سەرەتا / به‌شێن مالپه‌ری / ئاینى / من دڤێت گوننه‌هێ بكه‌م…به‌لێ؟

من دڤێت گوننه‌هێ بكه‌م…به‌لێ؟

من دڤێت گوننه‌هێ بكه‌م…به‌لێ؟

مالپه‌رێ خابير / زاخۆ
نڤێسین:جه‌مال كوچه‌ر

پێشه‌كی
ئارمانجا مروڤی دهه‌بونێ دا ئه‌ڤه‌یه‌ كو په‌رستنا خودایی بكه‌ت وگوهداری یا شه‌یتانی نه‌كه‌ت و كاركه‌ت ژبو به‌لاڤكرنا په‌یاما خودێ ته‌عالا,له‌وما به‌روڤاژی ڤی چه‌ندێ دێ خودێ ته‌عالا ژمروڤی توره‌بیت و سزایێن خو لسه‌ر مه‌ سه‌پینیت,گوننه‌هـ دبنه‌ رێگر وئه‌گه‌رێ لاوازبونا په‌یوه‌ندی یا دناڤبه‌را مروڤی و خودێ ته‌عالا دا,,له‌وما ئه‌گه‌ر ته‌ دڤێت گوننه‌ها بهێلی و ژداڤێت شه‌یتانی بهێیه‌ پاراستن هه‌ول بده‌ په‌رتوكا ناڤبری بخوینه‌ یاكو چه‌ندین رێكێن دویركه‌فتنا گوننه‌ها بشێوه‌یه‌كێ زانستی بخوڤه‌ دگریت و هونه‌ری هێلان و خوپاراستنا ژگوننه‌ها نیشا مه‌ دده‌ت..
وه‌رگێر

هزرا خو بكه‌:
هه‌ كه‌ دلێ ته‌ چو گونه‌هێ وته‌ ڤیا بكه‌ی,,به‌ری تو بكه‌ی لده‌سپێكی هزرێت
خو دڤان خالا دا بكه‌:
1-ئارمانجا ته‌ دژیانێ دا:
خودێ ته‌عالا ئه‌م یێ دچێكرین داكو ئه‌م عیباده‌تا وی بكه‌ین وئه‌م نه‌چێكرینه‌ دا ئه‌م بێ ئه‌مری یا وی بكه‌ین ((وما خلقت الجن والانس الا ليعبدون)), ئانكو ((من مروڤ و ئه‌جنه‌ یێت ئافراندین داكو په‌رستنا من بكه‌ن))
گوهێ خوبده‌ ئاخفتنا خودێ مه‌زن ده‌مێ گوتیه‌ داود پێغه‌مبه‌ری سلاڤ لی بن: (يا دَاودُ أَنتَ تُرِيدُ وأَنا أُرِيدُ إِنْ أَطَعْتَني فِيمَا أُرِيدُ أَرَحْتُكَ فِيْمَا تُرِيْدُ وَإِنْ عَصَيْتَني فِيْمَا أُرِيْدُ أَتْعَبْتُكَ فِيْمَا تُرِيْدُ وَلا يَكُونُ إِلاَّ مَا أُرِيْدُ)ئانكو (یا داود ته‌ داخازی یێ ژمن هه‌ین و من ژێ داخازی یێ ژته‌ هه‌ین,ئه‌گه‌ر ته‌ گوهداری یا من كر یا ته‌ دڤێت دێ ده‌مه‌ ته‌ وهه‌كه‌ ته‌ بێ ئه‌مری یا من كر دێ ژته‌ قه‌تعه‌ كه‌م و یامن دڤێت دێ ئه‌و بیت)…
و حه‌دیسه‌كا دی یا قودسی دا خودێ ته‌عالا دبێژیت(هه‌كه‌ عه‌بدێ من گوهداری یا من كر دێ یێ ژێ رازی بم وهه‌كه‌ ئه‌ز ژی رازی بوم دێ وی سه‌رفه‌رازكه‌م و به‌ره‌كه‌تا من یا بێ دویماهی یه‌,و هه‌كه‌ بێ ئه‌مری یا من كر دێ ژێ توره‌ بم و هه‌كه‌ ئه‌ز ژێ توره‌ بوم دێ له‌عنه‌تا لێ كه‌م)…

2-نیعمه‌تێن خودای دزورن:
ئه‌م هه‌می دزانین كو نیعمه‌تێن خودێ ته‌عالا گه‌له‌كن و نائێنه‌ هه‌ژمارتن((وان تعدوا نعمة الله لا تحصوها)) ئانكو ((هه‌كه‌ هوین هه‌ول بده‌ن نیعمه‌تێت من بهه‌ژمێرن هوین چ جارا نه‌شێن بهه‌ژمێرن)) هه‌ر ئێك ژمه‌ خودانێ گه‌له‌ك نیعمه‌تا یه‌ ئه‌گه‌ر ئه‌م هزرێت خو تێدا بكه‌ین,دهه‌مان ده‌م دا دڤێت ئه‌م بزانین كو خودێ مه‌زن دشێت دهه‌ر وه‌خته‌كی ڤیا ڤان نیعمه‌تا ژمه‌ بستینیت, ((ذَلِكَ بِأَنَّ اللّهَ لَمْ يَكُ مُغَيِّرًا نِّعْمَةً أَنْعَمَهَا عَلَي قَوْمٍ حَتَّي يُغَيِّرُواْ مَا بِأَنفُسِهِم)) ئانكو ((خودێ مه‌زن نیعمه‌تا ژچ كه‌سا نابریت هه‌تا ئه‌و ژپه‌رستنا خودێ ته‌عالا دویردكه‌ڤن)), له‌وما دڤێت ئه‌م بزانین كو گونه‌هـ دبنه‌ ئه‌گه‌رێ قه‌تعه‌بونا نیعمه‌تا ژمه‌ وئه‌ڤ نیعمه‌ته‌ نازڤرنه‌ ڤه‌ بتنێ بتوبه‌یه‌كا ژدل….
3-هزرا خو دجهێ گونه‌هێ دا بكه‌:
بزانه‌ هه‌ر جهه‌كێ ئه‌م لێ خودێ ته‌عالا مه‌ دبینیت ((أَلَمْ يَعْلَمْ بِأَنَّ اللَّهَ يَرَي)) ئانكو ((ما ئه‌و نوزانن كو خودێ ته‌عالا هه‌می تشتا دبینیت)),وهه‌ر هزره‌كا خه‌له‌ت ئه‌م بكه‌ین خودێ مه‌زن یێ پێ ئاگه‌هه‌ ((يَعْلَمُ خَائِنَةَ الْأَعْيُنِ وَمَا تُخْفِي الصُّدُورُ خودێ ته‌عالا وان تشتا دزانیت یێن مروڤ دسینگێ خو دا دهه‌لگریت)), وهزرنه‌كه‌ن كو خودێ ته‌عالا یێ مژویله‌ ومه‌ نابینیت به‌لكو هه‌ر كاره‌كێ ئه‌م ئه‌نجام بده‌ین خودێ مه‌زن هایژمه‌ هه‌یه‌ وكاروكریارێت مه‌ دئێنه‌ بلندكرن بو وی داكو لدویماهیێ حسابێ دگه‌ل مه‌ بكه‌ت .
(حومه‌یدی) گوته‌( سلیمانێ كورێ علی): هه‌كه‌ ته‌ گونه‌هه‌ك كر وته‌ هزر كر كو خودێ یی ته‌ دبینیت ئه‌ڤه‌ ته‌ شه‌رم ژخودێ نه‌كر,وهه‌كه‌ ته‌ گونه‌هه‌ك كر و ته‌ هزرا خودێ ته‌عالا نه‌كر ئه‌ڤه‌ ته‌ كوفر بخودێ ئینا..
ئه‌ڤجا هه‌كه‌ ته‌ گونه‌هه‌ك كر دێ ل ئێك ژڤان جها كه‌ی:
– یان دێ دناڤ چێكرێت خودێ دا كه‌ی (داروبه‌ر وچیا وئاسمان وهتد…) ییتَ كو عیباده‌تێ خودێ دكه‌ن, ((وان من شیء الا یسبح بحمده ولكن لا تفقهون تسبیحهم))..ئانكو ((هه‌می چێكریێت خودێ زكرێ خودایێ خو دكه‌ن به‌لێ هوین دزكرێ وان ناگه‌هن)).
– یان دناڤبه‌را سه‌ربازێت خودێ ته‌عالا وه‌كی مه‌لایكه‌تا,مروڤێت چاك…هتد ((وَلِلَّهِ جُنُودُ السَّمَاوَاتِ وَالْأَرْضِ)).
– یان ژی دێ گونه‌هێ كه‌ی لده‌ڤ وان تشتا یێت كو دێ ل روژا قیامه‌تێ شه‌هده‌یێ لسه‌رته‌ ده‌ن وه‌ك ئه‌زمان,ده‌ست وپێ….هتد
((يَوْمَ تَشْهَدُ عَلَيْهِمْ أَلْسِنَتُهُمْ وَأَيْدِيهِمْ وَأَرْجُلُهُم بِمَا كَانُوا يَعْمَلُونَ)) ئانكو ((ئه‌و روژا ئه‌زمان وده‌ست وپێ شه‌هده‌یێ لسه‌ر مروڤی دده‌ن لسه‌ر وان كارا یێن كو مروڤی ئه‌نجام داین)),و ژبیرنه‌كه‌ین كو مه‌لایكه‌ت ژی شه‌هده‌یێ لسه‌ر مروڤێ گونه‌هكار دده‌ن بتایبه‌ت هه‌ردوو مه‌لایكه‌تێت لسه‌ر ملێت مروڤی كو هه‌ر ئاخفتنه‌كا تو دبێژی چ یا باش بیت یان خراب دئێته‌ نڤیسین ((مَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ))..
4-وه‌ختێ گونه‌هێ:
ده‌مێ تو گونه‌هێ دكه‌ی, دێ دئێك ژ ڤان وه‌ختا دا كه‌ی:
– ده‌مێ به‌ری نڤێژا سپێدێ یێ كو مروڤیت چاك داخازا ژێبرنا گونه‌ها ژخودێ خو دكه‌ن ((وبالاسحار هم یستغفرون))
– یان ده‌مێ نڤێژا سپێدێ ئه‌و وه‌ختێ مه‌لایكه‌ت تێدا حازر دبن ودگه‌ل مروڤا عیباده‌تی دكه‌ن ((وقران الفجر ان قران الفجر كان مشهودا))..
– یان ده‌مێ سپێدێ یێ كو خودێ ته‌عالا سویند پێ خاری ((َالضُّحَي ,وَاللَّيْلِ إِذَا سَجَي)).
– یان ده‌مێ ئێڤاری یێ كو خودێ مه‌زن سوره‌ته‌كا تایبه‌ت بناڤێ وێ ئینایه‌ خار ژبه‌ر گرنگی یا وێ ((والْعَصْرِ , إِنَّ الْإ نسَانَ لَفِي خُسْرٍ))..
– یان ب شه‌ڤێ ئه‌و وه‌ختێ هوسا گرنگ و بخێر..
– یان وی ده‌مێ خودێ ته‌عالا بمه‌زناهی یا خوڤه‌ دئێته‌ ئه‌سمانێ ئێكی(سێكا دویماهیێ ژشه‌ڤێ) وگازی دكه‌ت: (ئه‌رێ ئێك هه‌یه‌ داخازا ژێبرنا گونه‌ها ژمن بكه‌ت دا ئه‌ز گونه‌هێت وێ ژی ببه‌م؟ ئه‌رێ ئێك هه‌یه‌ دوعا ژمن بكه‌ت دا بو قه‌بیل كه‌م….هتد)
بشێوه‌كێ گشت ئه‌و وه‌ختێت تو ده‌سنیشان دكه‌ی بو گونه‌هێ گه‌له‌ك بخێرن لده‌ف خودێ ته‌عالا وهه‌ر كه‌سه‌كێ دڤان وه‌ختان دا گونه‌هێ دكه‌ت دێ یێ شه‌رمزار و خوساره‌ت بیت..
5-پشتی گونه‌هێ په‌شێمانی یه‌:
گونه‌هــ…پاشی گونه‌هــ…جاره‌كا دی گونه‌هــ…هندی تو گونه‌ها بكه‌ی و یێ به‌رده‌وام بی لسه‌ر كرنا گونه‌ها وهندی خوشیه‌كا به‌روه‌خت ژی ببه‌ی دێ لدویماهیێ هه‌ر په‌شێمان بی وئه‌گه‌ر ب ساخی لدونیایێ په‌شێمان نه‌بی ل روژا قیامه‌تێ بێ گومان دێ په‌شێمان بی ده‌مێ تو پێدڤی خێرا و خێره‌ك بتنێ ژی بده‌ست ته‌ نه‌كه‌ڤیت ودێ بێژی خوزی من وه‌نه‌كربا وهه‌ر لوێ روژێ مروڤێن چاك ژی په‌شێمان دبن و دبێژن خوزی مه‌ پتر خیرَ كربان پا هین چ دبێژن بو كه‌سه‌كی هه‌تا حه‌فكێ مابیته‌ دگونه‌هان را وهنده‌كێن هه‌ما یێت نقوم بوین ژئه‌گه‌رێ گونه‌هان..لوی ده‌می دێ گونه‌هكار هه‌وار كه‌ت و بێژیت من بزڤریننه‌ دونیایێ داكو كارێن باش ئه‌نجام بده‌م لێ داخازا وی دئێته‌ ره‌تكرن..(( وَجِيءَ يَوْمَئِذٍ بِجَهَنَّمَ يَوْمَئِذٍ يَتَذَكَّرُ الْإِنسَانُ وَأَنَّي لَهُ الذِّكْرَي, يَقُولُ يَا لَيْتَنِي قَدَّمْتُ لِحَيَاتِي)).

6-گونه‌هـ دئێنه‌ هه‌ژمارتن ونائێنه‌ ژبیركرن:
گونه‌هكار هزردكه‌ت گونه‌هـ ماوه‌یه‌كه‌ ودێ ئێنه‌ ژبیركرن وچ هزرێت مه‌زن بو ناكه‌ت به‌روڤاژی ڤێ چه‌ندێ هه‌ر گونه‌هه‌كا دئێته‌ ئه‌نجامدان دئێته‌ نڤێسین وهه‌لگرتن ول روژا دویماهیێ دێ حساب دگه‌ل مه‌ ئێته‌ كرن..(( يوم يبعثهم الله جميعا فينباهم بما عملوا احصاه الله ونسوه والله علي كل شيء شهيد)), ل وێ روژێ دێ گونه‌هكار حێبه‌تی مینیت ده‌مێ كتێبا خو دبینیت و هه‌ر كاره‌كێ وی كری چ باش بیت یان خراب و چه‌ند یێ بچیك بیت یێ تێدا هاتیه‌ نڤێسین..
((وَوُضِعَ الْكِتَابُ فَتَرَي الْمُجْرِمِينَ مُشْفِقِينَ مِمَّا فِيهِ وَيَقُولُونَ يَا وَيْلَتَنَا مَالِ هَذَا الْكِتَابِ لَا يُغَادِرُ صَغِيرَةً وَلَا كَبِيرَةً إِلَّا أَحْصَاهَا))..
7-مفای ژحه‌لالی وه‌رگره‌:
هه‌ر گونه‌هه‌كا تو دكه‌ی خودێ ته‌عالا به‌رامبه‌ر وێ ده‌رگه‌هێت حه‌لالی یێت بوته‌ ڤه‌كرین وخێرا دونیا وئاخره‌تێ یا بوته‌ كریه‌ تێدا,ژبیرنه‌كه‌ خودێ ته‌عالا حه‌لال یێ دایه‌ مه‌ داكو ئه‌م خو پێ ژحه‌رامیێ ب پارێزین و هوسا دێ خودێ مه‌زن ژمه‌ رازی بیت ودێ به‌رێ مه‌ ده‌ته‌ هیدایه‌تێ ودێ ئه‌م ژگونه‌ها ئێینه‌ پاراستن.

8-گونه‌هێ خویكه‌كا مه‌زن یاهه‌ی وچ دچینی دێ وی هه‌لینی:
كرنا گونه‌ها دێ گونه‌هكاری توشی گه‌له‌ك ئاریشا كه‌ت و دێ نیعمه‌تێت خودێ دگه‌ل مروڤی كرین كێم بن ودێ موسیبه‌ت ئێنه‌ سه‌رێ مه‌ وهه‌ر تشته‌كێ هوسا بهیته‌ سه‌رێ مه‌ هه‌ر ئه‌گه‌ر ئه‌مین چونكی ئه‌م بوینه‌ هوكارێ توره‌بونا خودێ ته‌عالا ژمه‌ وئه‌ڤ موسیبه‌ته‌ دێ دبه‌رده‌وام بن هه‌تا گونه‌هكار لخو دزڤریت وسوز وپه‌یمانێت خو دگه‌ل یه‌زدانی نوی كه‌ته‌ڤه‌..(( وَمَا أَصَابَكُم مِّن مُّصِيبَةٍ فَبِمَا كَسَبَتْ أَيْدِيكُمْ وَيَعْفُو عَن كَثِير ٍ)).. ئانكو ((هه‌ر موسیبه‌ته‌كا دئێته‌ سه‌رێ هه‌وه‌ ژئه‌گه‌رێ كارێت هه‌وه‌ یێت خرابه‌))..

9-گونه‌هــ چ خێرێ دعیباده‌تێ من ناهێلیت:
ده‌مێ كه‌سه‌ك گونه‌هه‌كێ بكه‌ت خو بلا چه‌ند یا بچیك ژی بیت دێ كارتێكرنێ ل عیباده‌تێن وی یێت دی دا كه‌ت بو نمونه‌ ئه‌گه‌ر كه‌سه‌ك یێ ب روژی بیت ودروژا خو هه‌میێ دا هند خێر نه‌كرینه‌ هندی به‌حسێ خه‌لكی بخرابی یا كری یان دره‌وه‌ك یا كری یان یێ سه‌حكریه‌ تشته‌كێ حه‌رام..ئه‌ڤان گونه‌ها خێرا ئه‌ڤێ روژیێ یا لاواز كری یان بئێكجاری نه‌هیلایه‌ هه‌روه‌كی پێغه‌مبه‌ر سلاڤ لی بن دفه‌رموت: (رُبَّ صَائِمٍ لَيْسَ لَهُ مِنْ صِيَامِهِ إِلاَّ الجُوعُ وَالعَطَش وَرُبَّ قَائِمٍ لَيْسَ لَهُ مِنْ قِيَامِهِ إِلاَّ السَّهَر)..ئانكو (كه‌سه‌ك یێ هه‌ی یێ ب روژی یه‌ به‌س چ خێر دروژی یا وی دا نه‌مایه‌ بتنێ تێهن وبرس)..

10-بتنێ كه‌یفا شه‌یتانی بگونه‌هێ دهێت:
هه‌ر گونه‌هه‌كا تو بكه‌ی كه‌یفا شه‌یتانی دئێت وده‌ستخوشیێ لته‌ دكه‌ت چونكی ده‌مێ تو گونه‌هێ دكه‌ی تو دئێیه‌ رێزا وی ده‌مێ وی بێ ئه‌مری یا خودێ ته‌عالا كری,ئه‌ڤ نهێنی یه‌ لڤێرێ دیاردبیت ده‌مێ نڤێژكه‌ر دچیته‌ سجدێ لوی ده‌می شه‌یتان دكه‌ته‌ گری دبێژیت: ئه‌مرێ ڤی كه‌سی هاته‌ كرن بچیته‌ سجدێ وگوهێ خو دا خودایێ خو و دێ چیته‌ به‌هه‌شتێ به‌س ئه‌مرێ من هاته‌ كرن ئه‌ژی بچمه‌ سجدێ لێ من گوهداری یا خودێ ته‌عالا نه‌كر و ئه‌ز دێ چمه‌ جه‌هنه‌مێ شه‌رمزاری بو من بیت…
له‌وما دڤێت ئه‌م دهشیار بین ژشه‌یتانی و ئه‌م هه‌رده‌م هه‌ول بده‌ین گری یا وی بینین نه‌كو ئه‌و بمه‌ بكه‌ته‌ كه‌نی چونكی شه‌یتان یێ ترسناكه‌ ئه‌و مه‌ دبینیت وئه‌م وی نابینین,هه‌روه‌كی (موتره‌فی كوری عبدالله) دبێژیت:هه‌كه‌ نێچیرڤانه‌كی نێچیره‌ك دیت ونێچیر وی زه‌لامی نابینیت ئه‌رێ ما یا ب سانه‌هی نینه‌ بو ڤی نێچیرڤانی نێچیرا خو بگریت؟گوتن:به‌لێ ,گوت:هشیار بن ژشه‌یتانی چونكی ئه‌و نێچیرڤانه‌ وئه‌م نێچیرین دله‌پیت وی دا چونكی ئه‌و مه‌ دبینیت وئه‌م وی نا بینین).

11-دویماهیكا خراب (سوء الخاتمه‌):
كارێت مروڤی دویماهیكا وی وێنه‌ دكه‌ت ئانكو ئه‌گه‌ر مروڤ یێ باش بیت دێ لسه‌ر باشیێ چیت وئه‌گه‌ر یێ خراب بیت دێ دویماهیكه‌كا خراب هه‌بیت وگونه‌هـ ونه‌گوهداری ئه‌گه‌رێ سه‌ره‌كی یه‌ بو دویماهیكا خراب..له‌وما یێ بڤێت لسه‌ر سجدێ بمریت بلا گه‌له‌ك سجدا بو خودێ ببه‌ت وهه‌چیێ ڤیا لسه‌ر باشیێ بچیت بلا كریارێت چاك بكه‌ت ودوعا ژخودێ ته‌عالا بكه‌ت ..
بزانن كو هیدایه‌ت ولێبورینا خودێ ته‌عالا نه‌ تشته‌كێ ئه‌رزانه‌ خودێ ته‌عالا دده‌ته‌ هه‌میا لێ پا دنیا تشته‌كێ بێ بهایه‌ خودێ مه‌زن دده‌ته‌ هه‌می جورێت مروڤا یێ باش وهه‌رهوسا یێ خراب وباراپتر دده‌ته‌ یێ خراب دا وی بجه‌ربینیت..له‌وما خوانده‌ڤانێ هێژا ته‌ دوو رێك یێت هه‌ین:
یان رێكا ابوبكری وعومه‌ری یان رێكا ابو جهلی وفرعونی..برایێ گونه‌هكار سه‌روچاڤێن مروڤێ چاك یێ خه‌ملاندیه‌ بعیباده‌تێ خودێ ته‌عالا ویێن مروڤێ خراب یێ كرێته‌ ب كاروكریارێت خراب یێت وی ئه‌نجام داین ئه‌ڤجا مروڤێ چاك ده‌مێ دمریت دێ قه‌برێ وی بیته‌ مێرگه‌ك ژمێرگێت به‌هه‌شتی و یێ گونه‌هكاری ژی دێ بیته‌ كوركه‌ك ژكوركێت ئاگری ئه‌ڤجا تو بریارێ بده‌ كا تو دێ دگه‌ل كێ بی….

12-گونه‌هــ ژیانا گونه‌هكاری تێك دده‌ت:
ئه‌نجامدانا كونه‌ها ژیانا گونه‌هكاری نه‌خوش دكه‌ت وئاریشێت وی زێده‌ دكه‌ت و دلێ وی پتر تاری دبیت وروناهی یا ئیمانێ لده‌ف كێم دبیت وكاروبارێت وی ببه‌رێك ڤه‌ نائێن هه‌روه‌كی خودێ ته‌عالا دفه‌رموت: ((وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَي)). ئانكو ((هه‌چیێ ژ په‌رستن و زكرێ خودێ ته‌عالا بدویركه‌ڤیت دێ ژیانا وی یا ئالوز بیت و لروژا قیامه‌تێ دێ حساب دگه‌ل ئێته‌ كرن و ئه‌و یێ كوره‌)).
هه‌رهوسا پێغه‌مبه‌رێ خوشتڤی (س) دبێژیت:(كرنا گونه‌ها رزقێ مروڤی كێم دكه‌ت..).. ئه‌ڤجا هه‌كه‌ ته‌ دڤێت تو یێ ئارام بی وژنه‌خوشیێت ژیانێ دیركه‌ڤی كونه‌ها نه‌كه‌..
13-كونه‌هكار یێ بێ بهایه‌ وكه‌س حه‌ژێ ناكه‌ت:
كونه‌هكار هزردكه‌ت كو ده‌مێ ئه‌و كونه‌هێ دكه‌ت ئه‌و یێ زیانێ بتنێ لخو دكه‌ت به‌لكو ئه‌و نوزانیت كو یێ زیانێ لهه‌می چێكریێت دی یێت خودێ ته‌عالا دكه‌ت لسه‌ر ریێ عه‌ردی وه‌كی مروڤا..ئه‌جنا..دارو به‌را…هتد هه‌روه‌كی خودێ ته‌عالا دفه‌رموت: ((ظَهَرَ الْفَسَادُ فِي الْبَرِّ وَالْبَحْرِ بِمَا كَسَبَتْ أَيْدِي النَّاسِ))..
جاره‌كێ (ابو هوره‌یره‌ی) گوهــ لزه‌لامه‌كی بو دگوت كو گونه‌هكار زولمێ بتنێ لخو دكه‌ت,ئینا (ئه‌بو هوره‌یره‌ی) گوتێ نه‌خێر والله خو (حباری) ژی كو جوره‌كێ بالندایه‌ نا حه‌ویێت ژبه‌ر گونه‌هێت مروڤا.. له‌وما ده‌مێ مروڤ گونه‌هێ دكه‌ت خو چێكریێت خودێ ئیزعاجا خو دبینن و پێ نه‌خوش دبن پا هوین چ دبێژن بو خودێ ته‌عالا كو گه‌له‌ك پێ نه‌خوشه‌ ده‌مێ كه‌سه‌ك بێ ئه‌مری یا وی دكه‌ت..؟؟؟؟

Check Also

ئه‌رێ حیكمه‌ت ژ زه‌كاتا “فترا” چى یه‌؟

ئه‌رێ حیكمه‌ت ژ زه‌كاتا “فترا” چى یه‌؟ مالپه‌رێ خابیر / زاخۆ گومان نینه‌ هه‌مى په‌رستن …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *