سەرەتا / به‌شێن مالپه‌ری / ساخلەمی / سێ‌ ژ رێكێن ل خوارێ‌ دیاركری دێ‌ ته‌ ژ نه‌خۆشیێن دلی پارێزن

سێ‌ ژ رێكێن ل خوارێ‌ دیاركری دێ‌ ته‌ ژ نه‌خۆشیێن دلی پارێزن

مالپه‌رێ خابیر / زاخۆ

پلانا ژ هه‌میان باشتر بۆ خوپاراستنێ‌ ژ نه‌خۆشیێن دلی ئه‌وه‌ كو ژوان تشتێن نێگه‌تیفێن رۆژانه‌ ئه‌م ب كاردئینین ب پارێزین، له‌ورا باشتره‌ هه‌ر چ نه‌بیت سێ‌ رێكان ژڤان رێكێن ل خوارێ‌ دیاركری بو خو ب هه‌لبژێره‌ و ل دووڤ هه‌ره‌، دێ‌ بینی كو تو ب دروستی ژ نه‌خوشیێن دلی دێ‌ هێیه‌ پاراستن:
• هه‌ڤژینا خۆ رازی بكه‌ كو جگاره‌یان نه‌كێشیت: ئه‌و زه‌لامێن جگاره‌یان نه‌كێشن و هه‌ڤژینێن وان جگاره‌یان دكێشن، ب رێژا 29% پتر ژ زه‌لامێن دیتر تووشی نه‌خۆشیێن دلی دبن، ئه‌وژی ژبه‌ركو هه‌لكێشانا دووكێلا جگارێ‌ رێژه‌یێن كولیسترولێ‌ ب زیان زێده‌دكه‌ت و دبیته‌ ئه‌گه‌ر كو تووشبون ب جه‌لته‌یێن دلی ژی زێده‌ببیت.
• حه‌فتیانه‌ چار جاران راهێنانێن وه‌رزشی ئه‌نجام بده‌: ئه‌و زه‌لامێن دژیێ‌ ناڤنجی دا ب رێژا 60% ژ مه‌ترسیا تووشبونێ‌ ب نه‌خۆشیێن دلی دهێنه‌ پاراستن هه‌كه‌ حه‌فتیێ‌ دو هه‌تا چار ده‌مژمێران وه‌رزشێ‌ بكه‌ن.
• سه‌نگێ‌ خۆ كێم بكه‌: هه‌كه‌ تو یێ‌ قه‌له‌و بی و تو هه‌ول بده‌ی سه‌نگێ‌ خو ب رێژا 10% كێم بكه‌ی دێ‌ ژ مرنا زوو ده‌م ئه‌وا ژ ئه‌نجامێ‌ نه‌خۆشیێن دلی په‌یدادبیت هێیه‌ پاراستن، ڤه‌كولینان دیاركریه‌ كو مرۆڤێن قه‌له‌و ب 8 سالان به‌ری مرۆڤێن زه‌عیف گیانێ‌ خۆ ژده‌ست دده‌ن.
• رۆژانه‌ چار بوتلێن ئاڤێ‌ ڤه‌خوو: ئه‌و زه‌لامێن رۆژانه‌ چوار بوتلێن ئاڤێ‌ ڤه‌دخون، تووشبوونا وان برێژا 54% ب نه‌خوشیێن دلی كێمتر لێ‌ دهێت.
• ل شوونا قه‌هوێ‌ چایێ‌ ڤه‌خوو: ئێك ژ ڤه‌كولینان دیاركری یه‌ كو ئه‌و زه‌لامێن رۆژانه‌ سێ‌ كوپێن چایێ‌ ڤه‌دخوون 50% كێمتر ژ زه‌لامێن كو چ جاران چایێ‌ نه‌ڤه‌خوون تووشی ئێشێن دلی دبن.
• شه‌مبیان ماسیێن سالمون و سێشه‌مبیان ماسیێن تونه‌ بخو: ڤه‌كوله‌رێن كولیژا هارفارد یا ساخله‌میا گشتی دبێژن كو خوارنا ماسیێ‌ حه‌فتیانه‌ دو جاران ب رێژا 30% مرۆڤی ژ نه‌خوشیێن دپارێزیت.
• پرسیارێ‌ ژ نوشدارێ‌ خۆ بكه‌ ل دور ڤیتامین ئی و ئه‌سپرینی: ل دووڤ ڤه‌كولینه‌كا نوو یا زانكویا بنسلفانیا ئه‌ڤ هه‌ردو پێكهێنه‌ره‌ تووشبونێ‌ ب نه‌خوشیێن دلی كێم دكه‌ن.

دەربارە ف.ع

Check Also

دێ چاوا ددانێن خوه‌ بۆ سه‌د سالان پارێزی؟

دێ چاوا ددانێن خوه‌ بۆ سه‌د سالان پارێزی؟ مالپه‌رێ خابیر / زاخۆ دگه‌ل داخازا ژیدرێژیێ …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *