سەرەتا / به‌شێن مالپه‌ری / ئاینى / سترانبێژه‌كا ئه‌مریكی بۆ ل شوینا كونسێرتێ موسلمانبینا خوه‌ راگه‌هاند.

سترانبێژه‌كا ئه‌مریكی بۆ ل شوینا كونسێرتێ موسلمانبینا خوه‌ راگه‌هاند.

سترانبێژه‌كا ئه‌مریكی بۆ ل شوینا كونسێرتێ موسلمانبینا خوه‌ راگه‌هاند.
مالپه‌رێ خابیر / زاخۆ
سترانبێژا ئه‌مریكی “دێللا مایلز” ئیسته‌نبول هه‌لبژارت بۆ موسلمانبینا خوه‌، ئه‌ڤ چه‌نده‌ د چارچوڤه‌یێ به‌رهه‌ڤبینا وێ ل ئیسته‌نبولێ ب چه‌ند رۆژان ژ قه‌سابخانه‌یا مزگه‌فتا نیوزله‌ندا.
مایلز یا كو ناڤوده‌نگه‌كێ جیهانی هه‌ی ب تایبه‌ت پشتی لگه‌ل ستێرێ ئه‌مریكی یێ وه‌غه‌ركری “مایكل جاكسون”ـى و وه‌لاتییا وێ “ویتنی هێستون” كاركری.
مایلزێ د ئه‌كاونتێ خوه‌ یێ ئێنستگرامی دا وێنه‌یێ خوه‌ ب ده‌رسوك ل مزگه‌فتا سولتان ئه‌حمه‌دی ل ئیسته‌نبولێ به‌لاڤكر.
و د ستوری دا پارچه‌ڤیدیویه‌ك به‌لاڤكر كو تێدا هه‌ر دوو په‌یڤێن شه‌هده‌یێ دبێژت، كو ب ڤان په‌یڤان مرۆڤ دهێته‌ دناڤ ئاینێ ئیسلامێ دا.
لسه‌ر رویدانا قه‌سابخانه‌یا نیوزله‌ندا سترانبێژا ئه‌مریكی گوت “ئیسلاموفوبیا وه‌كی نه‌خوه‌شیێ ل جیهانێ به‌لاڤ دبت، و دیارترین نمونه‌یا درندانه‌، ئه‌و بی یا ل نیوزله‌ندا رویدایی، خوهـ د له‌شێ من دا قه‌رسی، ناڤخوییا من پرت پرت بی”.

ناڤهاتی یا كو بۆ ده‌مێ پتر ژ ساله‌كێ یه‌ دویڤچوونێ بۆ ئاینێ ئیسلامێ دكت به‌رده‌وامی دا ئاخفتنێن خوه‌ و گوت “نه‌خوه‌شییا چه‌رخی كێمییا حه‌ژێكرن و رێزنه‌گرتنا به‌رانبه‌ره‌، و ل دژى ڤێ چه‌ندێ ئیسلام ئاینێ حه‌ژێكرن و لێبورینێ یه‌، و نیاسینا پێغه‌مبه‌ری (سلاڤێن خودێ لسه‌ر بن) بۆ من كاره‌كێ جوانه‌، و ئه‌ز یا رحه‌تم ب ڤێ بریارێ و خودایێ مه‌زن نیعمه‌ت لگه‌ل من كر كو ئه‌ز هاتیمه‌ دناڤ ئیسلامێ دا”.
ل ئه‌ینییا بوری دوو تیرورستان هێرشی دوو مزگه‌فتان ل باژێرێ كرایتس چێرش ل نیوزله‌ندا ل ده‌مێ نڤێژا ئه‌ینیێ كرن و تێدا 50 كه‌س هاتنه‌ شه‌هیدكرن.

Check Also

ژێده‌رێت گونه‌ها:

ژێده‌رێت گونه‌ها: مالپه‌رێ خابير / زاخۆ د.جه‌مال كوچه‌ر 1-هه‌ڤالێت خراب: تێكه‌لیی یا هه‌ڤالێت خراب كارتێكرنه‌كا …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *