سەرەتا / به‌شێن مالپه‌ری / نوچه‌ / ناڤێ ب سه‌دان قوتابیێن ده‌رچوو ل هیچ زانینگه‌هه‌كێ نه‌هاتییه‌.

ناڤێ ب سه‌دان قوتابیێن ده‌رچوو ل هیچ زانینگه‌هه‌كێ نه‌هاتییه‌.

ناڤێ ب سه‌دان قوتابیێن ده‌رچوو ل هیچ زانینگه‌هه‌كێ نه‌هاتییه‌.

مالپه‌رێ خابیر / زاخۆ

كه‌س و كارێن قوتابییان دبێژن، حكومه‌ت سڤكاتیێ ب زه‌حمه‌تا زاروكێن مه‌ دبت و ئه‌ڤه‌ به‌رهه‌مێ پشته‌ڤانییا مه‌یه‌ بۆ ده‌ستهه‌لاتا جاران، د تورێن كومه‌لایه‌تى دا جاره‌كادى وه‌زاره‌تا خوێندنا بلند و حكومه‌ت كه‌فتینه‌ به‌ر پێلا هێرشێن وه‌لاتییان ب تایبه‌ت قوتابیێن ده‌رچووێن شه‌شه‌ێ ئاماده‌یێ ژ كچ و كوران و یێت هاتین بێ به‌هركرن ژ مافێ به‌رده‌وامى دان ب خواندنێ. ناڤێ 860 قوتابییا ل هیچ زانکۆ و پەیمانگەهان نەهاتییه‌ و وەزارەتا خوێندنا بڵند ژى رادگەهینت، ئەو خوێندکارێن ناڤێن وان نه‌هاتین، ناڤێن وان ژى دێ هین و مافێ وان یێ ره‌وایه‌.

12 ساڵ هەوڵ و زه‌حمه‌ت، بۆ گەهشتن ب ئێك ژ زانکۆ و په‌یمانگه‌هێن ل دویڤ داخوازییا وان بێ ئه‌نجا ده‌رچوو، قوتابیه‌ك ب ناڤێ ئەرکان کۆنمرێن وى 75 خوێندنا پۆلا 12 ـی ئامادەیى ل ئاکرێ تەمامکریه‌ و ل هەولێر فۆڕما زانکۆ لاین پڕکریە، بەڵێ دووماهى جار فۆڕما ئەرکانى بێ ئەنجام بو.

860 دەرچووێن پۆلا 12ـی ئامادەیی ل سه‌رانسه‌رى هه‌رێما كوردستانێ فۆڕما زانکۆلاین بۆ خوه‌ پركرینه‌، بەڵێ ژ ئه‌گه‌رێ کێشەیه‌كا تەکنیکی و ب خه‌له‌ت داگرتنا فۆڕمان، ناڤێن وان ل هیچ زانینگه‌هه‌كێ نه‌هاتییه‌ و بێ ماف ماینه‌.

خوێندکاران ل سلێمانى و هەولێر و دهۆکێ بۆ دروستكرنا فشاران ل سەر وەزارەتا خوێندنا بلند خرڤه‌بین ئه‌نجامدان، ل دهۆکێ رێكا سه‌ركییا دهۆک-زاخۆ بۆ چەند ده‌مژمێره‌كان دائێخستن، ل هەولێرێ ژى بەشه‌ک ژ خوێندکاران نه‌ڕازیبینێن خوه‌ برێكا گرتنا جاده‌یا سەرەکی یا هەولێر کەرکوک دیاركرن، و دیسان بۆ ماوێ چه‌ند ده‌مژمێره‌كان مانه‌ راوه‌ستایى ل به‌رده‌م ل به‌رده‌م وه‌زاره‌تا خوێندنا بلند و رێكا وه‌زاره‌تێ دائێخستن.

52 هزار و 42 دەرچووێن پۆلا 12ی ئامادەیی فۆڕما زانکۆلاین پڕکرینه‌، ژ وێ ژمارێ، بتنێ28 هزار و 609 خوێندکار بۆ خوێندنا ئەفساڵه‌ ل زانکۆ و پەیمانگەهێن حکومى یێن هەرێما کوردستانێ هاتینه‌ وەرگرتن، و 23 هزار و 433 خوێندکار ژى ژ ئه‌گه‌رێ کێمییا کۆنمرێن وان ل هیچ زانکۆ و پەیمانگەهان نه‌هاتینه‌ وەرگرتن.

Check Also

رێزبه‌نديا ب هێزترین سوپایێ 2018ێ دهێته‌ دیاركرن.

رێزبه‌نديا ب هێزترین سوپایێ 2018ێ دهێته‌ دیاركرن. مالپه‌رێ خابیر / زاخۆ دامه‌زراوا (گلۆبال فایه‌ر پاوه‌ر) …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *