سەرەتا / به‌شێن مالپه‌ری / ھونەری / خانیێ رومیو و ژولێت تێدا هاتیه‌ نڤیسین ئاشكرا دبت.

خانیێ رومیو و ژولێت تێدا هاتیه‌ نڤیسین ئاشكرا دبت.

خانیێ رومیو و ژولێت تێدا هاتیه‌ نڤیسین ئاشكرا دبت.
مالپه‌رێ خابیر / زاخۆ
مێژووناسه‌كێ شانوویی راگه‌هاند كو ئه‌وی خانیێ نڤیسه‌رێ جیهانی “وێلیا شكپسیر” ل له‌نده‌ن تێدا ژیایی ئاشكراكر، كو تێدا رومانا “رومیو و ژوولێت” تێدا هاتییه‌ نڤیسین.
مێژووناس “جیفری مارش”ـى رۆهنكر و گوت، پشتی 10 سالان ژ ڤه‌كولینێ و پێداچوونا ژماره‌یه‌كا مه‌زن یا به‌لگه‌یێن فه‌رمی یێن مێژوویی، ئاشكرابی كو شكسپیر د ئاڤاهیێ نوكه‌ ب ژماره‌ 35 ل جادده‌یا “سانت هێلێن” ل رۆژهه‌لاتێ له‌نده‌ن ئاكنجی ببی، و ئه‌و ئاڤاهی ملكێ كومپانییا “فرۆشیارێن پیستان” بی و شكسپیر ب كرێ تێڤه‌ بی، كو ئه‌ڤ كومپانییه‌ هه‌می فرۆشیارێن پیستی د وی چه‌رخی دا ب خوه‌ڤه‌ دگرتن.

مارشی گوت: “پشتی چه‌ندین سالان ژ مشخه‌تبینا وی ژ ستراتفورد بۆ له‌نده‌ن، شكسپیر ل ئێك ژ ده‌ڤه‌رێن زه‌نگینان ل له‌نده‌ن ئاكنجی بی، لگه‌ل چه‌ندین كه‌سایه‌تیێن گشتی و بازرگانێن بیانی یێن زه‌نگین و مه‌زنه‌ موزیكژه‌ن، و دبت ئاكنجبینیا وی ل ڤی جهی ئێك ژ ئه‌گه‌رێن پێشكه‌فتنا وی یا شانوویی بت”.
ناڤهاتی زێده‌تر دا دیاركرن و گوت “ئاشكراكرنا وی جهێ شكسپیر لێ ژیایی، دێ تێگه‌هه‌كێ به‌رفره‌هتر ده‌رباره‌یی وان ژێده‌رێن بۆ وی بووینه‌ ئیلهام د كارێن وی و ژیانا وی دا دت مه‌”.

Check Also

ئارلوند تووشی هێرشه‌كا نه‌چاڤه‌رێكری دبت.

ئارلوند تووشی هێرشه‌كا نه‌چاڤه‌رێكری دبت. مالپه‌رێ خابیر / زاخۆ قه‌هره‌مانێ یاریێن له‌شی و ئه‌كته‌رێ به‌رنیاس …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *