سەرەتا / به‌شێن مالپه‌ری / زانست و تەکنولوژیا / ب رێكا ناسایێ ناڤێ خوه‌ ڤرێكه‌ مه‌ریخێ.

ب رێكا ناسایێ ناڤێ خوه‌ ڤرێكه‌ مه‌ریخێ.

ب رێكا ناسایێ ناڤێ خوه‌ ڤرێكه‌ مه‌ریخێ.
مالپه‌رێ خابیر / زاخۆ
هه‌تا نوكه‌ مرۆڤان نه‌شیاینه‌ بچنه‌ سه‌ر مه‌ریخێ، به‌لێ د نێزیك دا دێ شێن نیشانه‌كا خوه‌ بهێلن سه‌ر، كو ئاژانسا “ناسا” ده‌رفه‌ته‌ك بۆ جه‌ماوه‌ری په‌یداكریه‌ ناڤێن خوه‌ بهنێرنه‌ هه‌ساره‌یا سور.
ل دویڤ ئاژانسا بوشاهیێ یا ئه‌مریكی، ناڤێ لسه‌ر هنده‌ك مه‌دالییان هێنه‌ نڤیسان و ب رێكا مه‌ركبا مه‌ریخێ كو ل سالا 2020 هێته‌ هنارتن، و جه‌ماوه‌ر دشێن ناڤێ خوه‌ ب رێكا ئه‌لكترونی تومار بكن.
بریاره‌ مه‌ركه‌با گرانییا وێ پتر ژ هزار كێلوگرامان ل یولیویا 2020 بهێته‌ هنارتن، و ل فبرایه‌را 2021 بگه‌هته‌ سه‌ر رویێ هه‌ساره‌یا سور.
كارێ مه‌ركه‌با نوی لێگه‌ریانه‌ ل ژیانا مایكروبی، و ئه‌و چه‌ندا سه‌قا و جیولوجیا هه‌ساره‌یێ جودا دكت، هه‌روه‌سا ئینانا سامپلانه‌ بۆ ئه‌ردێ د داهاتی دا، كو دێ رێك بۆ مرۆڤان هێته‌ خوه‌شكرن هه‌ساره‌یێ ئاشكرابكن.
پتر ژ ملیون ناڤان لسه‌ر مه‌دالییان ب رێكا چارچوڤه‌كێ شویشه‌یی لگه‌ل مه‌ركه‌بێ هێنه‌ هنارتن، و ده‌رفه‌ت بۆ هه‌می كه‌سان هه‌یه‌ ناڤێن خوه‌ بنڤیسین.
توماس زوربوشن، رێڤه‌به‌رێ هاریكار بۆ كارگێرییا فرمانێن زانستی ل “ناسا”ـێ ل واشنتون گوت: “د حازریێن مه‌ دا بۆ گه‌شت و فرمانا مێژوویی، مه‌ دڤێت هه‌می پشكداریێ د ڤێ گه‌شتا ئاشكراكرنێ دا بكن، ده‌مه‌كێ ب سه‌رنجه‌، ئه‌م دێ ڤێ گه‌شتێ ده‌سپێكه‌ین دا به‌رسڤێ لسه‌ر پسیارێن كویر ده‌رباره‌ی جیرانێ مه‌ هه‌سارێ بده‌ین، و ژێده‌رێ ژیانێ ب خوه‌ ژی”.
ژ نوكه‌ هه‌تا 30 سێپتێمبه‌را 2019 تو دشێی ب رێكا ڤی لینكی ناڤێ خوه‌ تومار بكه‌ی.

 

Check Also

ئه‌پلیكه‌یشنه‌كێ تایبه‌ت بۆ سیسته‌مێ ios بۆ هژمارتنا زه‌كاتێ.

ئه‌پلیكه‌یشنه‌كێ تایبه‌ت بۆ سیسته‌مێ ios بۆ هژمارتنا زه‌كاتێ. مالپه‌رێ خابیر / زاخۆ سیسته‌مێ  زه‌كاتێ د …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *