سەرەتا / به‌شێن مالپه‌ری / ئابوری / دێ چاوا د ره‌مه‌زانێ دا كێم پارا مه‌زێخی؟

دێ چاوا د ره‌مه‌زانێ دا كێم پارا مه‌زێخی؟

دێ چاوا د ره‌مه‌زانێ دا كێم پارا مه‌زێخی؟
مالپه‌رێ خابیر / زاخۆ
بۆ پاراستن ل بودجه‌یا مه‌زاختنێ د هه‌یڤا ره‌مه‌زانێ دا پێدڤیه‌ چه‌ند پێنگاڤێن یه‌ده‌ك و پێدڤی بهێنه‌ هاڤێتن داكو ب كێمترین تێچوون هه‌یڤا ره‌مه‌زانێ بهێته‌ رێكئێخستن، كو لگه‌ل بلندبینا بهایێن كه‌ل و په‌لان هه‌می خودان خێزان و خانمێن مالان حێبه‌تی دمینن د كێمكرنا بودجه‌یا تێچوونێ دا.
هه‌می خانم هه‌ول ددن پێدڤییاتیێن د هه‌یڤا ره‌مه‌زانێ دا پێدڤی پێ هه‌یی كوم بكن، داكو د هه‌یڤا پیرۆز دا نه‌وه‌ستن و پاره‌یی ژی گه‌له‌ك نه‌مه‌زێخن، ب ڤان شیره‌تان بودجه‌یا خوه‌ یا ره‌مه‌زانی رێكبێخه‌:

مفایی ژ كێمكرنێن ماركێتان ببینه‌
ل ده‌سپێكێ لێنانگه‌هـ و سه‌لاجا خوه‌ رێكبێخه‌ و وان كه‌ل و په‌لێن تو پێدڤی دیار بكه‌، و هشیار بی بێ لیسته‌ بازاری نه‌كه‌ی، كو پێدڤیه‌ وان كه‌ل و په‌لێن سه‌ره‌كی بۆ خارنێ لسه‌ر دانێ پاشیڤێ و فتارێ بكه‌یه‌ ئێك لیست و پێكڤه‌ بكری، داكو ژ گرانیێ بهێیه‌ پاراستن، و خوه‌ ژ كرینا تشتێن بێ مفا ژی دویربێخه‌ ب رێكا ریكلامێن كومپانییا.

كه‌سكاتی و شه‌ربه‌تێ ب قه‌رسینه‌
كه‌سكاتیێ ب هه‌می جورێن خوه‌ڤه‌ وه‌كی بامی و فاسولی و لوبیك و …..هتد ب قه‌رسینه‌ داكو د ره‌مه‌زانێ ب نه‌چاری ب بهایه‌كێ گرانتر نه‌كری، و مریشكێ و گوشتێ پێدڤی ژی ژبیرنه‌كه‌، به‌لێ ل دویڤ پێدڤیاتییا ته‌ نه‌ك زێده‌تر، زێده‌باری قه‌رساندنا شه‌ربه‌تێن سرۆشتی كو ژ یێن ده‌ستچێكه‌ر ساخله‌مترن.

خارنا زێده‌ نه‌هاڤێژه‌
ئه‌و خارنا دمینت نه‌هاڤێژه‌ و د قاپكێن پاراستنێ دا د فرێزه‌ری دا ب پارێزه‌، كو دێ تێرا دانه‌كێ پاشیڤێ یان فتارێ كن.

زه‌رزه‌واتی ب رێژه‌یێن مه‌زن نه‌كره‌
زه‌رزه‌واتی ب رێژه‌یێن مه‌زن نه‌كره‌، چونكی زوی خراب دبن ده‌مێ دهێنه‌ هلگرتن، و ئه‌ڤه‌ ژ گرنگترین شیره‌تانه‌.

ژماره‌یا مه‌عزومات و خارنێن وان ده‌ستنیشان بكه‌
ژماره‌یا وان مه‌عزوماتێن ته‌ لبه‌ر د هه‌یڤا ره‌مه‌زانێ دا چێكی لگه‌ل خارنێن وان ده‌ستنیشان بكه‌، و هه‌ول بده‌ ئه‌گه‌ر مێهڤانێن مه‌عزوماتان ئێك بنیاسن لگه‌ل ئێك كوم بكی، و زێده‌هیێ د ژماره‌یا وان و خارنێن وان دا نه‌كه‌.
و بزانه‌ رۆژیگر خارنێ ژ رۆژێن دی كێمتر دخوت.

شریناهیێن ئه‌رزان ده‌سنیشان بكه‌
هه‌و بده‌ شریناهیێن ده‌ستكرد هه‌تا كێمترین ئاست كێم بكی، چونكی زیانا وان پتره‌ ژ مفایێ وان، و ل ده‌مێ كرینێ ژی بلا جورێن ئه‌رزان بن و ب رێژه‌یێن كێم ده‌ینه‌ سه‌ر سفرا فتارێ داكو ب كێمی بهێته‌ خارن.

Check Also

بۆ ته‌ئكید 10 ملیون دولار ژ به‌نكێ راكێشان.

بۆ ته‌ئكید 10 ملیون دولار ژ به‌نكێ راكێشان. مالپه‌رێ خابیر / زاخۆ بزنسمه‌نێ نیجیری ئه‌لیكو …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *