأخبره النبي بما قال، فأخبر جبريل ربه وهو أعلم، فقال الله: “يا جبريل، اذهب إلى محمد، فقل: إنا سنرضيك في أمتك ولا نسوءك”. یا ره‌بى ئوممه‌تامن ئوممه‌تامن و كره‌ گرى، خودایێ مه‌زن گۆته‌ جبرائیلى هه‌ره‌ ده‌ف پێغه‌مبه‌رى و پرسیارێ ژى بكه‌ بوچى دكته‌ گرى و جبرائیل هات و پرسیار ژێ كر، پێغه‌مبه‌رى گۆتێ و پاشى جبرائیل چو ده‌ف خودێ و یا پێغه‌مبه‌رى گۆتێ بۆ ڤه‌گوهاست – هه‌لبه‌ت ئه‌و- پتر دزانت، خودێ گۆت جبرائیلى هه‌ر ده‌ف موحه‌ممه‌دى و بێژیێ ئه‌م دێ ته‌ رازیكین ده‌رباره‌ى ئوممه‌تا ته‌ و زیان نا گه‌هته‌ ته‌.

5- ڤیانا پێغه‌مبه‌رى دورستیا ئیمانى یه‌:
“لا يؤمن أحدكم حتى أكون أحب إليه من ولده ووالده والناس أجمعين”. باوه‌ریا كه‌سه‌ك ژهه‌وه‌ دورست نابت هه‌تا ئه‌وى پێغه‌مبه‌ر (سلاڤ لێ بن) ژ زاروكێ خوه‌ و بابێ خوه‌ و ژ هه‌مى خه‌لكێ خوه‌شتر نه‌ڤێت.

Check Also

حوكمێ نڤێژا چه‌ژنێ:

حوكمێ نڤێژا چه‌ژنێ: مالپه‌رێ خابیر / زاخۆ – حوكمێ نڤێژا چه‌ژنێ ( سنة مؤكدة) یه‌ …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *