سەرەتا / به‌شێن مالپه‌ری / نوچه‌ / قوتابیێن شنگالێ كه‌فتینه‌ دناڤبه‌را سێ سیسته‌مێن خوێندنێ دا و باجا نه‌وه‌ك ئێكیێن ناوچێ ددن.

قوتابیێن شنگالێ كه‌فتینه‌ دناڤبه‌را سێ سیسته‌مێن خوێندنێ دا و باجا نه‌وه‌ك ئێكیێن ناوچێ ددن.

قوتابیێن شنگالێ كه‌فتینه‌ دناڤبه‌را سێ سیسته‌مێن خوێندنێ دا و باجا نه‌وه‌ك ئێكیێن ناوچێ ددن.

مالپه‌رێ خابیر / زاخۆ

ژ ئه‌گه‌رێ هه‌بوونا سێ سیسته‌مێن خواندنێ ل قه‌زا شنگالێ، ل به‌ر قوتابیێن به‌رزه‌بوویه‌ كا ب چ سیسته‌م بخوینن و د سه‌ر وێ یه‌كێ ژى را ئاریشێن مه‌زن د نه‌بوونا میلاكێ ماموستایان دا هه‌نه‌.

حوسێن سه‌یدو، ئه‌ندامێ لیژنا په‌روه‌ردێ ل ئه‌نجوومه‌نێ پارێزگه‌ها مووسل، بۆ (باسنیوز) دیار كر: ”هه‌تا نوكه‌ ب شێوه‌یه‌كێ دورست و فه‌رمى خواندن ل قه‌زا شنگالێ ده‌ستپێه‌كریه‌، چونكو گه‌له‌ك كێم و كاسى د بوارێ په‌روه‌ردێ دا ژ نه‌بوونا ئاڤاهیێن دروست و میلاكێ ماموستایان و نه‌بوونا په‌رتۆكان دا هه‌یه‌ و چاڤ ل هندێ دهێته‌ كرن ئاریشه‌ چاره‌ببن و گۆتیشى: قوتابیێن شنگالێ دناڤبه‌را سێ سیسته‌مێن په‌روه‌ردێ دا به‌رزه‌بووینه‌، نزانن كا ب سیسته‌مێ حكومه‌تا عیراقێ یان حكومه‌تا هه‌رێمێ، یان ژى ب سیسته‌مێ خوسه‌ریا دیموكرات ده‌ست ب سالا نوى یا خواندنێ بكه‌ن“.

ئاشكرا ژى كر، كو هێشتا هژماره‌كا قوتابیان ل شنگالێ ماینه‌ و ناچارن هه‌ر ل شنگال ده‌ست ب وه‌رزێ نوو یێ خواندنێ بكه‌ن و هنده‌ك قوتابى ژى ژ به‌ر لاوازیا كه‌رتێ په‌روه‌ردێ قه‌ستا دهۆكێ دكه‌ن بۆ به‌رده‌وامیا خواندنا خوه‌.

حوسێن خدر، رێڤه‌به‌رێ‌ په‌روه‌ردا شنگال یا خواندنا كوردی، بۆ (باسنیوز) ئاشكه‌را كر: ”نها ل شنگالێ ب تنێ 14 قوتابخانێن ڤه‌كرى هه‌نه‌ و ل پارێزگه‌ها دهۆكێ ژى 42 قوتابخانه‌ بۆ ئاواره‌یێن قه‌زا شنگالێ ل كه‌مپان هاتینه‌ ڤه‌كرن و هه‌تا نوكه‌ ل قه‌زا شنگالێ 154 قوتابخانه‌ هاتینه‌ داخستن، چونكو به‌رى هاتنا داعش 170 قوتابخانه‌ و په‌یمانگه‌هه‌ك ل قه‌زا شنگالێ هه‌بوون، به‌لێ پشتى داعش شنگال داگیركرى، قوتابخانێن شنگال هه‌موو هاتبوونه‌ داخستن و پشتى شنگال هاتیه‌ ئازادكرن ژى ب تنێ 14 قوتابخانه‌ هاتینه‌ ڤه‌كرن، ئه‌و ژى هه‌موو ب زمانێ عه‌ره‌بى نه‌ و چو قوتابخانه‌ ل شنگال ب زمانێ كوردى نه‌هاتینه‌ ڤه‌كرن“.

خویاكر كو نها پتر ژ 28000 قوتابی ب سه‌ر په‌روه‌رده‌یا وان ڤه‌ نه‌ و ب رێژه‌یا 90% وه‌كو ئاواره‌ ل كه‌مپێن پارێزگه‌ها دهۆكێ خواندنا خوه‌ دبه‌نه‌ سه‌ر و میلاكێ په‌روه‌ردا شنگالێ ژى به‌رى شه‌رێ داعش نێزیكى 1800 ماموستایان بوو، به‌لێ گه‌له‌ك ژ مامۆستایان چوونه‌ ده‌رڤه‌ى وه‌لاتى و چوونه‌ هه‌ولێر و سلێمانیێ و نها ب تنێ نێزیكى 1200 مامۆستایان ل سه‌ر میلاكێ په‌روه‌ردا مه‌ هه‌نه‌.

Check Also

سه‌ره‌رایى بریارا حكومه‌تێ بۆ وه‌رگرتنا هێشتا قوتابییان، بۆ جارا سیێ قوتابیێن ده‌رچووێن شه‌شێ ئاماده‌یى ل به‌رده‌م وه‌زاره‌تا خوێندنا بلند خرڤه‌بین.

سه‌ره‌رایى بریارا حكومه‌تێ بۆ وه‌رگرتنا هێشتا قوتابییان، بۆ جارا سیێ قوتابیێن ده‌رچووێن شه‌شێ ئاماده‌یى ل به‌رده‌م …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *