سەرەتا / به‌شێن مالپه‌ری / نوچه‌ / شێركۆ جه‌وده‌ت ئه‌گه‌رێ ده‌نگنه‌دانا فڕاكسیۆنا یه‌كگرتوو ب كابینه‌یا نوی یا حكومه‌ت ئاشكراكر و كێم و كاسی ژی ده‌رئێخستن

شێركۆ جه‌وده‌ت ئه‌گه‌رێ ده‌نگنه‌دانا فڕاكسیۆنا یه‌كگرتوو ب كابینه‌یا نوی یا حكومه‌ت ئاشكراكر و كێم و كاسی ژی ده‌رئێخستن

مالپه‌رێ خابیر / زاخۆ

د.شێركۆ جه‌وده‌ت سه‌رۆكێ فڕاكسیۆنا یه‌كگرتوویا ئیسلامیا كوردستانێ ل په‌رله‌مانێ كوردستانێ راگه‌هاند ، كه‌موكوڕیێن زوور د كۆبوونا ئه‌ڤرویا په‌رله‌مانیدا هه‌بوون و به‌حس ژ وه‌زیران كر (سى ڤى ) وه‌زیران دره‌نگ هنارتبوون كو پێدڤی بوو (48) ده‌مژمێران ژ كۆبوونا په‌رله‌مانی گه‌هشتبا ده‌ستێ وان .

د داخویانیه‌كێدا بۆ “دیجیتاڵ میدیا سپێده‌ ” د.شێركۆ جه‌وده‌ت سه‌رۆكێ فڕاكسیۆنا یه‌كگرتوویا ئیسلامیا كوردستانێ ل په‌رله‌مانێ كوردستانێ راگه‌هاند :” (سى ڤى) یێ وه‌زیران یابا ژبه‌ری  (48) ده‌مژمێران گه‌هشتبایه‌ په‌رله‌مانی ، لێ ژ به‌ری  (24) ده‌مژمێران (سی ڤی) هاتینه‌ ” ، ئاماژه‌ بۆ وێ یه‌كێ ژی كر ” د هه‌مان ده‌مدا كه‌لیشه‌یا (سى ڤى )یان بڤی جوری نابیت كو هویركاریێن وه‌زیران به‌ڵاڤبكه‌ن ، یان كۆنتاكت دگه‌ل وان وه‌زیران بكه‌ن بۆ وێ یه‌كێ شیان و لێهاتنا وان وه‌زیران بهێته‌ زانین ، ژبه‌ر ڤێ یه‌كێ پڕۆسه‌ كه‌موكوڕى تێدابوون ” .

لبارا ده‌نگ نه‌دان ب كابینه‌یا نوی یا حكومه‌تا هه‌رێما كوردستانێ ، سه‌رۆكێ فڕاكسیۆنا یه‌كگرتوویا ئیسلامیا كوردستانێ گووتى :” ژ وانگه‌ها ئۆپۆزسیۆن بوونا خۆ مه‌ ده‌نگ ب كابینه‌یا حكومه‌تا هه‌رێما كوردستانێ نه‌دا ، به‌رنامه‌یێ كارێ كابینه‌یێ ژی كو هاته‌ راگه‌هاندن ئه‌و خواسته‌ تێدا نینه‌ كو پێدڤی بن بۆ چاكسازى و ئیسڵاح و بۆ باشتركرنا ژیان و ژیارا خه‌لكێ هه‌رێما كوردستانێ ” .

د.شێركۆ جه‌وده‌ت دووپات ژی كر “ئه‌م د وێ باوه‌ریێ داینه‌ ئه‌و چاكسازیێن بنه‌ڕه‌تی پێدڤییه‌ بهێنه‌ ئه‌نجامدام ، نه‌شێن بڤی شێوازی و بڤی نه‌هجی چاره‌سه‌ر بكه‌ن ، ئه‌ڤه‌ ژی ل روانگه‌هێ ئۆپۆزۆسیۆنبوونا مه‌ ،مه‌ ده‌نگ ب كاببینه‌یا (9)ێ نه‌دا ” .

لبارا كارنامه‌یا حكومه‌تێ ژی سه‌رۆكێ فڕاكسیۆنا یه‌كگرتوویا ئیسلامیا كوردستانێ گووتى :” بگوری په‌یڕه‌وێ ناڤخۆ لسه‌ر بنچینه‌یێ كارنامه‌یا حكومه‌تێ ده‌نگ ب كابینه‌یێ دهێته‌دان ، ئه‌ڤ كارنامه‌ یه‌ ژی دڤێت به‌ری نها ژئالیێ په‌رله‌مانتاران دیراسه‌ت بۆ كربیت ، لێ ئێمه‌ ل میدیایان كارنامه‌یا حكومه‌تێ گه‌هشته‌ ده‌ستێ مه‌ ، پێدڤی بوو ب شێوه‌یه‌كێ فه‌رمى گه‌هشبایه‌ مه‌ ، ئه‌ڤه‌ ژی كه‌موكوریێن پڕۆسه‌یێ دووپات دگه‌ت كو ل كۆبوونا ئه‌ڤرو هه‌بوون ” .

دەربارە ف.ع

Check Also

خالد شوانى: حكومه‌تا هه‌رێمێ لژنه‌ بۆ گوت و بێژان دگه‌ل به‌غدا ئاماده‌ كرییه‌

مالپه‌رێ خابیر/ زاخۆ پشتی چه‌ند ساڵه‌كان ژ راوه‌ستیانێ قۆناغێن جێبجێكرنێ مادده‌ىێ 140 ێ ده‌ستورێ عێراقێ …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *