سەرەتا / به‌شێن مالپه‌ری / ئاینى / ئه‌رێ حیكمه‌ت ژ زه‌كاتا “فترا” چى یه‌؟

ئه‌رێ حیكمه‌ت ژ زه‌كاتا “فترا” چى یه‌؟

ئه‌رێ حیكمه‌ت ژ زه‌كاتا “فترا” چى یه‌؟

مالپه‌رێ خابیر / زاخۆ
گومان نینه‌ هه‌مى په‌رستن و بنه‌مایێن پیرۆزێن ئیسلامى بۆ حیكمه‌ته‌كێ یێن هاتینه‌ دانان، ژبه‌ر كو ئه‌وێ ژلایێ وى هاتینه‌ دانان (خودایێ مه‌زن) چ تشت بێ حیكمه‌ت نه‌ كرینه‌ و كارێت بێ مه‌ره‌م كێماسینه‌ بۆ مرۆڤان دێ چاوا بۆ خودێ چێبت، لێ مه‌رج نینه‌ عه‌قلێ مه‌ مرۆڤان هه‌مى ده‌ما بشێت بگه‌هت وى ئاستى حیكمه‌تێ ژ په‌رستنێن خودێ بزانت، و خالا گرنك د په‌رستنێدا پێگێریكرنه‌ ب فه‌رمانا خودێ یه‌ نه‌ به‌رژه‌وه‌ندى یه‌ بۆ هندێ ئه‌م كریاره‌كێ بكن و دویڤرا مفاى ژێ وه‌ربگرن، لێ ئه‌گه‌ر كه‌سێ په‌رستكار حیكمه‌تێ ژى بزانت دێ بته‌ ئه‌گه‌ر بۆ هندێ ئه‌و گه‌له‌ك ب زاختر بت پێگیریێ ل سه‌ر وى عیباده‌تى بكت , و گرنكترین حیكمه‌ت ژ زه‌كاتا فتران ئه‌ڤ خالێن ل خارێ نه‌:
ئێك: پاقژكرنه‌ بۆ رۆژیا مرۆڤى ئه‌گه‌ر كێماسیی تێدا په‌یدا بى بن، وه‌كى غه‌یبه‌تێ و به‌رێخوه‌دانا حه‌رام …. هتد.
دوو: به‌لگه‌یه‌ ل سه‌ر هندێ كو كه‌سێ رۆژیگر مفایێ ژ هندێ وه‌رگرتى هه‌ست ب برسا كه‌سێن هه‌ژار و بێ كه‌س بكت.
سێ: ئه‌و كه‌سێن وه‌ردگرن وه‌كى دیارییه‌كێ بۆ وان لێ دئێت پشتى ب دووماهى ئینان و سه‌ركه‌فتنا كارێ خوه‌ رۆژیگرتنا ره‌مه‌زانێ.
چار: مه‌زنترین هاریكارییه‌ بۆ كه‌سێن هه‌ژار، ئه‌وێن نه‌شێن پێدڤیێن چه‌ژنێ بۆ خێزانێن خوه‌ دابین بكن، دا بشێن به‌شداریێ د شادیا چه‌ژنێ دا بكن وه‌كى هه‌مى خه‌لكێ.
پێنج: ڤه‌ژینه‌كا ئابورى یه‌ بۆ بازارى ژ راوه‌ستیان و كه‌فتنێ، چونكى كه‌س نینه‌ ژێ بێ بار هه‌مى كه‌س ددن هه‌ژار و ده‌وله‌مه‌ند و ل به‌رانبه‌ر دئێته‌ وه‌رگرتن، و ل دووماهیێ ل بازارى دئێته‌ خه‌رجكرن و لڤینێ دئێخته‌ بازارى پشتى ژ موژیلیا ره‌مه‌زانێ راوه‌ستیان كه‌فتیێ.

Check Also

دوعایێن شیفایێ:

دوعایێن شیفایێ: مالپەرێ‌ خابیر / زاخۆ سەرەدانا نەخوەشی و كرنا دوعایێن شیفایێ بۆ وی دهێتە …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *