سەرەتا / به‌شێن مالپه‌ری / نوچه‌ / ” دێ ب سیسته‌مێ به‌رێ پاره‌یێ ئاڤێ ژ وه‌ڵاتیان هێته‌ وه‌رگرتن و كار ب پیڤه‌ری هاته‌ ڕاگرتن “

” دێ ب سیسته‌مێ به‌رێ پاره‌یێ ئاڤێ ژ وه‌ڵاتیان هێته‌ وه‌رگرتن و كار ب پیڤه‌ری هاته‌ ڕاگرتن “

مالپه‌رێ خابیر / زاخۆ

ئه‌ڤرو د كونگره‌یه‌كێ رۆژنامه‌ڤانیێ هه‌ڤبه‌شدا یێ دناڤبه‌را كارگێریا پارێزگه‌ها دهوكێ و جڤاتا پارێزگه‌هێ به‌حس ل پیڤه‌رێ ئاڤێ هاته‌كرن كو د رابووریدا پترترین گازنده‌یا وه‌ڵاتیان لسه‌ر بوویه‌.

فه‌رهاد ئه‌ترووشی پارێزگارێ دهوكێ د وی كونگره‌یی رۆژنامه‌ڤانیدا راگه‌هاند: كار ب سیسته‌كێ پیڤه‌رێ ئاڤێ هاته‌ راگرتن و دێ لسه‌ر شێوازێ به‌ری نها پاره‌یێ كرییا ئاڤێ ژ وه‌ڵاتیان هێته‌ وه‌رگرتن.

هه‌روه‌سا پارێزگارێ دهوكێ ئه‌و یه‌ك ژی دا زانین پێدڤییه‌ هه‌می مال ئه‌ڤی پیڤه‌ری گرێده‌ن و پاشی ب رێكه‌چاره‌یه‌كا گونجایی و ل ئاستێ وه‌لاتیان پاره‌یی وه‌رگرن و نابیت ئه‌وێن پیڤه‌ر گرێدای و نه‌گرێدای وه‌كو ئێك پاره‌یی ژێ بهێته‌ وه‌رگرتن.

هه‌روه‌سا فه‌هیم عه‌بدوللا سه‌رۆكێ جڤاتا پارێزگه‌ها دهوكێ هه‌ر د وی كونگره‌یه‌كێ رۆژنامه‌ڤانیدا راگه‌هاند: دڤێت وه‌كو یه‌ك و ب دادپه‌روه‌ری ئاڤ بۆ هه‌میان بهێته‌ دابه‌شكرن و رێكێ  ل مه‌زاختنا زێده‌ یا ئاڤێ ژی بهێته‌ گرتن.

پشتی پیڤه‌رێ ئاڤێ بۆ هه‌ژماره‌كا زوور ژ مالێن دهوكێ هاتیه‌ گرێدان و لدویڤدا ژ ئه‌گه‌رێ وه‌رگرتنا پاره‌یێ زوور وه‌كو كرییا ئاڤێ نه‌رازیبوونێن توند یێن وه‌لاتیان ل پشت هاتن و بڤێ یه‌كێ ژی كارگێریا پاێزگه‌ها دهوكێ ئه‌ڤ بریاریا كاركرن ب پیڤه‌رێ ئاڤێ هاته‌ راگرتن .

دەربارە ف.ع

Check Also

خالد شوانى: حكومه‌تا هه‌رێمێ لژنه‌ بۆ گوت و بێژان دگه‌ل به‌غدا ئاماده‌ كرییه‌

مالپه‌رێ خابیر/ زاخۆ پشتی چه‌ند ساڵه‌كان ژ راوه‌ستیانێ قۆناغێن جێبجێكرنێ مادده‌ىێ 140 ێ ده‌ستورێ عێراقێ …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *