سەرەتا / به‌شێن مالپه‌ری / ئاینى / ژێده‌رێت گونه‌ها:

ژێده‌رێت گونه‌ها:

ژێده‌رێت گونه‌ها:

مالپه‌رێ خابير / زاخۆ

د.جه‌مال كوچه‌ر

1-هه‌ڤالێت خراب:
تێكه‌لیی یا هه‌ڤالێت خراب كارتێكرنه‌كا سلبی لسه‌ر مروڤی دكه‌ت و به‌رێ وی دده‌ته‌ گونه‌ها و مروڤ یێ لسه‌ر ره‌وشتێ هه‌ڤالێ خو ئه‌گه‌ر هه‌ڤال خودان ره‌وشته‌كێ تازه‌ بیت لوی ده‌می دێ ره‌وشتێ ته‌ ژی وه‌كی یێ هه‌ڤالێ ته‌ بیت هه‌روه‌كی پێغه‌مبه‌ر سلاڤ لێ بن دبێژیت: (المَرْءُ علي دِيْنِ خَلِيْلِهِ)..ئانكو مروڤ یێ لسه‌ر ره‌وشتێ هه‌ڤالێ خو یێ هه‌ڤالینیا وی دكه‌ت..

2-بێ ترسی ژگونه‌ها و ئاشكراكرنا وان:
مروڤ هه‌می گونه‌ها دكه‌ن لێ یافه‌ره‌ ده‌مێ هین گونه‌هێ دكه‌ن ئێكسه‌ر توبه‌كا ژدل بكه‌ن داكو خودێ ته‌عالا گونه‌هێت وه‌ ژێ ببه‌ت به‌س ئه‌و كه‌سێ گونه‌هێ دكه‌ت وئاشكرا دكه‌ت وخه‌لكی هه‌میێ پێ دحه‌سینیت ومه‌دحا پێ دكه‌ت خودێ مه‌زن گونه‌ها ئه‌ڤی كه‌سی ژێ نابه‌ت و دێ گه‌له‌ك ژێ توره‌ بیت هه‌روه‌كی پێغه‌مبه‌ر سلاڤ لێ بن دبێژیت: (كُلُّ أُمَّتِي مُعَافَي إِلاَّ المُجَاهِرِيْنَ)..ئانكو بوسلمان هه‌می دئازانه‌ ژبلی وان كه‌سا یێت گونه‌هێت خو ئاشكه‌را دكه‌ن وكه‌یف پێ بهێت.

3-نه‌ ترسیان ژخودێ ته‌عالا:
ئه‌گه‌ر تو نه‌ترسی ژیه‌زدانێ ئه‌ڤی گه‌ردونی و تو شه‌رم ژێ نه‌كه‌ی ئه‌ڤ چه‌نده‌ دێ به‌رێ ته‌ ده‌ته‌ كرنا گونه‌ها و كه‌فتنا دناڤ داڤێت شه‌یتانی دا…
4- حه‌ژێكرنا گونه‌ها:
حه‌ژێكرنا گونه‌ها و وان كه‌سا ئه‌وێت گونه‌ها دكه‌ن ئه‌گه‌ره‌كێ سه‌ره‌كی یه‌ كو به‌رێ مروڤی دده‌ته‌ ئه‌نجامدانا گونه‌ها چونكی ئه‌ڤ چه‌نده‌ دێ گونه‌هێ لبه‌ر ته‌ شرین كه‌ت وبهایێ وێ دێ دچاڤێن ته‌دا مه‌زن كه‌ت…

5- حه‌ژێكرنا گونه‌هكارا:
ده‌مێ مروڤ حه‌ژ وان كه‌سا دكه‌ت یێ گونه‌ها دكه‌ن و تێكه‌لیا وان بێته‌ كرن زێده‌باری به‌رێخودانا كه‌نالێت خراب یێن كو ره‌وشتێت گه‌نجێ مه‌ دهه‌رفینیت و گونه‌هی لبه‌ر شرین دكه‌ن دی ته‌ ئێخیته‌ دده‌ریایا گونه‌ها دا وژێده‌ره‌كی دی یه‌ یێ كرنا گونه‌ها…
6-جهێت خراب:
قه‌ستكرنا وان جها یێت كو گونه‌هـ لێ دئێنه‌ كرن ئه‌ڤجا چ جهــ بیت دێ بیته‌ رێخوشكه‌ره‌ك بو ته‌ كو به‌رێ ته‌ بده‌ته‌ گونه‌ها و دێ وه‌ل ته‌كه‌ت كو هێلانا ڤان جوره‌ جها یا بزه‌حمه‌ت بیت..

7-كێم باوه‌ری:
ئه‌و كه‌سێت باوه‌ری یا وان برزقی,عه‌جه‌لی یان بمه‌زناهی یا خودێ ته‌عالا یاكێم بیت و هه‌می گاڤا بده‌ڤ گازنده‌ دێ به‌رێ مروڤی ده‌نه‌ ئه‌نجامدانا گونه‌ها چونكی دێ لڤی ده‌می شه‌یتان رولێ خو بینیت و دێ واسواسێ بومه‌ چێكه‌ت و گونه‌هێ لبه‌ر مه‌ شرین كه‌ت…
8-به‌رده‌وامی لسه‌ر گونه‌ها:
هه‌ر گونه‌هه‌كا دئێته‌ كرن ژلایێ گونه‌هكاری ڤه‌ خاله‌كا ره‌ش دكه‌ڤیته‌ سه‌ر دلێ وی و پتر به‌ره‌ف تاریاتیێ ڤه‌ دچیت و ژدلوڤانی یا خودێ ته‌عالا دویر دكه‌ڤیت له‌وما به‌رده‌وامی دان لسه‌ر كرنا گونه‌ها بێ كو مروڤ توبه‌ بكه‌ت دێ بیته‌ ئه‌گه‌رێ ڤێ چه‌ندێ كو خودێ ته‌عالا ژگونه‌هكاری توره‌ ببیت و مروڤێ ژهه‌ژی هیدایه‌تا خو نه‌بینیت..وبه‌رده‌وامی لسه‌ر كرنا گونه‌ها دێ گونه‌هكاری به‌ره‌ف سزایێ یه‌زدانی ڤه‌ به‌ت.

9-ئیستیغلال كرنا دلوڤانی یا خودێ ته‌عالا:
ژنیشانیت دلوڤانی یا خودێ ته‌عالا كو ده‌مێ گونه‌هكار گونه‌هێ دكه‌ت دێ خودێ ته‌عالا ده‌رفه‌ته‌كێ ده‌ته‌ وی كه‌سی و زیكا وی شه‌رمزار ناكه‌ت لێ ده‌مێ گونه‌هكار ئستیغلالا بێ ده‌نگی یا خودێ مه‌زن دكه‌ت وهزر دكه‌ت كو ره‌بێ وی هایژ وی نینه‌ ئه‌ڤ چه‌نده‌ ژی دێ ده‌رفه‌تی ده‌ته‌ شه‌یتانی كو پتر رولێ خو ببینینت دسه‌ردابرنا گونه‌هكاری دا…

Check Also

گرنگیا مشه‌ختبوونا پێغه‌مبه‌رى (سلاڤ لێ بن):

گرنگیا مشه‌ختبوونا پێغه‌مبه‌رى (سلاڤ لێ بن): مالپه‌رێ خابیر/ زاخۆ سعد محمد لرۆژا دووشه‌مبێ رێكه‌فتى (8 …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *