سەرەتا / به‌شێن مالپه‌ری / نوچه‌ / زانیارى ل سه‌ر پێكئینانا حكومه‌تا نوى یا عێراقێ.

زانیارى ل سه‌ر پێكئینانا حكومه‌تا نوى یا عێراقێ.

زانیارى ل سه‌ر پێكئینانا حكومه‌تا نوى یا عێراقێ.

مالپه‌رێ خابیر / زاخۆ

حه‌فتییا داهاتى په‌رله‌مانێ عێراقێ، دێ باوه‌ریێ ب كابینا عادل عه‌بدولمه‌هدی سه‌رۆك وه‌زیرێن ڕاسپاردیێ عێراقێ دت، ڕۆژنامه‌یه‌ك ژى ورده‌كاریێن پێكئینانا حكومه‌تا نوی یا عێراقێ ئاشكه‌را دكت.

پشتى كو نڤێسینگه‌ها عادل عه‌بدولمه‌هدی سه‌رۆك وه‌زیرێن ڕاسپاردیێ عێراقێ ڕاگه‌هاندى، حه‌فتییا داهاتى عه‌بدولمه‌هدی دێ شێوازێ كابینا حكومه‌تا نوى دگه‌ڵ به‌رنامێ وێ كابینێ دێ بته‌ په‌رله‌مانى، كو چاڤێ هه‌مییا ل هندێ یه‌، پشتى شه‌رێ داعشێ و لاوازبینا هه‌ره‌شێن تیرورێ ل سه‌ر ڤى وه‌لاتى حكومه‌ت دێ ب چ شێوه‌ى بت.

ڕۆژناما شه‌رقولئه‌وسه‌ت د دووماهى ژمارا خوه‌ یا حه‌فتیێ دا به‌ڵاڤكریه‌، حكومه‌تا نوى ژ 22 بۆ 23 وه‌زیران پێكدهێت، كو 70% یا پۆستان ل سه‌ر بنه‌مایێ ڕێككه‌فتنا سیاسی، و 30% یا پۆستان ژى دێ كه‌فته‌ د ده‌ستێن كه‌سێن ته‌كنۆكرات‌ و بێلایه‌ن دا.

رۆژنامێ گوتییه‌ ئێك ژ كێشه‌یێن نوكه‌ كه‌فتینه‌ درێكا عادل عه‌بدولمه‌هدی دا، پێشكێش نه‌كرنا ناڤێن كاندیتێن سوننه‌یانه‌ بۆ پۆستێن ویزارى، هه‌رچه‌نده‌ ده‌مێ پێشكێشكرنا ناڤان ژى ب دووماهى هاتییه‌.

ژێده‌ره‌كێ به‌رپرس ژ حكومه‌تا عێراقێ بۆ رۆژناما شه‌رقولئه‌وسه‌ت گوتییه‌، هه‌وڵه‌ك هه‌یه‌ بۆ ڤه‌گه‌ڕاندنا بنه‌مایێن به‌لاڤكرنا پوستان یێن سه‌ر ده‌مێ حاكمێ مه‌ده‌نى یێ ئه‌مریكا پول برێمه‌رى پشتى ڕوخانا ڕژێما به‌عس ل 2003ێ.

ئه‌وى ژێده‌رى گوتییه‌، ل وى ده‌مى ئه‌نجومه‌نێ حوكمى ل عێراقێ بڤى شێوه‌ى هاتبى دابه‌شكرن: 13 ئه‌ندام بۆ شیعان، 5 بۆ سوننه‌یان، سێ بۆ گوردان، ئه‌وێن دیتر بۆ كێم نه‌ته‌وا.

سوننه‌ ئه‌ڤجاره‌ داخوازا شه‌ش وه‌زاره‌تا دكن، و دڤێن ل جهێ وه‌زاره‌تا به‌رگریێ، وه‌زاره‌تا نه‌فتێ د حكومه‌تا نوى دا وه‌ربگرن، ئه‌و ژى كێشه‌یه‌كا دیتره‌ به‌رامبه‌ر عادل عه‌بدولمه‌هدی.

Check Also

رێزبه‌نديا ب هێزترین سوپایێ 2018ێ دهێته‌ دیاركرن.

رێزبه‌نديا ب هێزترین سوپایێ 2018ێ دهێته‌ دیاركرن. مالپه‌رێ خابیر / زاخۆ دامه‌زراوا (گلۆبال فایه‌ر پاوه‌ر) …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *