سەرەتا / به‌شێن مالپه‌ری / ئاینى / ئیسرا میعراج گه‌شتا خوه‌شتڤیێ جیهانێ به‌ره‌ڤ ئافرانده‌رێ جیهانێ

ئیسرا میعراج گه‌شتا خوه‌شتڤیێ جیهانێ به‌ره‌ڤ ئافرانده‌رێ جیهانێ

ئیسرا میعراج گه‌شتا خوه‌شتڤیێ جیهانێ به‌ره‌ڤ ئافرانده‌رێ جیهانێ
مالپه‌رێ خابیر / زاخۆ
پێغه‌مبه‌ری (سلاڤێن خودێ لسه‌ر بن) پشتی 20 سال ل مه‌ككه‌هێ ب گازییا خه‌لكێ بۆ ئاینێ ئێكتاپه‌رستیێ و ده‌ستبه‌ردانا بتپه‌رستیێ بوراندین، خودایێ مه‌زن به‌ره‌ڤ مزگه‌فتا ئه‌قسا ڤرێكر، و ژ وێرێ به‌ره‌ڤ ئه‌سمانان بلند بی، حه‌فت چینێن ئه‌سمانان به‌زاندن، و ب هه‌ڤالینییا جیبرائیلی بسه‌ر ئه‌سمانێ حه‌فتێ ژی كه‌ت، ل وێرێ پێنج نڤێژ لسه‌ر هاتنه‌ فه‌رز كرن، و خودایێ مه‌زن پێنجی نڤێژ فه‌رزكرن، و پێغه‌مبه‌ری (سلاڤێن خودێ لسه‌ر بن) داخاز ژ خودایێ خوه‌ دكر سڤكتر بكت، هه‌تا كرینه‌ پێنج نڤێژ.
د شه‌ڤا ئیسرایێ دا ئایه‌تا پیرۆز : [سُبْحَانَ الَّژِی أَسْرَى بِعَبْدِهِ ڵیْلًا مِنَ الْمَسْجِدِ الْحَرَامِ إِڵى الْمَسْجِدِ الأَقْصَى الَّژِی بَارَكْنَا حَوْڵهُ] [الإسرا‌و:1] هاته‌ خار، د ڤێ ئایه‌تێ دا گه‌شتا ئیسرایێ ب رێكا گیاندارێ ب ناڤێ “بوراق” دهێته‌ دیاركرن، هه‌تا گه‌هشتییه‌ مزگه‌فتا ئه‌قسا و ل وێرێ نڤێژ ل پێشییا هه‌می پێغه‌مبه‌ران كر.
پشتی هینگێ د گه‌شتا میعراجێ دا ب هه‌ڤالینییا سه‌ركێشیێ مه‌لائیكه‌تان به‌ره‌ڤ ئه‌سمانان گه‌شتكر، ل ئه‌سمانێ ئێكێ باب ئاده‌م (سلاڤێن خودێ لسه‌ر بن) دیت و پێشوازی لێكر و گوت: پێغه‌مبه‌رێ چاك و كورێ چاك بخێربهێت، پاشی ل ئه‌سمانێ دووێ عیسا و یه‌حیا پێغه‌مبه‌ر (سلاڤێن خودێ لسه‌ر وان بن) دیتن و گوتن: پێغه‌مبه‌رێ چاك و كورێ چاك بخێربهێت، و ژ ئه‌سمانێ دووێ به‌ره‌ڤ یێ سیێ چوو و یوسف پێغه‌مبه‌ر (سلاڤێن خودێ لسه‌ر وان بن) دیت و وی ژی پێشوازی ب گوتنا پێغه‌مبه‌رێ چاك و كورێ چاك بخێربهێت لێ كر، و ل ئه‌سمانێ چارێ ئیدریس پێغه‌مبه‌ر (سلاڤێن خودێ لسه‌ر وان بن) و ل ئه‌سمانێ پێنجێ هارۆن پێغه‌مبه‌ر (سلاڤێن خودێ لسه‌ر وان بن) و ل ئه‌سمانێ شه‌شێ موسا پێغه‌مبه‌ر (سلاڤێن خودێ لسه‌ر وان بن) و ل ئه‌سمانێ حه‌فتێ ئیبراهیم پێغه‌مبه‌ری (سلاڤێن خودێ لسه‌ر وان بن) ب گوتنا بابێ خوه‌ ئاده‌می پێغه‌مبه‌رێ چاك و كورێ چاك بخێربهێت پێشوازی لێ كر.
پاشی به‌ره‌ڤ ئاستێ بلندتر چوو لسه‌ر حه‌فت ئه‌سمانان، ل وێرێ ده‌نگێ نڤیسینا پێنوسێن قه‌زا و قه‌ده‌رێ دنڤیسن بهیست، و خودێ لگه‌ل ئاخفت و پێنجی نڤێژ لسه‌ر فه‌رزكرن و ب داخازا خوه‌شتڤی هاتنه‌ كێمكرن بۆ پێنج نڤێژان د فه‌رزان دا و 50 نڤێژان د بها و خێرێ دا.

Check Also

به‌ری تو گونه‌هێ بكه‌ی یان هزرێ تیدا بكه‌ی هشیار به‌ ژئه‌ڤان خالا:

به‌ری تو گونه‌هێ بكه‌ی یان هزرێ تیدا بكه‌ی هشیار به‌ ژئه‌ڤان خالا: مالپه‌رێ خابير / …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *